504. අවටඵලියත්ථෙරාපදානං
5414. සහස්සරංසී භගවා සයම්භු අපරාජිතො,
විවෙකා වුට්ඨහිත්වාන ගොචරායාභිනික්ඛමි.
විවෙකා වුට්ඨහිත්වාන ගොචරායාභිනික්ඛමි.
5415. ඵලහත්ථො අහං දිස්වා උපගච්ඡිං නරාසභං,
පසන්නචිත්තො සුමනො අවටං අදදිං ඵලං.
පසන්නචිත්තො සුමනො අවටං අදදිං ඵලං.
5416. චතුනවුතෙ ඉතො කප්පෙ යං ඵලං අදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
5417. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
5418. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
5419. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අවටඵලියො ථෙරො ඉමා ගාථායො අභාසිත්ථාති.
අවටඵලියත්ථෙරස්ස අපදානං චතුත්ථං.
505. වාරඵලියත්ථෙරාපදානං
5420. සුවණ්ණවණ්ණං සම්බුද්ධං ආහුතීනං පටිග්ගහං,
රථියං පටිපජ්ජන්තං වාරඵලමදාසහං.
රථියං පටිපජ්ජන්තං වාරඵලමදාසහං.
5421. එකනවුතෙ ඉතො කප්පෙ යං ඵලං අදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
5422. කිලෙසා ඣාපිතා මය්හං භවා සබ්බෙ සමූහතා,
නාගො ව බන්ධනං ඡෙත්වා විහරාමි අනාසවො.
නාගො ව බන්ධනං ඡෙත්වා විහරාමි අනාසවො.
5423. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
5424. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා වාරඵලියො ථෙරො ඉමා ගාථායො අභාසිත්ථාති.
වාරඵලියත්ථෙරස්ස අපදානං පඤ්චමං.
506. මාතූලුඞ්ගඵලදාකත්ථෙරාපදානං
5425. කණිකාරංව ජලිතං පුණ්ණමාසෙව චන්දිමං,
ජලන්තං දීපරුක්ඛං ව අද්දසං ලොකනායකං.
ජලන්තං දීපරුක්ඛං ව අද්දසං ලොකනායකං.
5426. මාතුලුඞ්ගඵලං ගය්හ අදාසිං සත්ථුනො අහං,
දක්ඛිණෙය්යස්ස ධීරස්ස පසන්නො සෙහි පාණිහි.
දක්ඛිණෙය්යස්ස ධීරස්ස පසන්නො සෙහි පාණිහි.
5427. එකතිංසෙ ඉතො කප්පෙ යං ඵලං අදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.