62. අවොපුප්ඵියත්ථෙරාපදානං.
1355. විහාරා අභිනික්ඛම්ම අබ්භුට්ඨහිය චඞ්කමෙ,
චතුසච්චං පකාසෙන්තො දෙසෙති අමතං පදං.
චතුසච්චං පකාසෙන්තො දෙසෙති අමතං පදං.
1356. සිඛිස්ස ගිරමඤ්ඤාය බුද්ධසෙට්ඨස්ස තාදිනො,
නානාපුප්ඵං ගහෙත්වාන ආකාසම්හි සමොකිරිං.
නානාපුප්ඵං ගහෙත්වාන ආකාසම්හි සමොකිරිං.
1357. තෙන කම්මෙන දිපදින්දෙ ලොකජෙට්ඨෙ නරාසභෙ
පත්තො’ම්භි අචලං ඨානං හිත්වා ජයපරාජයං.
පත්තො’ම්භි අචලං ඨානං හිත්වා ජයපරාජයං.
1358. එකතිංසෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි පුප්ඵපූජායිදං ඵලං.
දුග්ගතිං නාභිජානාමි පුප්ඵපූජායිදං ඵලං.
1359. ඉතො වීසතිකප්පම්හි සුමෙධො නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1360 පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා අවොපුප්ඵියො ථෙරො ඉමා ගාථායො අභාසිත්ථාති.
අවොපුප්ඵියත්ථෙරස්ස අපදානං දුතියං.
63. පච්චාගමනියත්ථෙරාපදානං
1361. සින්ධුයා නදියා තීරෙ චක්කවාකො අහං තදා,
සුද්ධසෙවාලභක්ඛො’හං පාපෙසු ච සුසඤ්ඤතො.
සුද්ධසෙවාලභක්ඛො’හං පාපෙසු ච සුසඤ්ඤතො.
1362. අද්දසං විරජං බුද්ධං ගච්ඡන්තං අනිලඤ්ජසෙ,
තුණ්ඩෙන සාලං පග්ගය්හ විපස්සිස්සාභිරොපයිං.
තුණ්ඩෙන සාලං පග්ගය්හ විපස්සිස්සාභිරොපයිං.
1363. “යස්ස සද්ධා තථාගතෙ අචලා සුප්පතිට්ඨිතා,
තෙන චිත්තප්පසාදෙන දුග්ගතිං සො න ගච්ඡති.”
තෙන චිත්තප්පසාදෙන දුග්ගතිං සො න ගච්ඡති.”
1364. ස්වාගතං වත මෙ ආසි බුද්ධසෙට්ඨස්ස සන්තිකෙ,
විහඞ්ගමෙන සන්තෙන සුබීජං රොපිතං මයා.
විහඞ්ගමෙන සන්තෙන සුබීජං රොපිතං මයා.
1365. එකනවුතෙ ඉතො කප්පෙ යං පුප්ඵම්භිරොපයිං,
දුග්ගතිං නාභිජානාමි පුප්ඵපූජායිදං ඵලං
දුග්ගතිං නාභිජානාමි පුප්ඵපූජායිදං ඵලං
1366. සුචාරුදස්සනා නාම අට්ඨෙත එකනාමකා,
කප්පෙ සත්තරසෙ ආසු චක්කවත්තී මහබ්බලා.
කප්පෙ සත්තරසෙ ආසු චක්කවත්තී මහබ්බලා.
1367 පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා පච්චාගමනියො ථෙරො ඉමා ගාථායො අභාසිත්ථාති.
පච්චාගමනියත්ථෙරස්ස අපදානං තතියං.
64. පරප්පසාදකත්ථෙරාපදානං
1368. උසභං පවරං වීරං මහෙසිං විජිතාවිනං,
සුවණ්ණවණ්ණං සම්බුද්ධං කො දිස්වා නප්පසීදති.
සුවණ්ණවණ්ණං සම්බුද්ධං කො දිස්වා නප්පසීදති.
1369. හිමවා ‘වාපරිමෙය්යො සාගරො’ව දුරුත්තරො,
තථෙව ඣානං බුද්ධස්ස කො දිස්වා නප්පසීදති.
තථෙව ඣානං බුද්ධස්ස කො දිස්වා නප්පසීදති.
1370. වසුධා යථා අප්පමෙය්යා චිත්තා වනවටංසකා,
තථෙව සීලං බුද්ධස්ස කො දිස්වා නප්පසීදති.
තථෙව සීලං බුද්ධස්ස කො දිස්වා නප්පසීදති.
1371. අනිලජො’ව අසඞ්ඛොභො යථාකාසො අසඞ්ඛියො,
තථෙව ඤාණං බුද්ධස්ස කො දිස්වා නප්පසීදති.
තථෙව ඤාණං බුද්ධස්ස කො දිස්වා නප්පසීදති.
1372. ඉමාහි චතුගාථාහි බ්රාහ්මණො සෙනසව්හයො,
බුද්ධසෙට්ඨං ථවිත්වාන සිද්ධත්ථං අපරාජිතං.
බුද්ධසෙට්ඨං ථවිත්වාන සිද්ධත්ථං අපරාජිතං.
1373. චතුනවුතිකප්පානි දුග්ගතිං නුපපජ්ජථ,
සුගතීසු සුසම්පත්තිං අනුභොසි අනප්පකං.
සුගතීසු සුසම්පත්තිං අනුභොසි අනප්පකං.
1374. චතුනවුතෙ ඉතො කප්පෙ ථවිත්වා ලොකනායකං,
දුග්ගතිං නාභිජානාමි ථොමනාය ඉදං ඵලං.
දුග්ගතිං නාභිජානාමි ථොමනාය ඉදං ඵලං.
1375. චතුද්දසම්හි කප්පම්හි චතුරො ආසුමුග්ගතා
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1376. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා පරප්පසාදකො ථෙරො ඉමා ගාථායො අභාසිත්ථාති.
පරප්පසාදකත්ථෙරස්ස අපදානං චතුත්ථං.
65. භිසදායකත්ථෙරාපදානං
1377. වෙස්සභූ නාම නාමෙන ඉසීනං තතියො අහු,
කානනං වනමොගය්හ විහාසි පුරිසුත්තමො.
කානනං වනමොගය්හ විහාසි පුරිසුත්තමො.
1378. භිසං මුලාලං ගණ්හිත්වා අගමං බුද්ධසන්තිකං,
තං ච බුද්ධස්ස පාදාසිං පසන්නො සෙහි පාණිහි.
තං ච බුද්ධස්ස පාදාසිං පසන්නො සෙහි පාණිහි.
1379. කරෙන ච පරාමට්ඨො වෙස්සභූවරබුද්ධිනා,
සුඛාහං නාභිජානාමි සමං තෙන තතුත්තරිං.
සුඛාහං නාභිජානාමි සමං තෙන තතුත්තරිං.
1380. චරිමො වත්තතෙ මය්හං භවා සබ්බෙ සමූහතා,
හත්ථිනාගෙන සන්තෙන කුසලං රොපිතං මයා.
හත්ථිනාගෙන සන්තෙන කුසලං රොපිතං මයා.