50. චුන්දත්ථෙරාපදානං
1239. සිද්ධත්ථස්ස භගවතො ලොකජෙට්ඨස්ස තාදිනො,
අග්ඝියං කාරයිත්වාන ජාතිපුප්ඵෙහි ඡාදයිං.
අග්ඝියං කාරයිත්වාන ජාතිපුප්ඵෙහි ඡාදයිං.
1240. නිට්ඨාපෙත්වාන තං පුප්ඵං බුද්ධස්ස උපනාමයිං,
පුප්ඵාවසෙසං පග්ගය්හ බුද්ධස්ස අභිරොපයිං.
පුප්ඵාවසෙසං පග්ගය්හ බුද්ධස්ස අභිරොපයිං.
1241. කඤ්චනග්ඝියසඞ්කාසං බුද්ධං ලොකග්ගනායකං,
පසන්නචිත්තො සුමනො පුප්ඵග්ඝියමුපානයිං.
පසන්නචිත්තො සුමනො පුප්ඵග්ඝියමුපානයිං.
1242. විතිණ්ණකඞ්ඛො සම්බුද්ධො තිණ්ණොඝෙහි පුරක්ඛතො,
භික්ඛුසංඝෙ නිසීදිත්වා ඉමා ගාථා අභාසථ:
භික්ඛුසංඝෙ නිසීදිත්වා ඉමා ගාථා අභාසථ:
1243. “දිබ්බගන්ධං පවායන්තං යො මෙ පුප්ඵග්ඝියං අදා,
තමහං කිත්තයිස්සාමි සුණාථ මම භාසතො.
තමහං කිත්තයිස්සාමි සුණාථ මම භාසතො.
1244. ඉතො චුතො අයං පොසො දෙවසංඝපුරක්ඛතො,
ජාතිපුප්ඵෙහි පරිකිණ්ණො දෙවලොකං ගමිස්සති.
ජාතිපුප්ඵෙහි පරිකිණ්ණො දෙවලොකං ගමිස්සති.
1245. උබ්බිද්ධං භවනං තස්ස සොවණ්ණඤ්ච මණිමයං,
ව්යම්හං පාතුභවිස්සති පුඤ්ඤකම්මප්පභාවිතං.
ව්යම්හං පාතුභවිස්සති පුඤ්ඤකම්මප්පභාවිතං.
1246. චතුසත්තතික්ඛත්තුං සො දෙවරජ්ජං කරිස්සති,
අනුභොස්සති සම්පත්තිං අච්ඡරාහි පුරක්ඛතො.
අනුභොස්සති සම්පත්තිං අච්ඡරාහි පුරක්ඛතො.
1247. පථව්යා රජ්ජං තිසතං වසුධං ආවසිස්සති,
පඤ්චසත්තතික්ඛත්තුඤ්ච චක්කවත්තී භවිස්සති.
පඤ්චසත්තතික්ඛත්තුඤ්ච චක්කවත්තී භවිස්සති.
1248. දුජ්ජයො නාම නාමෙන හෙස්සති මනුජාධිපො,
අනුභොත්වාන තං පුඤ්ඤං සකකම්මං අපස්සිතො.
අනුභොත්වාන තං පුඤ්ඤං සකකම්මං අපස්සිතො.
1249. විනිපාතං අගන්ත්වාන මනුස්සත්තං ගමිස්සති,
හිරඤ්ඤස්ස ච නිචිතං කොටිසතමනප්පකං.
හිරඤ්ඤස්ස ච නිචිතං කොටිසතමනප්පකං.
1250. නිබ්බත්තිස්සති යොනිම්හි බ්රාහ්මණෙ සො භවිස්සති,
වඞ්ගත්තස්ස සුතො ධීමා සාරියා ඔරසො පියො.
වඞ්ගත්තස්ස සුතො ධීමා සාරියා ඔරසො පියො.
1251. සො ච පච්ඡා පබ්බජිත්වා අඞ්ගීරසස්ස සාසනෙ,
චූලවුන්දො’ති නාමෙන හෙස්සති සත්ථු සාවකො.
චූලවුන්දො’ති නාමෙන හෙස්සති සත්ථු සාවකො.
1252. සාමණෙරො’ව සො සන්තො ඛීණාසවො භවිස්සති,
සබ්බාසවෙ පරිඤ්ඤාය නිබ්බායිස්සතනාසවො”.
