483. භිසදායකත්ථෙරාපදානං
5057. ඔගය්හාහං පොක්ඛරණිං නානාකුඤ්ජරසෙවිතං,
උද්ධරාමි භිසං තත්ථ ඝාසහෙතු අහං තදා.
උද්ධරාමි භිසං තත්ථ ඝාසහෙතු අහං තදා.
5058. භගවා තම්හි සමයෙ පදුමුත්තරසව්හයො,
රත්තම්බරධරො බුද්ධො ගච්ඡති අනිලඤ්ජසෙ.
රත්තම්බරධරො බුද්ධො ගච්ඡති අනිලඤ්ජසෙ.
5059. ධුනන්තො පංසුකූලානි සද්දමස්සොසහං තදා,
උද්ධං නිජ්ඣායමානොහං අද්දසං ලොකනායකං.
උද්ධං නිජ්ඣායමානොහං අද්දසං ලොකනායකං.
5060. තත්ථෙව ඨිතකො සන්තො ආයාචිං ලොකනායකං,
මධුං භිසෙහි සහිතං ඛීරං සප්පිං මුළාලිකං.
මධුං භිසෙහි සහිතං ඛීරං සප්පිං මුළාලිකං.
5061. පතිගණ්හාතු මෙ බුද්ධො අනුකම්පාය චක්ඛුමා,
තතො කාරුණිකො සත්ථා ඔරුහිත්වා මහායසො.
තතො කාරුණිකො සත්ථා ඔරුහිත්වා මහායසො.
5062. පටිගණ්හි මමං භික්ඛං අනුකම්පාය චක්ඛුමා,
පටිග්ගහෙත්වා සම්බුද්ධො අකා මෙ අනුමොදනං.
පටිග්ගහෙත්වා සම්බුද්ධො අකා මෙ අනුමොදනං.
5063. “සුඛී හොහි මහාපුඤ්ඤ, ගති තුය්හං සමිජ්ඣතු,
ඉමිනා භිසදානෙන ලභස්සු විපුලං සුඛං.”
ඉමිනා භිසදානෙන ලභස්සු විපුලං සුඛං.”
5064. ඉදං වත්වාන සම්බුද්ධො ජලජුත්තමනාමකො,
භික්ඛමාදාය සම්බුද්ධො අම්බරෙන’ගමා ජිනො.
භික්ඛමාදාය සම්බුද්ධො අම්බරෙන’ගමා ජිනො.
5065. තතො භිසං ගහෙත්වාන ආගච්ඡිං මම අස්සමං,
භිසං රුක්ඛෙ ලගෙත්වාන මම දානං අනුස්සරිං.
භිසං රුක්ඛෙ ලගෙත්වාන මම දානං අනුස්සරිං.
5066. මහාවාතො වුට්ඨහිත්වා සඤ්චාලෙසි වනං තදා,
ආකායො අභිනාදිත්ථ අසනියා ඵලන්තියා.
ආකායො අභිනාදිත්ථ අසනියා ඵලන්තියා.
5067. තතො මෙ අසනීපාතො මත්ථකෙ නිපතී තදා,
සොහං නිසින්නකො සන්තො තත්ථ කාලකතො අහුං.
සොහං නිසින්නකො සන්තො තත්ථ කාලකතො අහුං.
5068. පුඤ්ඤකම්මෙන සංයුත්තො තුසිතං උපපජ්ජහං,
කලෙබරං මෙ පතිතං දෙවලොකෙ රමිං අභං.
කලෙබරං මෙ පතිතං දෙවලොකෙ රමිං අභං.
5069. ඡළාසීතිසහස්සානි නාරියො සමලඞ්කතා,
සායපාතං උපට්ඨන්ති භිසදානස්සිදං ඵලං.
සායපාතං උපට්ඨන්ති භිසදානස්සිදං ඵලං.
5070. මනුස්සයො නිමාගන්ත්වා සුඛිතො හොමහං සදා,
භොගෙ මෙ ඌනතා නත්ථි භිසදානස්සිදං ඵලං.
