2. 2 සලලපුප්ඵිකාපදානං.
151. චන්දභාගානදීතීරෙ අහොසිං කින්නරී තදා,
අද්දසාහං දෙවදෙවං චඞ්කමන්තං නරාසභං.
අද්දසාහං දෙවදෙවං චඞ්කමන්තං නරාසභං.
152. ඔචිනිත්වාන සලලං බුද්ධසෙට්ඨස්ස’දාස’හං,
“උපසිඞ්ඝ මහාවීර සලලං දෙවගන්ධිකං.”
“උපසිඞ්ඝ මහාවීර සලලං දෙවගන්ධිකං.”
153. පටිග්ගහෙත්වා සම්බුද්ධො විපස්සී ලොකනායකො,
උපසිඞ්ඝි මහාවීරො පෙක්ඛමානාය මෙ තදා.
උපසිඞ්ඝි මහාවීරො පෙක්ඛමානාය මෙ තදා.
154. අඤ්ජලිං පග්ගහෙත්වාන වන්දිත්වා දිපදුත්තමං,
සකං චිත්තං පසාදෙත්වා තතො පබ්බතමාරූහිං.
සකං චිත්තං පසාදෙත්වා තතො පබ්බතමාරූහිං.
155. එකනවුතෙ ඉතො කප්පෙ යං පුප්ඵමදදිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
156. කිලෙසා ඣාපිතා මය්හං -පෙ- විහරාමි අනාසවා.
157. ස්වාගතං වත මෙ ආසි -පෙ- කතං බුද්ධස්ස සාසනං.
158. පටිසම්භිදා චතස්සො ච -පෙ- කතං බුද්ධස්ස සාසනං.
ඉත්ථං සුදං සලලපුප්ඵිකාභික්ඛුනී ඉමා ගාථායො අභාසිත්ථාති.
සලලපුප්ඵිකා ථෙරියාපදානං දුතියං.
2. 3 මොදකදායිකාපදානං.
159. නගරෙ බන්ධුමතියා කුම්හදාසි අහොස’හං,
මම භාගං ගහෙත්වාන ගච්ඡිං උදකහාරිකා.
මම භාගං ගහෙත්වාන ගච්ඡිං උදකහාරිකා.
160. පන්ථම්හි සමණං දිස්වා සන්තචිත්තං සමාහිතං,
පසන්නචිත්තා සුමනා මොදකෙ තීණි’දාස’හං.
පසන්නචිත්තා සුමනා මොදකෙ තීණි’දාස’හං.
161. තෙන කම්මෙන සුකතෙන චෙතනාපණිධීහි ච,
එකනවුති කප්පානි විනිපාතං න ගච්ඡ’හං.
එකනවුති කප්පානි විනිපාතං න ගච්ඡ’හං.
162. සම්පත්තිං තං කරිත්වාන සබ්බං අනුභවාමහං,
මොදකෙ තීණි දත්වාන පත්තා’හං අචලං පදං.
මොදකෙ තීණි දත්වාන පත්තා’හං අචලං පදං.
163-165. කිලෙසා ඣාපිතා මය්හං -පෙ- කතං බුද්ධස්ස සාසනං.
ඉත්ථං සුදං මොදකදායිකා භික්ඛුනී ඉමා ගාථායො අභාසිත්ථාති.
මොදකදායිකා ථෙරියාපදානං තතියං.
2. 4 එකාසනදායිකාපදානං.
166. නගරෙ හංසවතියා අහොසිං බාලිකා තදා,
මාතා ච මෙ පිතා චෙව කම්මන්තං අගමංසු තෙ.
මාතා ච මෙ පිතා චෙව කම්මන්තං අගමංසු තෙ.
167. මජ්ඣන්තිකම්හි සුරියෙ අද්දසං සමණං අහං,
වීථියං අනුගච්ඡන්තං ආසනං පඤ්ඤපෙස’හං.
වීථියං අනුගච්ඡන්තං ආසනං පඤ්ඤපෙස’හං.
168. ගොණකචිත්තකාදීහි පඤ්ඤපෙත්වා’හමාසනං,
පසන්නචිත්තා සුමනා ඉදං වචනමබ්රවිං.
පසන්නචිත්තා සුමනා ඉදං වචනමබ්රවිං.
169. “සන්තත්තා කුථිතා භූමි සූරො මජ්ඣන්තිකෙ ඨිතො,
මාලුතා ච න වායන්ති කාලො චෙත්ථ උපට්ඨිතො.
මාලුතා ච න වායන්ති කාලො චෙත්ථ උපට්ඨිතො.
170. “පඤ්ඤත්තමාසනමිදං තවත්ථාය මහාමුනි,
අනුකම්පමුපාදාය නිසීද මම ආසනෙ.”
අනුකම්පමුපාදාය නිසීද මම ආසනෙ.”
171. නිසීදි තත්ථ සමණො සුදන්තො සුද්ධමානසො,
තස්ස පත්තං ගහෙත්වාන යථාරන්ධමදාසහං.
තස්ස පත්තං ගහෙත්වාන යථාරන්ධමදාසහං.
172. තෙන කම්මෙන සුකතෙන චෙතනාපණිධීහි ච,
ජහිත්වා මානුසං දෙහං තාවතිංසමගච්ඡහං.
ජහිත්වා මානුසං දෙහං තාවතිංසමගච්ඡහං.
173. තත්ථ මෙ සුකතං ව්යම්හං ආසනෙන සුනිම්මිතං,
සට්ඨියොජනමුබ්බෙධං තිංසයොජනවිත්ථතං.
සට්ඨියොජනමුබ්බෙධං තිංසයොජනවිත්ථතං.