558. භද්දජීත්ථෙරාපදානං
6428. ඔගය්හ යං පොක්ඛරණිං නානාකුඤ්ජරසෙවිතං,
උද්ධරාමි භිසං තත්ථ ඝාසහෙතු අහං තදා.
උද්ධරාමි භිසං තත්ථ ඝාසහෙතු අහං තදා.
6429. භගවා තම්හිං සමයෙ පදුමුත්තරසව්හයො,
රත්තම්බරධරො බුද්ධො ගච්ඡතෙ අනිලඤ්ජසෙ.
රත්තම්බරධරො බුද්ධො ගච්ඡතෙ අනිලඤ්ජසෙ.
6430. ධුනන්තො පංසුකූලානි සද්දං අස්සො’හං තදා,
උද්ධං නිජ්ඣායමානො’හං අද්දසං ලොකනායකං.
උද්ධං නිජ්ඣායමානො’හං අද්දසං ලොකනායකං.
6431. නත්ථෙව ඨිතකො සන්තො ආයාචිං ලොකනායකං,
“මධුංභිසෙහි සහිතං ඛීරං සප්පිං මුලාලිකං,
පතිගණ්හාතු මෙ බුද්ධො අනුකම්පාය චක්ඛුමා.”
“මධුංභිසෙහි සහිතං ඛීරං සප්පිං මුලාලිකං,
පතිගණ්හාතු මෙ බුද්ධො අනුකම්පාය චක්ඛුමා.”
6432. තතො කාරුණිකො සත්ථා ඔරොහිත්වා මහායසො,
පතිගණ්හී මම භික්ඛං අනුකම්පාය චක්ඛුමා,
පටිග්ගහෙත්වා සම්බුද්ධො අකා මෙ අනුමොදනං.
පතිගණ්හී මම භික්ඛං අනුකම්පාය චක්ඛුමා,
පටිග්ගහෙත්වා සම්බුද්ධො අකා මෙ අනුමොදනං.
6433. “සුඛී හොතු මහාපුඤ්ඤ ගති තුය්හං සමිජ්ඣතු,
ඉමිනා භිසදානෙන ලභස්සු විපුලං සුඛං”.
ඉමිනා භිසදානෙන ලභස්සු විපුලං සුඛං”.
6434. ඉදං වත්වාන සම්බුද්ධො ජලජුත්තමනාමකො,
භික්ඛමාදාය සම්බුද්ධො ආකාසෙනා‘ගමා ජිනො.
භික්ඛමාදාය සම්බුද්ධො ආකාසෙනා‘ගමා ජිනො.
6435. තතො භිසං ගහෙත්වාන ආගඤ්ජිං මම අස්සමං,
භිසං රුක්ඛෙ ලග්ගෙත්වාන මම දානං අනුස්සරිං.
භිසං රුක්ඛෙ ලග්ගෙත්වාන මම දානං අනුස්සරිං.
6436. මහාවාතො උට්ඨහිත්වා සඤ්චාලෙසි වනං තදා,
ආකාසො අභිනාදිත්ථ අසනී ච ඵලී තදා.
ආකාසො අභිනාදිත්ථ අසනී ච ඵලී තදා.
6437. තතො මෙ අසනීපාතො මත්ථකෙ නිපතී තදා,
සොහං නිසින්නකො සන්තො තත්ථ කාලකතො අහං.
සොහං නිසින්නකො සන්තො තත්ථ කාලකතො අහං.
6438. පුඤ්ඤකම්මෙන සඤ්ඤුත්තො තුසිතං උපපජ්ජ’හං,
කලෙවරං මෙ පතිතං දෙවලොකෙ රමා’මහං.
කලෙවරං මෙ පතිතං දෙවලොකෙ රමා’මහං.
6439. ඡළාසීති සහස්සානි නාරියො සමලඞ්කතා,
සායං පාතං උපට්ඨහන්ති භිසදානස්සිදං ඵලං.
සායං පාතං උපට්ඨහන්ති භිසදානස්සිදං ඵලං.
6440. මනුස්සයොනිමාගන්ත්වා සුඛිතො හොම’හං තදා,
භොගෙ මෙ උනතා නත්ථි භිසදානස්සිදං ඵලං.
භොගෙ මෙ උනතා නත්ථි භිසදානස්සිදං ඵලං.
6441. අනුකම්පිතකො තෙන දෙවදෙවෙන තාදිනා,
සබ්බාසවාපරික්ඛීණා නත්ථිදානි පුනබ්භවො.
සබ්බාසවාපරික්ඛීණා නත්ථිදානි පුනබ්භවො.
6442. සතසහස්සීතො කප්පෙ යං භිසං අදදිං තදා,
දුග්ගතිං නාභිජානාමි භිසදානදස්සිං ඵලං.
දුග්ගතිං නාභිජානාමි භිසදානදස්සිං ඵලං.
6443. කිලෙසා ඣාපිතා මය්හං -පෙ- විහරාමි අනාසවො.
6444. ස්වාගතං වත මෙ ආසි -පෙ- කතං බුද්ධස්ස සාසනං.
6445. පටිසම්භිදා චතස්සො ච -පෙ- කතං බුද්ධස්ස සාසනං.
ඉත්ථං සුදං ආයස්මා භද්දජිත්ථෙරො ඉමා ගාථායො අභාසිත්ථාති.
භද්දජිත්ථෙරස්සාපදානං අට්ඨමං.
559. සීවකත්ථෙරාපදානං
6446. එසනාය චරන්තස්ස විපස්සිස්ස මහෙසිනො,
රිත්තකං පත්තං දිස්වාන කුම්මාසං පූරයිං අහං.
රිත්තකං පත්තං දිස්වාන කුම්මාසං පූරයිං අහං.
6447. එකනවුතිතො කප්පෙ යං භික්ඛමදදිං තදා,
දුග්ගතිං නාභිජානාමි කුම්මාසස්ස ඉදං ඵලං.
දුග්ගතිං නාභිජානාමි කුම්මාසස්ස ඉදං ඵලං.
6448. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
6449. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
6450. පටිසම්භිදා චතස්සො ච විමොක්ඛා පි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සීවකත්ථෙරො ඉමා ගාථායො අභාසිත්ථාති.
සීවකත්ථෙරස්සාපදානං නවමං.
තස්සුද්දානං
යසො නදීකස්සපො ච ගයාකිම්බිලවජ්ජිනො,
ද්වෙ උත්තරා භද්දජි ච සීවකො චාපි උත්තමො.
ද්වෙ උත්තරා භද්දජි ච සීවකො චාපි උත්තමො.
යසවග්ගො ඡපඤ්ඤාසතිමො.
ථෙරාපදානං සමත්තං.
(රට්ඨපාල - උපවාන ත්ථෙරානං අපදානානි “මඡසං” පොත්ථකෙ යසවග්ගන්තොගධානි දිස්සන්තෙ, තථාපි අපදානපාළි පඨමභාගෙ දුතිය තතියවග්ගෙසු තෙසං ආගතත්තා ඉධ න දස්සිතානීති දට්ඨබ්බං.)