444. භල්ලාතකදායකත්ථෙරාපදානං
4738. සුවණ්ණවණ්ණං සම්බුද්ධං බත්තිංසවරලක්ඛණං,
පවනග්ගෙන ගච්ඡන්තං සාලරාජංව ඵුල්ලිතං.
පවනග්ගෙන ගච්ඡන්තං සාලරාජංව ඵුල්ලිතං.
4739. තිණත්ථරං පඤ්ඤපෙත්වා බුද්ධසෙට්ඨමයාචහං,
අනුකම්පතු මං බුද්ධො භික්ඛමිච්ඡාමි දාතවෙ.
අනුකම්පතු මං බුද්ධො භික්ඛමිච්ඡාමි දාතවෙ.
4740. අනුකම්පකො කාරුණිකො අත්ථදස්සී මහායසො,
මම සඞ්කප්පමඤ්ඤාය ඔරුහී මම අස්සමෙ.
මම සඞ්කප්පමඤ්ඤාය ඔරුහී මම අස්සමෙ.
4741. ඔරුහිත්වාන සම්බුද්ධො නිසීදි පණ්ණසන්ථරෙ,
භල්ලාතකං ගහෙත්වාන බුද්ධසෙට්ඨස්සදාසහං.
භල්ලාතකං ගහෙත්වාන බුද්ධසෙට්ඨස්සදාසහං.
4742. මම නිජ්ඣායමානස්ස පරිභුඤ්ජි තදා ජිනො,
තත්ථ චිත්තං පසාදෙත්වා අභිවන්දිං තදා ජිනං.
තත්ථ චිත්තං පසාදෙත්වා අභිවන්දිං තදා ජිනං.
4743. අට්ඨාරසෙ කප්පසතෙ යං ඵලං අදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
4744. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
4745. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං
තිස්සො විජ්ජා අනුප්පත්තා කතං බුද්ධස්ස සාසනං
4746. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
භල්ලාතකදායකත්ථෙරස්ස අපදානං චතුත්ථං.
ඉත්ථං සුදං ආයස්මා භල්ලාතකදායකො ථෙරො ඉමා ගාථායො අභාසිත්ථාති.
445. උත්තලිපුප්ඵියත්ථෙරාපදානං
4747. නිග්රොධෙ හරිතොහාසෙ සංවිරූළ්හම්හි පාදපෙ,
උත්තලිමාලං පග්ගය්හ බොධියා අභිරොපයිං.
උත්තලිමාලං පග්ගය්හ බොධියා අභිරොපයිං.
4748. ඉමස්මිං යෙව කප්පම්හි යං පුප්ඵමභිරොපයිං,
දුග්ගතිං නාභිජානාමි බොධිපූජායිදං ඵලං.
දුග්ගතිං නාභිජානාමි බොධිපූජායිදං ඵලං.
4749. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
4750. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං
තිස්සො විජ්ජා අනුප්පත්තා කතං බුද්ධස්ස සාසනං
4751. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උත්තලිපුප්ඵියො ථෙරො ඉමා ගාථායො අභාසිත්ථාති.
උත්තලිපුප්ඵියත්ථෙරස්ස අපදානං පඤ්චමං.
446. අම්බාටකියත්ථෙරාපදානං
4752. සුපුප්ඵිතං සාලවනං ඔගය්හ වෙස්සභූ මුනි,
නිසීදි ගිරිදුග්ගෙසු අභිජාතොව කෙසරී.
නිසීදි ගිරිදුග්ගෙසු අභිජාතොව කෙසරී.
4753. පසන්නචිත්තො සුමනො අම්බාටකමපූජයිං,
පුඤ්ඤක්ඛෙත්තං මහාවීරං පසන්නො සෙහි පාණිහි.
පුඤ්ඤක්ඛෙත්තං මහාවීරං පසන්නො සෙහි පාණිහි.
4754. එකතිංසෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
4755. කිලෙසා ඣාපිතා මය්හං භවා සබ්බෙ සමූහතා,
සබ්බාසවා පරික්ඛීණා විහරාමි අනාසවො.
සබ්බාසවා පරික්ඛීණා විහරාමි අනාසවො.
4756. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං
තිස්සො විජ්ජා අනුප්පත්තා කතං බුද්ධස්ස සාසනං
4757. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අම්බාටකියො ථෙරො ඉමා ගාථායො අභාසිත්ථාති.
අම්බාටකියකත්ථෙරස්ස අපදානං ඡට්ඨං.
447. සීහාසනිකත්ථෙරාපදානං
4758. පදුමුත්තරස්ස භගවතො සබ්බභූතහිතෙසිනො,
පසන්නචිත්තො සුමනො සීහාසනමදාසහං.
පසන්නචිත්තො සුමනො සීහාසනමදාසහං.
4759. දෙවලොකෙ මනුස්සෙ වා යත්ථ යත්ථ වසාමහං,
ලභාමි විපුලං ව්යම්හං සීහාසනස්සිදං ඵලං.
ලභාමි විපුලං ව්යම්හං සීහාසනස්සිදං ඵලං.