466. අවණ්ටඵලියත්ථෙරාපදානං
4889. සතරංසි නාම භගවා සයම්භූ අපරාජිතො,
විවෙකකාමො සම්බුද්ධො ගොචරායාභිනික්ඛමි.
විවෙකකාමො සම්බුද්ධො ගොචරායාභිනික්ඛමි.
4890. ඵලහත්ථො අහං දිස්වා උපගච්ඡිං නරාසභං,
පසන්නචිත්තො සුමනො අවණ්ටං අදදිං ඵලං.
පසන්නචිත්තො සුමනො අවණ්ටං අදදිං ඵලං.
4891. චතුනවුතෙ ඉතො කප්පෙ යං ඵලමදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
4892. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
4893. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4894. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අවණ්ටඵලියො ථෙරො ඉමා ගාථායො අභාසිත්ථාති.
අවණ්ටඵලියත්ථෙරාපදානං ඡට්ඨං.
467. ලබුජදායකත්ථෙරාපදානං
4895. නගරෙ බන්ධුමතියා ආරාමිකො අහුං තදා,
අද්දසං විරජං බුද්ධං ගච්ඡන්තං අනිලඤ්ජසෙ.
අද්දසං විරජං බුද්ධං ගච්ඡන්තං අනිලඤ්ජසෙ.
4896. ලබුජං ඵලමාදාය බුද්ධසෙට්ඨස්සදාසහං,
ආකාසෙව ඨිතො සන්තො පටිග්ගණ්හි මහායසො.
ආකාසෙව ඨිතො සන්තො පටිග්ගණ්හි මහායසො.
4897. විත්තිසඤ්ජනනො මය්හං දිට්ඨධම්මසුඛාවහො,
ඵලං බුද්ධස්ස දත්වාන විප්පසන්නෙන චෙතසා.
ඵලං බුද්ධස්ස දත්වාන විප්පසන්නෙන චෙතසා.
4898. අධිගච්ඡිං තදා පීතිං විපුලං සුඛමුත්තමං,
උප්පජ්ජතෙ ච රතනං නිබ්බත්තස්ස තහිං තහිං.
උප්පජ්ජතෙ ච රතනං නිබ්බත්තස්ස තහිං තහිං.
4899. එකනවුතෙ ඉතො කප්පෙ යං ඵලමදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
4900. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
4901. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4902. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ලබුජදායකො ථෙරො ඉමා ගාථායො අභාසිත්ථාති.
ලබුජදායකත්ථෙරස්ස අපදානං සත්තමං.
468. පිලක්ඛඵලදායකත්ථෙරාපදානං
4903. වනන්තෙ බුද්ධං දිස්වාන අත්ථදස්සිං මහායසං,
පසන්නචිත්තො සුමනො පිලක්ඛස්ස ඵලං අදං.
පසන්නචිත්තො සුමනො පිලක්ඛස්ස ඵලං අදං.
4904. අට්ඨාරසෙ කප්පසතෙ යං ඵලමදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
4905. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
4906. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4907. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පිලක්ඛඵලදායකො ථෙරො ඉමා ගාථායො අභාසිත්ථාති.
පිලක්ඛඵලදායකත්ථෙරස්ස අපදානං අට්ඨමං.