57. පඤ්චදීපකත්ථෙරාපදානං
1307. පදුමුත්තරබුද්ධස්ස සබ්බභූතානුකම්පිනො,
සුසණ්ඨහිත්වා සද්ධම්මෙ උජුදිට්ඨි අහොසහං.
සුසණ්ඨහිත්වා සද්ධම්මෙ උජුදිට්ඨි අහොසහං.
1308. පදීපදානං පාදාසිං පරිවාරෙත්වාන බොධියං,
සද්දහන්තො පදීපානි අකරිං තාවදෙ අහං.
සද්දහන්තො පදීපානි අකරිං තාවදෙ අහං.
1309. යං යං යොනුපපජ්ජාමි දෙවත්තං අථ මානුසං,
ආකාසෙ උක්කං ධාරෙන්ති දීපදානස්සිදං ඵලං.
ආකාසෙ උක්කං ධාරෙන්ති දීපදානස්සිදං ඵලං.
1310. තිරොකුඩ්ඩං තිරොසෙලං සමතිග්ගය්හ පබ්බතං,
සමන්තා යොජනසතං දස්සනං අනුභොමහං.
සමන්තා යොජනසතං දස්සනං අනුභොමහං.
1311. චතුත්තිංසෙ කප්පසතෙ සතචක්ඛුසනාමකා,
රාජා’හෙසුං මහාතෙජා චක්කවත්තී මහබ්බලා.
රාජා’හෙසුං මහාතෙජා චක්කවත්තී මහබ්බලා.
1312. තෙන කම්මාවසෙසෙන පත්තො’ම්භි ආසවක්ඛයං,
ධාරෙමි අන්තිමං දෙහං දිපදින්දස්ස සාසනෙ.
ධාරෙමි අන්තිමං දෙහං දිපදින්දස්ස සාසනෙ.
1313 පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා පඤ්චදීපකො ථෙරො ඉමා ගාථායො අභාසිත්ථාතී.
පඤ්චදීපකත්ථෙරස්ස අපදානං සත්තමං.
58. ධජදායකත්ථෙරාපදානං
1314. පදුමුත්තරබුද්ධස්ස බොධිම්හි පාදපුත්තමෙ,
හට්ඨො හට්ඨෙන චිත්තෙන ධජමාරොපයිං අහං.
හට්ඨො හට්ඨෙන චිත්තෙන ධජමාරොපයිං අහං.
1315. පතිතපත්තානි ගණ්හිත්වා බහිද්ධා ඡඩ්ඩයිං අහං,
අන්තොසුද්ධං බහිසුද්ධං අධිමුත්තමනාසවං,
සම්මුඛා විය සම්බුද්ධං අවන්දිං බොධිමුත්තමං.
අන්තොසුද්ධං බහිසුද්ධං අධිමුත්තමනාසවං,
සම්මුඛා විය සම්බුද්ධං අවන්දිං බොධිමුත්තමං.
1316. පදුමුත්තරො ලොකවිදූ ආහුතීනං පටිග්ගහො,
භික්ඛුසංඝෙ ඨිතො සත්ථා ඉමා ගාථා අභාසථ:
භික්ඛුසංඝෙ ඨිතො සත්ථා ඉමා ගාථා අභාසථ:
1317. “ඉමිනා ධජදානෙන උපට්ඨානෙන චූභයං,
කප්පානං සතසහස්සං දුග්ගතිං සො න ගච්ඡති.
කප්පානං සතසහස්සං දුග්ගතිං සො න ගච්ඡති.
1318. දෙවෙසු දෙවසොභග්ගං අනුභොස්සතනප්පකං,
අනෙකසතක්ඛත්තුඤ්ච රාජා රට්ඨෙ භවිස්සති,
උග්ගතො නාම නාමෙන චක්කවත්තී භවිස්සති.
අනෙකසතක්ඛත්තුඤ්ච රාජා රට්ඨෙ භවිස්සති,
උග්ගතො නාම නාමෙන චක්කවත්තී භවිස්සති.
1319. සම්පත්තිං අනුභොත්වාන සුක්කමූලෙන චොදිතො,
ගොතමස්ස භගවතො සාසනෙ’භිරමිස්සති”.
ගොතමස්ස භගවතො සාසනෙ’භිරමිස්සති”.
1320. පධානපහිතත්තො’ම්හි උපසන්තො නිරූපධි,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
1321. එකපඤ්ඤාසසහස්සෙ කප්පෙ උග්ගතසව්හයො,
පඤ්ඤාසතිසහස්සෙ ඛත්තියො මෙඝසව්හයො.
පඤ්ඤාසතිසහස්සෙ ඛත්තියො මෙඝසව්හයො.
1322. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ධජදායකො ථෙරො ඉමා ගාථායො අභාසිත්ථාති.
ධජදායකත්ථෙරස්ස අපදානං අට්ඨමං.
59. පදුමත්ථෙරාපදානං
1323. චතුසච්චං පකාසෙන්තො වරධම්මප්පවත්තකො,
වස්සතෙ අමතං වුට්ඨිං නිබ්බාපෙන්තො මහාජනං.
වස්සතෙ අමතං වුට්ඨිං නිබ්බාපෙන්තො මහාජනං.
1324. සදණ්ඩං පදුමං ගය්හ අඩ්ඪකොසෙ ඨිතො අහං,
පදුමුත්තරමුනිස්ස හට්ඨො උක්ඛිපිමම්බරෙ.
පදුමුත්තරමුනිස්ස හට්ඨො උක්ඛිපිමම්බරෙ.
1325. ආගච්ඡන්තෙ ච පදුමෙ අබ්භුතො ආසි තාවදො,
මම සඞ්කප්පමඤ්ඤාය පග්ගණ්හි වදතං වරො.
මම සඞ්කප්පමඤ්ඤාය පග්ගණ්හි වදතං වරො.
1326. කරසෙට්ඨෙන පග්ගය්හ ජලජං පුප්ඵමුත්තමං,
භික්ඛුසංඝෙ ඨිතො සත්ථා ඉමා ගාථා අභාසථ:
භික්ඛුසංඝෙ ඨිතො සත්ථා ඉමා ගාථා අභාසථ:
1327. “යෙනිදං පදුමං ඛිත්තං සබ්බඤ්ඤූම්හි විනායකෙ,
තමහං කිත්තයිස්සාමි සුණාථ මම භාසතො.
තමහං කිත්තයිස්සාමි සුණාථ මම භාසතො.
1328. තිංස කප්පානි දෙවින්දො දෙවරජ්ජං කරිස්සති,
පථව්යා රජ්ජං සත්තසතං වසුධං ආවසිස්සති.
පථව්යා රජ්ජං සත්තසතං වසුධං ආවසිස්සති.
1329. තත්ථ පත්තං ගණෙත්වාන චක්කවත්තී භවිස්සති,
ආකාසතො පුප්ඵවුට්ඨි අභිවස්සිස්සති තදා.
ආකාසතො පුප්ඵවුට්ඨි අභිවස්සිස්සති තදා.
1330. කප්පසතසහස්සම්හි ඔක්කාකකුලසම්භවො,
ගොතමො නාම නාමෙන සත්ථා ලොකෙ භවිස්සති.
ගොතමො නාම නාමෙන සත්ථා ලොකෙ භවිස්සති.