517. කුටජපුප්ඵියත්ථෙරාපදානං
5493. හිමවන්තස්ස අවිදූරෙ චාවලො නාමපබ්බතො,
බුද්ධො සුදස්සනො නාම වසතෙ පබ්බතන්තරෙ.
බුද්ධො සුදස්සනො නාම වසතෙ පබ්බතන්තරෙ.
5494. පුප්ඵං හෙමවතං ගය්හ වෙහාසං අගමාසහං,
තත්ථද්දසාසිං සම්බුද්ධං ඔඝතිණ්ණමනාසවං.
තත්ථද්දසාසිං සම්බුද්ධං ඔඝතිණ්ණමනාසවං.
5495. පුප්ඵං කුටජමාදාය සිරෙ කත්වාන අඤ්ජලිං,
බුද්ධස්ස අභිරොපෙසිං සයම්භුස්ස මහෙසිනො.
බුද්ධස්ස අභිරොපෙසිං සයම්භුස්ස මහෙසිනො.
5496. එකංතිස්සෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
5497. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
5498. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
5499. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කුටජපුප්ඵියො ථෙරො ඉමා ගාථායො අභාසිත්ථාති.
කුටජපුප්ඵියත්ථෙරස්ස අපදානං සත්තමං.
518. ඝොසසඤ්ඤකත්ථෙරාපදානං
5500. මිගලුද්දො පුරෙ ආසිං අරඤ්ඤෙ කානනෙ අහං,
අද්දසං විරජං බුද්ධං දෙවසංඝපුරක්ඛතං.
අද්දසං විරජං බුද්ධං දෙවසංඝපුරක්ඛතං.
5501. චතුසච්චං පකාසෙන්තං දෙසෙන්තං අමතං පදං,
අස්සොසිං මධුරං ධම්මං සිඛිනො ලොකබන්ධුනො.
අස්සොසිං මධුරං ධම්මං සිඛිනො ලොකබන්ධුනො.
5502. ඝොසෙ චිත්තං පසාදෙසිං අසමප්පටිපුග්ගලෙ,
තත්ථ චිත්තං පසාදෙත්වා අතරිං දුත්තරං භවං.
තත්ථ චිත්තං පසාදෙත්වා අතරිං දුත්තරං භවං.
5503. එකතිංසෙ ඉතො කප්පෙ යං සඤ්ඤමලභිං තදා,
දුග්ගතිං නාභිජානාමි ඝොසඤ්ඤායිදං ඵලං.
දුග්ගතිං නාභිජානාමි ඝොසඤ්ඤායිදං ඵලං.
5504. කිලෙසා ඣාපිතා මය්හං භවා සබ්බෙ සමූහතා,
නාගො ව බන්ධනං ඡෙත්වා විහරාමි අනාසවො.
නාගො ව බන්ධනං ඡෙත්වා විහරාමි අනාසවො.
5505. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
5504. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ඝොසසඤ්ඤකො ථෙරො ඉමා ගාථායො අභාසිත්ථාති.
ඝොසසඤ්ඤකත්ථෙරස්ස අපදානං අට්ඨමං.
519. සබ්බඵලදායකත්ථෙරාපදානං
5505. වරුණො නාම නාමෙන බ්රාහ්මණො මන්තපාරගූ,
ඡඩ්ඩෙත්වා දස පුත්තානි වනමජ්ඣොගහිං තදා.
ඡඩ්ඩෙත්වා දස පුත්තානි වනමජ්ඣොගහිං තදා.
5506. අස්සමං සුකතං කත්වා සුවිභත්තං මනොරමං,
පණ්ණසාලං කරිත්වාන වසාමි විපිනෙ අහං.
පණ්ණසාලං කරිත්වාන වසාමි විපිනෙ අහං.
5507. පදුමුත්තරො ලොකවිදූ ආහුතීනං පටිග්ගහො,
මමුද්ධරිතුකාමො සො ආගච්ඡි මම අස්සමං.
මමුද්ධරිතුකාමො සො ආගච්ඡි මම අස්සමං.
5508. යාවතා වනසණ්ඩස්මිං ඔභාසො විපුලො අහු,
බුද්ධස්ස ආනුභාවෙන පජ්ජලි විපිනං තදා.
බුද්ධස්ස ආනුභාවෙන පජ්ජලි විපිනං තදා.
5509. දිස්වාන පාටිහීරං තං බුද්ධසෙට්ඨස්ස තාදිනො,
පත්තපුටං ගහෙත්වාන ඵලෙන පූරයිං අහං.
පත්තපුටං ගහෙත්වාන ඵලෙන පූරයිං අහං.
5510. උපගන්ත්වාන සම්බුද්ධං සහඛාරිමදාසහං,
අනුකම්පාය මෙ බුද්ධො ඉදං වචනමබ්රවී:
අනුකම්පාය මෙ බුද්ධො ඉදං වචනමබ්රවී:
5511. “ඛාරිභාරං ගහෙත්වාන පච්ඡතො එහි මෙ තුවං,
පරිභුත්තෙ ච සඞ්ඝම්හි පුඤ්ඤං තව භවිස්සති.”
පරිභුත්තෙ ච සඞ්ඝම්හි පුඤ්ඤං තව භවිස්සති.”
5512. පුටකං තං ගහෙත්වාන භික්ඛුසංඝස්සදාසහං,
තත්ථ චිත්තං පසාදෙත්වා තුසිතං උපපජ්ජහං.
තත්ථ චිත්තං පසාදෙත්වා තුසිතං උපපජ්ජහං.
5513. තත්ථ දිබ්බෙහි නච්චෙහි ගීතෙහි වාදිතෙහි ච,
පුඤ්ඤකම්මෙන සංයුත්තං අනුභොමි සදා සුඛං.
පුඤ්ඤකම්මෙන සංයුත්තං අනුභොමි සදා සුඛං.
5514. යං යං යොනුපපජ්ජාමි දෙවත්තං අථ මානුසං,
භොගෙ මෙ ඌනතා නත්ථි ඵලදානස්සිදං ඵලං.
භොගෙ මෙ ඌනතා නත්ථි ඵලදානස්සිදං ඵලං.
5515. යාවතා චතුරො දීපා සසමුද්දා සපබ්බතා,
ඵලං බුද්ධස්ස දත්වාන ඉස්සරං කාරයාමහං.
ඵලං බුද්ධස්ස දත්වාන ඉස්සරං කාරයාමහං.
5516. යාවතා මෙ පක්ඛිගණා ආකාසෙ උප්පතන්ති ච,
තෙපි මං වසමන්වෙන්ති ඵලදානස්සිදං ඵලං.
තෙපි මං වසමන්වෙන්ති ඵලදානස්සිදං ඵලං.