46. පදුමච්ඡදනියත්ථෙරාපදානං
1197. නිබ්බුතෙ ලොකනාථම්භි විපස්සිම්හග්ගපුග්ගලො,
සුඵුල්ලං පදුමං ගය්හ චිතකමාරොපයිං අහං.
සුඵුල්ලං පදුමං ගය්හ චිතකමාරොපයිං අහං.
1198. ආරොපිතෙ ච චිතකෙ වෙහාසං නභමුග්ගමී,
ආකාසච්ඡදනං කත්වා චිතකම්භි අධාරයිං.
ආකාසච්ඡදනං කත්වා චිතකම්භි අධාරයිං.
1199. එකනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
1200. සත්තතාළීසිතො කප්පෙ පදුමිස්සරනාමකො,
චාතුරන්තො විජිතාවී චක්කවත්තී මහබ්බලො.
චාතුරන්තො විජිතාවී චක්කවත්තී මහබ්බලො.
1201. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා පදුමච්ඡදනියො ථෙරො ඉමා ගාථායො අභාසිත්ථාති.
පදුමච්ඡදනියත්ථෙරස්ස අපදානං ඡට්ඨං.
47. සයනදායකත්ථෙරාපදානං
1202. සිද්ධත්ථස්ස භගවතො මෙත්තචිත්තස්ස තාදිනො,
සයනග්ගං මයා දින්නං දුස්සභණ්ඩෙහි අත්ථතං.
සයනග්ගං මයා දින්නං දුස්සභණ්ඩෙහි අත්ථතං.
1203. පටිග්ගහෙසි භගවා කප්පියං සයනාසනං,
උට්ඨාය ආසනා තම්හා වෙහාසං උග්ගමී ජිනො.
උට්ඨාය ආසනා තම්හා වෙහාසං උග්ගමී ජිනො.
1204. චතුනවුතෙ ඉතො කප්පෙ යං සයනමදාසහං,
දුග්ගතිං නාභිජානාමි සයනදානස්සිදං ඵලං.
දුග්ගතිං නාභිජානාමි සයනදානස්සිදං ඵලං.
1205. එකපඤ්ඤාසිතො කප්පෙ වරුණො දෙවසව්හයො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
1206. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා සයනදායකො ථෙරො ඉමා ගාථායො අභාසිත්ථාති.
සයනදායකත්ථෙරස්ස අපදානං සත්තමං.
48. චඞ්කමදායකත්ථෙරාපදානං
1207. අත්ථදස්සිස්ස මුනිනො ලොකජෙට්ඨස්ස තාදිනො,
ඉට්ඨකාහි චිනිත්වාන චඞ්කමං කාරයිං අහං.
ඉට්ඨකාහි චිනිත්වාන චඞ්කමං කාරයිං අහං.
1208. උච්චතො පඤ්චරතනං චඞ්කමං සාධු මාපිතං,
ආයාමතො හත්ථසතං භාවනීයං මනොරමං.
ආයාමතො හත්ථසතං භාවනීයං මනොරමං.
1209. පටිග්ගහෙසි භගවා අත්ථදස්සී නරුත්තමො,
හත්ථෙන පුලිනං ගය්හ ඉමා ගාථා අභාසථ:
හත්ථෙන පුලිනං ගය්හ ඉමා ගාථා අභාසථ:
1210. “ඉමිනා පුලිනදානෙන චඞ්කමං සුකතෙන ච,
සත්තරතනසම්පන්නං පුලිනං අනුභොස්සති.
සත්තරතනසම්පන්නං පුලිනං අනුභොස්සති.
1211. තීණි කප්පානි දෙවෙසු දෙවරජ්ජං කරිස්සති,
අනුභොස්සති සම්පත්තිං අච්ඡරාහි පුරක්ඛතො.
අනුභොස්සති සම්පත්තිං අච්ඡරාහි පුරක්ඛතො.
1212. මනුස්සලොකං ආගන්ත්වා රාජා රට්ඨෙ භවිස්සති,
තික්ඛත්තුං චක්කවත්තී ච මහියා සො භවිස්සති.”
තික්ඛත්තුං චක්කවත්තී ච මහියා සො භවිස්සති.”
1213. අට්ඨාරසෙ කප්පසතෙ යං කම්මමකරිං තදා.
දුග්ගතිං නාභිජානාමි චඞ්කමස්ස ඉදං ඵලං.
දුග්ගතිං නාභිජානාමි චඞ්කමස්ස ඉදං ඵලං.
1214. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා චඞ්කමදායකො ථෙරො ඉමා ගාථායො අභාසිත්ථාති.
චඞ්කමදායකත්ථෙරස්ස අපදානං අට්ඨමං.
49. සුභද්දත්ථෙරාපදානං
1215. පදුමුත්තරො ලොකවිදූ ආහුතීනං පටිග්ගහො,
ජනතං උද්ධරිත්වාන නිබ්බායති මහායසො.
ජනතං උද්ධරිත්වාන නිබ්බායති මහායසො.
1216. නිබ්බායන්තෙ ච සම්බුද්ධෙ දසසහස්සී පකම්පථ,
ජනකායො මහා ආසි දෙවා සන්නිපතුං තදා.
ජනකායො මහා ආසි දෙවා සන්නිපතුං තදා.
1217. වන්දනං පූජයිත්වාන තගරමල්ලිකාහි ච,
හට්ඨො හට්ඨෙන චිත්තෙන ආලෙපෙසිං නරුත්තමං.
හට්ඨො හට්ඨෙන චිත්තෙන ආලෙපෙසිං නරුත්තමං.
1218. මම සඞ්කප්පමඤ්ඤාය සත්ථා ලොකෙ අනුත්තරො,
නිපන්නකොව සම්බුද්ධො ඉමා ගාථා අභාසථ:
නිපන්නකොව සම්බුද්ධො ඉමා ගාථා අභාසථ:
1219. “යො මෙ පච්ඡිමකෙ කාලෙ ගන්ධමාල්යෙන ඡාදයී,
තමහං කිත්තයිස්සාමි සුණාථ මම භාසතො.
තමහං කිත්තයිස්සාමි සුණාථ මම භාසතො.
1220. ඉතො චුතො අයං පොසො තුසිතකායං ගමිස්සති,
තත්ථ රජ්ජං කරිත්වාන නිම්මානං සො ගමිස්සති.
තත්ථ රජ්ජං කරිත්වාන නිම්මානං සො ගමිස්සති.
1221. එතෙනෙව උපායෙන දත්වා මල්යං වරුත්තමං,
සකකම්මාභිරද්ධො සො සම්පත්තිං අනුභොස්සති.
සකකම්මාභිරද්ධො සො සම්පත්තිං අනුභොස්සති.
1222. පුනාපි තුසිතෙ කායෙ නිබ්බත්තිස්සතයං නරො,
තම්හා කායා චවිත්වාන මනුස්සත්තං ගමිස්සති.
තම්හා කායා චවිත්වාන මනුස්සත්තං ගමිස්සති.
1223. සක්යපුත්තො මහානාගො අග්ගො ලොකෙ සදෙවකෙ,
බොධයිත්වා බහූ සත්තෙ නිබ්බායිස්සති චක්ඛුමා.
බොධයිත්වා බහූ සත්තෙ නිබ්බායිස්සති චක්ඛුමා.