41. භාගිනෙය්යඋපාලිත්ථෙරාපදානං.
1116. ඛීණාසවසහස්සෙහි පරිවුතො ලොකනායකො,
විවෙකමනුයුත්තො සො ගච්ඡතෙ පටිසල්ලිතුං.
විවෙකමනුයුත්තො සො ගච්ඡතෙ පටිසල්ලිතුං.
1117. අජිනෙන නිවත්ථො’හං තිදණ්ඩපරිධාරකො,
භික්ඛුසංඝපරිබ්බූළ්හං අද්දසං ලොකනායකං.
භික්ඛුසංඝපරිබ්බූළ්හං අද්දසං ලොකනායකං.
1118. එකංසං අජිනං කත්වා සිරෙ කත්වාන අඤ්ජලිං,
සම්බුද්ධං අභිවාදෙත්වා සන්ථවිං ලොකනායකං:
සම්බුද්ධං අභිවාදෙත්වා සන්ථවිං ලොකනායකං:
1119. “යථාණ්ඩජා ච සංසෙදා ඔපපාතී ජලාබුජා,
කාකාදිපක්ඛිනො සබ්බෙ අන්තළික්ඛවරා සදා.
කාකාදිපක්ඛිනො සබ්බෙ අන්තළික්ඛවරා සදා.
1120. යෙ කෙචි පාණභූතත්ථි සඤ්ඤිනො වා අසඤ්ඤිනො,
සබ්බෙ තෙ තව ඤාණම්හි අන්තො හොන්ති සමොගධා.
සබ්බෙ තෙ තව ඤාණම්හි අන්තො හොන්ති සමොගධා.
1121. ගන්ධා ච පබ්බතෙය්යා යෙ භිමවන්තනගුත්තමෙ,
සබ්බෙ තෙ තව සීලම්හි කලායපි න යුජ්ජරෙ.
සබ්බෙ තෙ තව සීලම්හි කලායපි න යුජ්ජරෙ.
1122. මොහන්ධකාරපක්ඛන්නො අයං ලොකො සදෙවකො,
තව ඤාණම්හි ජොතන්තෙ අන්ධකාරා විධංසිතා.
තව ඤාණම්හි ජොතන්තෙ අන්ධකාරා විධංසිතා.
1123. යථා අත්ථඞ්ගතෙ සුරියෙ හොන්ති සත්තා තමොගතා,
එවං බුද්ධො අනුප්පන්නෙ හොති ලොකො තමොගතො.
එවං බුද්ධො අනුප්පන්නෙ හොති ලොකො තමොගතො.
1124. යථොදයන්තො ආදිච්චො විනොදෙති තමං සදා,
තථෙව ත්වං බුද්ධසෙට්ඨ විද්ධංසෙසි තමං සදා.
තථෙව ත්වං බුද්ධසෙට්ඨ විද්ධංසෙසි තමං සදා.
1125. පධාපහිතත්තො’සි බුද්ධො ලොකෙ සදෙවකෙ,
තව කම්මාභිරද්ධෙන තොසෙසි ජනතං බහුං.”
තව කම්මාභිරද්ධෙන තොසෙසි ජනතං බහුං.”
1126. තං සබ්බං අනුමොදිත්වා පදුමුත්තරො මහාමුනි,
නභං අබ්භුග්ගමී ධීරො හංසරාජා’ව අම්බරෙ.
නභං අබ්භුග්ගමී ධීරො හංසරාජා’ව අම්බරෙ.
1127. අබ්භුග්ගන්ත්වාන සම්බුද්ධො මහෙසී පදුමුත්තරො,
අන්තළික්ඛෙ ඨිතො සත්ථා ඉමා ගාථා අභාසථ:
අන්තළික්ඛෙ ඨිතො සත්ථා ඉමා ගාථා අභාසථ:
1128. “යෙනි’දං ථවිතං ඤාණං ඔපම්මෙහි සමායුතං,
තමහං කිත්තයිස්සාමි සුණාථ මම භාසතො.