සබ්බාසවෙ පරිඤ්ඤාය නිබ්බායිස්සතනාසවො”.
1253. උපට්ඨහිං මහාවීරං අඤ්ඤෙ ච පෙසලෙ බහූ,
භාතරං චෙ චුපට්ඨාසිං උත්තමත්ථස්ස පත්තියා.
භාතරං චෙ චුපට්ඨාසිං උත්තමත්ථස්ස පත්තියා.
1254. භාතරං මෙ උපට්ඨිත්වා ධාතූ පත්තම්හි ඔපිය,
සම්බුද්ධං උපනාමෙසිං ලොකජෙට්ඨං නරාසභං.
සම්බුද්ධං උපනාමෙසිං ලොකජෙට්ඨං නරාසභං.
1255. උභො හත්ථෙහි පග්ගය්හ බුද්ධො ලොකෙ සදෙවකෙ,
සංදස්සයන්තො තං ධාතුං කිත්තයී අග්ගසාවකං.
සංදස්සයන්තො තං ධාතුං කිත්තයී අග්ගසාවකං.
1256. චිත්තං ච සුවිමුත්තං මෙ සද්ධා මය්හං පතිට්ඨිතා,
සබ්බාසවෙ පරිඤ්ඤාය විහරාමි අනාසවො.
සබ්බාසවෙ පරිඤ්ඤාය විහරාමි අනාසවො.
1257 පටිසම්භිදා අනුප්පත්තා විමොක්ඛාපි ච ඵස්සිතා,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා චුන්දො ථෙරො ඉමා ගාථායො අභාසිත්ථාති.
චුන්දත්ථෙරස්ස අපදානං දසමං.
උද්දානං:
උපාලි සොණො භද්දියො සන්තිට්ඨාපකහත්ථියො,
ඡදනං සෙය්යචඞ්කමං සුභද්දො චුන්දසව්හයො,
ගාථා සතං ච තාළීසං චතස්සො ච තදුත්තරි.
ඡදනං සෙය්යචඞ්කමං සුභද්දො චුන්දසව්හයො,
ගාථා සතං ච තාළීසං චතස්සො ච තදුත්තරි.
උපාලිවග්ගො පඤ්චමො.
6. වීජනීවග්ගො
51. විධූපනදායකත්ථෙරාපදානං
1258. පදුමුත්තරබුද්ධස්ස ලොකජෙට්ඨස්ස තාදිනො,
වීජනිකා මයා දින්නා දිපදින්දස්ස තාදිනො.
වීජනිකා මයා දින්නා දිපදින්දස්ස තාදිනො.
1259. සකං චිත්තං පසාදෙත්වා පග්ගහෙත්වාන අඤ්ජලිං,
සම්බුද්ධං අභිවාදෙත්වා පක්කාමිං උත්තරාමුඛො.
සම්බුද්ධං අභිවාදෙත්වා පක්කාමිං උත්තරාමුඛො.
1260. වීජනිං පග්ගහෙත්වාන සත්ථා ලොකෙ අනුත්තරො,
භික්ඛුසංඝෙ ඨිතො සන්තො ඉමං ගාථං අභාසථ:
භික්ඛුසංඝෙ ඨිතො සන්තො ඉමං ගාථං අභාසථ:
1261. “ඉමිනා වීජනිදානෙන චිත්තස්ස පණිධීහි ච,
කප්පානං සතසහස්සං විනිපාතං න ගච්ඡති”.
කප්පානං සතසහස්සං විනිපාතං න ගච්ඡති”.
1262. ආරද්ධවිරියො පහිතත්තො චෙතොගුණසමාහිතො,
ජාතියා සත්තවස්සො’හං අරහත්තමපාපුණිං.
ජාතියා සත්තවස්සො’හං අරහත්තමපාපුණිං.
1263. සට්ඨිකප්පසහස්සම්හි වීජමානසනාමකා,
සොළසා’සිංසු රාජානො චක්කවත්තී මහබ්බලා.
සොළසා’සිංසු රාජානො චක්කවත්තී මහබ්බලා.
1264. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා විධූපනදායකො ථෙරො ඉමා ගාථායො අභාසිත්ථාති.
විධුපනදායකත්ථෙරස්ස අපදානං පඨමං.