52. සතරංසිකත්ථෙරාපදානං
1265. උච්චියං සෙලමාරුය්හ නිසීදි පුරිසුත්තමො,
පබ්බතස්සාවිදූරම්හි බ්රාහ්මණො මන්තපාරගූ.
පබ්බතස්සාවිදූරම්හි බ්රාහ්මණො මන්තපාරගූ.
1266. උපවිට්ඨං මහාවීරං දෙවදෙවං නරාසභං,
අඤ්ජලිම්පග්ගහෙත්වාන සන්ථවිං ලොකනායකං:
අඤ්ජලිම්පග්ගහෙත්වාන සන්ථවිං ලොකනායකං:
1267. “එස බුද්ධො මහාවීරො වරධම්මප්පකාසකො,
ජලතී අග්ගිඛන්ධො’ව භික්ඛුසංඝපුරක්ඛතො.
ජලතී අග්ගිඛන්ධො’ව භික්ඛුසංඝපුරක්ඛතො.
1268. මහාසමුද්දො ‘වක්ඛොභො අණ්ණවො ‘ව දුරුත්තරො,
මිගරාජා’වසම්භීතො ධම්මං දෙසෙති චක්ඛුමා”.
මිගරාජා’වසම්භීතො ධම්මං දෙසෙති චක්ඛුමා”.
1269. මම සඞ්කප්පමඤ්ඤාය පදුමුත්තරනායකො,
භික්ඛුසංඝෙ ඨිතො සත්ථා ඉමා ගාථා අභාසථ:
භික්ඛුසංඝෙ ඨිතො සත්ථා ඉමා ගාථා අභාසථ:
1270. “යෙනායං අඤ්ජලි දින්නො බුද්ධාසෙට්ඨො ච ථොමිතො,
තිංසකප්පසහස්සානි දෙවරජ්ජං කරිස්සති.
තිංසකප්පසහස්සානි දෙවරජ්ජං කරිස්සති.
1271. කප්පසතසහස්සම්හි අංගීරසසනාමකො,
විවත්තච්ඡද්දො සම්බුද්ධො උප්පජ්ජිස්සති තාවදෙ.
විවත්තච්ඡද්දො සම්බුද්ධො උප්පජ්ජිස්සති තාවදෙ.
1272. තස්ස ධම්මෙසු දායාදො ඔරසො ධම්මනිම්මිතො, .
සතරංසීති නාමෙන අරහා සො භවිස්සති.”
සතරංසීති නාමෙන අරහා සො භවිස්සති.”
1273. ජාතියා සත්තවස්සො’හං පබ්බජිං අනගාරියං,
සතරංසී’ම්හි නාමෙන පභා නිද්ධාවතෙ මම.
සතරංසී’ම්හි නාමෙන පභා නිද්ධාවතෙ මම.
1274. මණ්ඩපෙ රුක්ඛමූලෙ වා ඣායී ඣානරතො අහං,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
1275. සට්ඨිකප්පසහස්සම්හි චතුරො රාමනාමකා,
සත්තරතනසම්පන්නා වක්කවත්තී මහබ්බලා.
සත්තරතනසම්පන්නා වක්කවත්තී මහබ්බලා.
1276. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සතරංසියො ථෙරො ඉමා ගාථායො අභාසිත්ථාති.
සතරංසිකත්ථෙරස්ස අපදානං දුතියං.
53. සයනදායකත්ථෙරාපදානං
1277. පදුමුත්තරබුද්ධස්ස සබ්බලොකානුකම්පිනො,
සයනං තස්ස පාදාසිං විප්පසන්නෙන චෙතසා.
සයනං තස්ස පාදාසිං විප්පසන්නෙන චෙතසා.
1278. තෙන සයනදානෙන සුඛෙත්තෙ බීජසම්පදා,
භොගා නිබ්බත්තරෙ තස්ස සයනස්ස ඉදං ඵලං.
භොගා නිබ්බත්තරෙ තස්ස සයනස්ස ඉදං ඵලං.
1279. ආකාසෙ සෙය්යං කප්පෙමි ධාරෙමි පඨවිං ඉමං,
පාණෙසු මෙ ඉස්සරියං සයනස්ස ඉදං ඵලං.
පාණෙසු මෙ ඉස්සරියං සයනස්ස ඉදං ඵලං.
1280. පඤ්චකප්පසහස්සම්හි අට්ඨ ආසුං මහාවරා,
චතුත්තිංසෙ කප්පසතෙ චතුරො ච මහබ්බලා.
චතුත්තිංසෙ කප්පසතෙ චතුරො ච මහබ්බලා.
1281 පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සයනදායකො ථෙරො ඉමා ගාථායො අභාසිත්ථාති.
සයනදායකත්ථෙරස්ස අපදානං තතියං.
54. ගන්ධොදකියත්ථෙරාපදානං
1282. පදුමුත්තරබුද්ධස්ස මහාබොධිමහො අහු,
විචිත්තං ඝටමාදාය ගන්ධොදකමදාසහං.
විචිත්තං ඝටමාදාය ගන්ධොදකමදාසහං.
1283. නහාපනකාලෙ බොධියා මහාමෙඝො පවස්සථ,
නින්නාදො ච මහා ආසි අසනියා ඵලන්තියා.
නින්නාදො ච මහා ආසි අසනියා ඵලන්තියා.
1284. තෙනෙවාසනිවෙගෙන තථෙ කාලකතො අහුං,
දෙවලොකෙ ඨිතො සන්තො ඉමං ගාථං අභාසහං.
දෙවලොකෙ ඨිතො සන්තො ඉමං ගාථං අභාසහං.
1285. “අහො බුද්ධො! අහො ධම්මො! අහො නො සත්ථූසම්පදා!
කලෙබරං මෙ පතිතං දෙවලොකෙ රමාමහං.”
කලෙබරං මෙ පතිතං දෙවලොකෙ රමාමහං.”
1286. උබ්බිද්ධං භවනං මය්හං සතභූමං සමුග්ගතං,
කඤ්ඤාසතසස්සානි පරිවාරෙන්ති මං සදා.
කඤ්ඤාසතසස්සානි පරිවාරෙන්ති මං සදා.
1287. ආබාධා මෙ න විජ්ජන්ති සොකො මය්හං න විජ්ජති,
පරිළාහං න පස්සාමි පුඤ්ඤකම්මස්සිදං ඵලං.
පරිළාහං න පස්සාමි පුඤ්ඤකම්මස්සිදං ඵලං.
1288. අට්ඨවීසෙ කප්පසතෙ රාජා සංවසිතො අහුං,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1289 පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා ගන්ධොදකියො ථෙරො ඉමා ගාථායො අභාසිත්ථාති.
ගන්ධොදකියත්ථෙරස්ස අපදානං චතුත්ථං.
55. ඔපවය්හ ත්ථෙරාපදානං
1290. පදුමුත්තරබුද්ධස්ස ආජානීයමදාසහං,
නිය්යාදෙත්වාන සම්බුද්ධෙ අගමාසිං සකං ඝරං.
නිය්යාදෙත්වාන සම්බුද්ධෙ අගමාසිං සකං ඝරං.
1291. දෙවලො නාම නාමෙන සත්ථුනො අග්ගසාවකො,
වරධම්මස්ස දායාදො ආගච්ඡි මම සන්තිකං.
වරධම්මස්ස දායාදො ආගච්ඡි මම සන්තිකං.