88. සද්දසඤ්ඤකත්ථෙරාපදානං.
1539. පබ්බතෙ හිමවන්තම්භි වසාමි පණ්ණසන්ථරෙ,
ඵුස්සස්ස ධම්මං භණතො සද්දෙ චිත්තං පසාදයිං.
ඵුස්සස්ස ධම්මං භණතො සද්දෙ චිත්තං පසාදයිං.
1540. ද්වෙනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පුඤ්ඤකම්මස්සිදං ඵලං.
දුග්ගතිං නාභිජානාමි පුඤ්ඤකම්මස්සිදං ඵලං.
1541. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සද්දසඤ්ඤකො ථෙරො ඉමා ගාථායො අභාසිත්ථාති.
සද්දසඤ්ඤකත්ථෙරස්ස අපදානං අට්ඨමං.
89. බොධිසිඤ්චකත්ථෙරාපදානං
1542. විපස්සිස්ස භගවතො මහාබොධිමහො අහු,
පබ්බජ්ජූපගතො සන්තො උපගච්ඡිං මහං අහං.
පබ්බජ්ජූපගතො සන්තො උපගච්ඡිං මහං අහං.
1543. කුසුමොදකමාදාය බොධියා ඔකිරිං අහං,
“මොචයිස්සති නො මුත්තො නිබ්බාපෙස්සති නිබ්බුතො”.
“මොචයිස්සති නො මුත්තො නිබ්බාපෙස්සති නිබ්බුතො”.
1544. එකනවුතෙ ඉතො කප්පෙ යං බොධිමභිසිඤ්චයිං,
දුග්ගතිං නාභිජානාමි බොධිසිඤ්චායිදං ඵලං.
දුග්ගතිං නාභිජානාමි බොධිසිඤ්චායිදං ඵලං.
1545. තෙත්තිංසෙ වත්තමානම්හි කප්පෙ ආසුං ජනාධිපා,
උදකාසෙචනා නාම අට්ඨෙතෙ චක්කවත්තිනො.
උදකාසෙචනා නාම අට්ඨෙතෙ චක්කවත්තිනො.
1546. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා බොධිසිඤ්චකො ථෙරො ඉමා ගාථායො අභාසිත්ථාති.
බොධිසිඤ්චකත්ථෙරස්ස අපදානං නවමං.
90. පදුමපුප්ඵියත්ථෙරාපදානං
1547. පොක්ඛරවනං පවිට්ඨො භඤ්ජන්තො පදුමානහං,
අද්දසං ඵුස්සසම්බුද්ධං බත්තිංසවරලක්ඛණං.
අද්දසං ඵුස්සසම්බුද්ධං බත්තිංසවරලක්ඛණං.
1548. පදුමපුප්ඵං ගහෙත්වාන ආකාසෙ උක්ඛිපිං අහං,
පසන්නකම්මං කත්වාන පබ්බජිං අනගාරියං.
පසන්නකම්මං කත්වාන පබ්බජිං අනගාරියං.
1549. පබ්බජිත්වාන කායෙන මනසා සංවුතෙන ච,
වචීදුච්චරිතං හිත්වා ආජීවං පරිසොධයිං.
වචීදුච්චරිතං හිත්වා ආජීවං පරිසොධයිං.
1550. ද්වෙනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1551. පදුමාභාසනාමා අට්ඨාරස මහීපතී,
අට්ඨාරස්සු කප්පෙසු අට්ඨතාළීසමාසිසුං.
අට්ඨාරස්සු කප්පෙසු අට්ඨතාළීසමාසිසුං.
1552. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා පදුමපුප්ඵියො ථෙරො ඉමා ගාථායො අභාසිත්ථාති.
පදුමපුප්ඵියත්ථෙරස්ස අපදානං දසමං.
උද්දානං:
තිමිර නඞ්ගලීපුප්ඵි නිපන්නඤ්ජලිකො අධො
ද්වෙ රංසිසඤ්ඤී ඵලදො සද්දසඤ්ඤී ච සෙචකො
පදුමපුප්ඵි ච ගාථායො ඡප්පඤ්ඤාස පකිත්තිතා.
ද්වෙ රංසිසඤ්ඤී ඵලදො සද්දසඤ්ඤී ච සෙචකො
පදුමපුප්ඵි ච ගාථායො ඡප්පඤ්ඤාස පකිත්තිතා.
තිමිරපුප්ඵියවග්ගො නවමො.
10. සුධාපිණ්ඩියවග්ගො
91. සුධාපිණ්ඩියත්ථෙරාපදානං.
1553. පූජාරහෙ පූජයතො බුද්ධෙ යදි ව සාවකෙ
පපඤ්චසමතික්කන්තෙ තිණ්ණසොකපරිද්දවෙ.
පපඤ්චසමතික්කන්තෙ තිණ්ණසොකපරිද්දවෙ.
1554. තෙ තාදිසෙ පූජයතො නිබ්බුතෙ අකුතොභයෙ,
න සක්කා පුඤ්ඤං සඞ්ඛාතුං ඉදමෙත්තමපි කෙනෙචි.
න සක්කා පුඤ්ඤං සඞ්ඛාතුං ඉදමෙත්තමපි කෙනෙචි.
1555. චතුන්නමපි දීපානං ඉස්සරං යො’ධ කාරයෙ,
එකිස්සා පූජනායෙතං කලං නාග්ඝති සොළසිං.
එකිස්සා පූජනායෙතං කලං නාග්ඝති සොළසිං.
1556. සිද්ධත්ථස්ස නරග්ගස්ස චෙතියෙ එළිතන්තරෙ,
සුධාපිණ්ඩො මයා දින්නො විප්පසන්නෙන චෙතසා.
සුධාපිණ්ඩො මයා දින්නො විප්පසන්නෙන චෙතසා.
1557. චතුනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පටිසඞ්ඛාරස්සිදං ඵලං.
දුග්ගතිං නාභිජානාමි පටිසඞ්ඛාරස්සිදං ඵලං.
1558. ඉතො තිංසතිකප්පම්හි පටිසඞ්ඛාරසව්හයා
සත්තරතනසම්පන්නා තෙරස චක්කවත්තිනො.
සත්තරතනසම්පන්නා තෙරස චක්කවත්තිනො.
1559. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සුධාපිණ්ඩියො ථෙරො ඉමා ගාථායො අභාසිත්ථාති.
සුධාපිණ්ඩියත්ථෙරස්ස අපදානං පඨමං.