1. 7 කටච්ඡුභික්ඛාදායිකාපදානං.
60. පිණ්ඩචාරං චරන්තස්ස තිස්ස නාමස්ස සත්ථුනො,
කටච්ඡුභික්ඛං පග්ගය්හ බුද්ධසෙට්ඨස්ස’දාස’හං.
කටච්ඡුභික්ඛං පග්ගය්හ බුද්ධසෙට්ඨස්ස’දාස’හං.
61. පටිග්ගහෙත්වා සම්බුද්ධො තිස්සො ලොකග්ගනායකො,
වීථියා සණ්ඨිතො සත්ථා අකා මෙ අනුමොදනං.
වීථියා සණ්ඨිතො සත්ථා අකා මෙ අනුමොදනං.
62. “කටච්ඡුභික්ඛං දත්වාන තාවතිංසං ගමිස්සසි,
ඡත්තිංසදෙවරාජූනං මහෙසිත්තං කරිස්සසි.
ඡත්තිංසදෙවරාජූනං මහෙසිත්තං කරිස්සසි.
63. පඤ්ඤාස චක්කවත්තීනං මහෙසිත්තං කරිස්සසි,
මනසා පත්ථිතං සබ්බං පටිලච්ඡසි සබ්බදා.
මනසා පත්ථිතං සබ්බං පටිලච්ඡසි සබ්බදා.
64. සම්පත්තිං අනුභොත්වාන පබ්බජිස්සසි’කිඤ්චනා,
සබ්බාසවෙ පරිඤ්ඤාය නිබ්බායිස්සසි’නාසවා.”
සබ්බාසවෙ පරිඤ්ඤාය නිබ්බායිස්සසි’නාසවා.”
65. ඉදං වත්වාන සම්බුද්ධො තිස්සො ලොකග්ගනායකො,
නභං අබ්භුග්ගමී ධීරො හංසරාජාව අම්බරෙ.
නභං අබ්භුග්ගමී ධීරො හංසරාජාව අම්බරෙ.
66. සුදින්නං මෙ දානවරං සුයිට්ඨා යාගසම්පදා,
කටච්ඡුභික්ඛං දත්වාන පත්තාහං අචලං පදං.
කටච්ඡුභික්ඛං දත්වාන පත්තාහං අචලං පදං.
67. ද්වෙ නවුතෙ ඉතො කප්පෙ යං දානමදදිං තදා,
දුග්ගතිං නාභිජානාමි භික්ඛාදානස්සිදං ඵලං.
දුග්ගතිං නාභිජානාමි භික්ඛාදානස්සිදං ඵලං.
68-70. කිලෙසා ඣාපිතා මය්හං -පෙ- කතං බුද්ධස්ස සාසනං.
ඉත්ථං සුදං කටච්ඡුභික්ඛාදායිකා භික්ඛුනී ඉමා ගාථායො අභාසිත්ථාති.
කටච්ඡුභික්ඛාදායිකා ථෙරියාපදානං සත්තං.
1. 8 සත්තුප්පලමාලිකාපදානං.
71. නගරෙ අරුණවතියා අරුණවා නාම ඛත්තියො,
තස්ස රඤ්ඤො අහුං භරියා චාරිකං චාරයාමහං.
තස්ස රඤ්ඤො අහුං භරියා චාරිකං චාරයාමහං.
72. සත්තමාලා ගහෙත්වාන උප්පලා දෙවගන්ධිකා,
නිසජ්ජපාසාදවරෙ එවං චින්තෙසි තාවදෙ.
නිසජ්ජපාසාදවරෙ එවං චින්තෙසි තාවදෙ.
73. “කිං මෙ ඉමාහි මාලාහි සිරසාරොපිතාහි මෙ,
වරං මෙ බුද්ධසෙට්ඨස්ස ඤාණම්හි අභිරොපිතං.”
වරං මෙ බුද්ධසෙට්ඨස්ස ඤාණම්හි අභිරොපිතං.”
74. සම්බුද්ධං පතිමානෙන්ති ද්වාරාසන්නෙ නිසීද’හං,
”යදා එහීති සම්බුද්ධො පූජයිස්සං මහාමුනිං.”
”යදා එහීති සම්බුද්ධො පූජයිස්සං මහාමුනිං.”
75. කකුධො විලසන්තොව මිගරාජාව කෙසරී,
භික්ඛුසඞ්ඝෙන සහිතො ආගඤ්ඡි වීථියං ජිනො.
භික්ඛුසඞ්ඝෙන සහිතො ආගඤ්ඡි වීථියං ජිනො.
76. බුද්ධස්ස රංසිං දිස්වාන හට්ඨා සංවිග්ගමානසා,
ද්වාරං අවාපුරිත්වාන බුද්ධසෙට්ඨං අපූජයිං.
ද්වාරං අවාපුරිත්වාන බුද්ධසෙට්ඨං අපූජයිං.