තමහං කිත්තයිස්සාමි සුණාථ මම භාසතො.
1129. අට්ඨාරසක්ඛත්තුං සො දෙවරාජා භවිස්සති,
පථව්යා රජ්ජං තිසතං වසුධං ආවසිස්සති.
පථව්යා රජ්ජං තිසතං වසුධං ආවසිස්සති.
1130. පඤ්චවීසතික්ඛත්තුඤ්ච චක්කවත්තී භවිස්සති,
පදෙසරජ්ජං විපුලං ගණනාතො අසංඛියං.
පදෙසරජ්ජං විපුලං ගණනාතො අසංඛියං.
1131. කප්පසතසහස්සම්හි ඔක්කාකකුලසම්භවො,
ගොතමො නාම නාමෙන සත්ථා ලොකෙ භවිස්සති.
ගොතමො නාම නාමෙන සත්ථා ලොකෙ භවිස්සති.
1132. තුසිතා හි චවිත්වාන සුක්කමූලෙන චොදිතො,
භිනො’ව ජාතියා සන්තො උපාලි නාම හෙස්සති.
භිනො’ව ජාතියා සන්තො උපාලි නාම හෙස්සති.
1133. සො ච පච්ඡා පබ්බජිත්වා විරාජෙත්වාන පාපකං,
සබ්බාසවෙ පරිඤ්ඤාය නිබ්බායිස්සතනාසවො.
සබ්බාසවෙ පරිඤ්ඤාය නිබ්බායිස්සතනාසවො.
1134. තුට්ඨො ච ගොතමො බුද්ධො සක්යපුත්තො මහායසො,
විනයාධිගතං තං ස එතදග්ගෙ ඨපෙස්සති.”
විනයාධිගතං තං ස එතදග්ගෙ ඨපෙස්සති.”
1135. සද්ධායාහං පබ්බජිතො කතකිච්චො අනාසවො,
සබ්බාසවෙ පරිඤ්ඤාය විහරාමි අනාසවො.
සබ්බාසවෙ පරිඤ්ඤාය විහරාමි අනාසවො.
1136. භගවා චානුකම්පි මං විනයෙ’හං විසාරදො,
සකකම්මාභිරද්ධො ච විහාරාමි අනාසවො.
සකකම්මාභිරද්ධො ච විහාරාමි අනාසවො.
1137. සංවුතො පාතිමොක්ඛම්හි ඉන්ද්රියෙසු ච පඤ්චසු,
ධාරෙමි විනයං සබ්බං කෙවලං රතනාකරං.
ධාරෙමි විනයං සබ්බං කෙවලං රතනාකරං.
1138. මමඤ්ච ගුණමඤ්ඤාය සත්ථා ලොකෙ අනුත්තරො,
භික්ඛුසංඝෙ නිසීදිත්වා එතදග්ගෙ ඨපෙසි මං.
භික්ඛුසංඝෙ නිසීදිත්වා එතදග්ගෙ ඨපෙසි මං.
1139. පටිසම්භිදා -පෙ- කතං බුද්ධස්ස සාසනං.
ඉත්ථං සුදං ආයස්මා උපාලිථෙරො ඉමා ගාථායො අභාසිත්ථාති.
භාගිනෙය්යඋපාලිත්ථෙරස්ස අපදානං පඨමං.
42. සොණකොටිකණ්ණත්ථෙරාපදානං
1140. අනොමදස්සිමුනිනො ලොකජෙට්ඨස්ස තාදිනො,
සුධාය ලෙපනං කත්වා චඞ්කමං කාරයිං අහං.
සුධාය ලෙපනං කත්වා චඞ්කමං කාරයිං අහං.
1141. නානාවණ්ණෙහි පුප්ඵෙහි චඞ්කමං සන්ථරිං අහං,
ආකාසෙ විතානං කත්වා භොජසිං බුද්ධමුත්තමං.
ආකාසෙ විතානං කත්වා භොජසිං බුද්ධමුත්තමං.