522. මඤ්චදායකත්ථෙරාපදානං
5550. විපස්සිනො භගවතො ලොකජෙට්ඨස්ස තාදිනො,
එකමඤ්චං මයා දින්නං පසන්නෙන සපාණිනා.
එකමඤ්චං මයා දින්නං පසන්නෙන සපාණිනා.
5551. හත්ථියානං අස්සයානං දිබ්බයානං සමජ්ඣගං,
තෙන මඤ්චකදානෙන පත්තොම්හි ආසවක්ඛයං.
තෙන මඤ්චකදානෙන පත්තොම්හි ආසවක්ඛයං.
5552. එකනවුතෙ ඉතො කප්පෙ යං මඤ්චකමදාසහං,
දුග්ගතිං නාභිජානාමි මඤ්චදානස්සිදං ඵලං.
දුග්ගතිං නාභිජානාමි මඤ්චදානස්සිදං ඵලං.
5553. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
5554. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
5555. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මඤ්චදායකො ථෙරො ඉමා ගාථායො අභාසිත්ථාති.
මඤ්චදායකත්ථෙරස්ස අපදානං දුතියං.
523. සරණගමනියත්ථෙරාපදානං
5556. ආරුහිම්හ තදා නාවං භික්ඛු චාජීවකො ච’හං,
නාවාය භිජ්ජමානාය භික්ඛු මෙ සරණං අදා.
නාවාය භිජ්ජමානාය භික්ඛු මෙ සරණං අදා.
5557. එකතිංසෙ ඉතො කප්පෙ යං සො මෙ සරණං අදා,
දුග්ගතිං නාභිජානාමි සරණගමනෙ ඵලං.
දුග්ගතිං නාභිජානාමි සරණගමනෙ ඵලං.
5558. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
5559. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
5560. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සරණගමනියො ථෙරො ඉමා ගාථායො අභාසිත්ථාති.
සරණගමනියත්ථෙරස්ස අපදානං තතියං.
524. අබභඤ්ජනදායකත්ථෙරාපදානං
5561. නගරෙ බන්ධුමතියා රාජුය්යානෙ වසාමහං,
චම්මවාසී තදා ආසිං කමණ්ඩලුධරො අහං.
චම්මවාසී තදා ආසිං කමණ්ඩලුධරො අහං.
5562. අද්දසං විමලං බුද්ධං සයම්භුං අපරාජිතං,
පධානපහිතත්තං තං ඣායිං ඣානරතං වසිං
පධානපහිතත්තං තං ඣායිං ඣානරතං වසිං
5563. සබ්බකාමසමිද්ධං ච ඔඝතිණ්ණමනාසවං,
දිස්වා පසන්නො සුමනො අබ්භඤ්ජනමදාසහං.
දිස්වා පසන්නො සුමනො අබ්භඤ්ජනමදාසහං.
5564. එකනවුතෙ ඉතො කප්පෙ යං දානමදදිං තදා,
දුග්ගතිං නාභිජානාමි අබ්භඤ්ජනස්සිදං ඵලං.
දුග්ගතිං නාභිජානාමි අබ්භඤ්ජනස්සිදං ඵලං.
5565. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
5566. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
5567. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අබ්භඤ්ජනදායකො ථෙරො ඉමා ගාථායො අභාසිත්ථාති.
අබ්භඤ්ජනදායකත්ථෙරස්ස අපදානං චතුත්ථං.
525. සුපටදායකත්ථෙරාපදානං
5568. දිවාවිහාරා නික්ඛන්තො විපස්සී ලොකනායකො,
ලහුං සුපටකං කත්වා කප්පං සග්ගම්හි මොදහං.
ලහුං සුපටකං කත්වා කප්පං සග්ගම්හි මොදහං.
5569. එකනවුතෙ ඉතො කප්පෙ සුපටකං අදාසහං,
දුග්ගතිං නාභිජානාමි සුපටස්ස ඉදං ඵලං.
දුග්ගතිං නාභිජානාමි සුපටස්ස ඉදං ඵලං.
5570. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
5571. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.