භොගෙ මෙ ඌනතා නත්ථි භිසදානස්සිදං ඵලං.
5071. අනුකම්පිතකො තෙන දෙවදෙවෙන තාදිනා,
සබ්බාසවපරික්ඛීණො නත්ථිදානි පුනබ්භවො.
සබ්බාසවපරික්ඛීණො නත්ථිදානි පුනබ්භවො.
5072. සතසහස්සෙ ඉතො කප්පෙ යං භික්ඛමදදිං තදා,
දුග්ගතිං නාභිජානාමි භිසදානස්සිදං ඵලං.
දුග්ගතිං නාභිජානාමි භිසදානස්සිදං ඵලං.
5073. කිලෙසා ඣාපිතා මය්හං භවා සබ්බෙ සමූහතා,
නාගො ව බන්ධනං ඡෙත්වා විහරාමි අනාසවො.
නාගො ව බන්ධනං ඡෙත්වා විහරාමි අනාසවො.
5074. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
5075. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා භිසදායකො ථෙරො ඉමා ගාථායො අභාසිත්ථාති.
භිසදායකත්ථෙරස්ස අපදානං තතියං.
484. ඤාණත්ථවිකත්ථෙරාපදානං
5076. දක්ඛිණෙ හිමවන්තස්ස සුකතො අස්සමො මම,
උත්තමත්ථං ගවෙසන්තො වසාමි විපිනෙ තදා.
උත්තමත්ථං ගවෙසන්තො වසාමි විපිනෙ තදා.
5077. ලාභාලාභෙන සන්තුට්ඨො මූලෙන ච ඵලෙන ච,
අන්වෙසන්තො ආචරියං වසාමි එකකො අහං.
අන්වෙසන්තො ආචරියං වසාමි එකකො අහං.
5078. සුමෙධො නාම සම්බුද්ධො ලොකෙ උප්පජ්ජි තාවදෙ,
චතුසච්චං පකාසෙති උද්ධරන්තො මහාජනං.
චතුසච්චං පකාසෙති උද්ධරන්තො මහාජනං.
5079. නාහං සුණොමි සම්බුද්ධං නපි මෙ කොචි භාසති,
අට්ඨවස්සෙ අතික්කන්තෙ අස්සොසිං ලොකනායකං.
අට්ඨවස්සෙ අතික්කන්තෙ අස්සොසිං ලොකනායකං.
5080. අග්ගිදාරුං නීහරිත්වා සම්මජ්ජිත්වාන අස්සමං,
ඛාරිභාරං ගහෙත්වාන නික්ඛමිං විපිනා අහං.
ඛාරිභාරං ගහෙත්වාන නික්ඛමිං විපිනා අහං.
5081. එකරත්තිං වසන්තොහං ගාමෙසු නිගමෙසු ච,
අනුපුබ්බෙන චන්දවතිං තදාහං උපසඞ්කමිං.
අනුපුබ්බෙන චන්දවතිං තදාහං උපසඞ්කමිං.
5082. භගවා තම්හි සමයෙ සුමෙධො ලොකනායකො,
උද්ධරන්තො බහූ සත්තෙ දෙසෙති අමතං පදං.
උද්ධරන්තො බහූ සත්තෙ දෙසෙති අමතං පදං.
5083. ජනකායමතික්කම්ම වන්දිත්වා ජිනසාගරං,
එකංසං අජිනං කත්වා සන්ථවිං ලොකනායකං:
එකංසං අජිනං කත්වා සන්ථවිං ලොකනායකං:
5084. “තුවං සත්ථා ච කෙතු ච ධජො යූපො ච පාණිනං,
පරායණො පතිට්ඨා ච දීපො ච දිපදුත්තමො.
පරායණො පතිට්ඨා ච දීපො ච දිපදුත්තමො.
(එකවීසතිමො භාණවාරො.)