435. උච්ඡුඛණ්ඩිකත්ථෙරාපදානං
4673. නගරෙ බන්ධුමතියා ද්වාරපාලො අහොසහං,
අද්දසං විරජං බුද්ධං සබ්බධම්මාන පාරගුං.
අද්දසං විරජං බුද්ධං සබ්බධම්මාන පාරගුං.
4674. උච්ඡුඛණ්ඩකමාදාය බුද්ධසෙට්ඨස්සදාසහං,
පසන්නචිත්තො සුමනො විපස්සිස්ස මහෙසිනො.
පසන්නචිත්තො සුමනො විපස්සිස්ස මහෙසිනො.
4675. එකනවුතෙ ඉතො කප්පෙ යං උච්ඡුමදදිං තදා,
දුග්ගතිං නාභාජානාමි උච්ඡුඛණ්ඩස්සිදං ඵලං.
දුග්ගතිං නාභාජානාමි උච්ඡුඛණ්ඩස්සිදං ඵලං.
4676. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
4677. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4678. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උච්ඡුකණ්ඩිකො ථෙරො ඉමා ගාථායො අභාසිත්ථාති.
උච්ඡුඛණ්ඩිකත්ථෙරස්ස අපදානං පඤ්චමං.
436 කලම්බදායකත්ථෙරාපදානං
4679. රොමසො නාම සම්බුද්ධො වසතී පබ්බතන්තරෙ,
කලම්බං තස්ස පාදාසිං පසන්නො සෙහි පාණිහි
කලම්බං තස්ස පාදාසිං පසන්නො සෙහි පාණිහි
4680. චතුනවුතෙ ඉතො කප්පෙ යං දානමදදිං තදා,
දුග්ගතිං නාභිජානාමි කලම්බස්ස ඉදං ඵලං.
දුග්ගතිං නාභිජානාමි කලම්බස්ස ඉදං ඵලං.
4681. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
4682. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4683. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කලම්බදායකො ථෙරො ඉමා ගාථායො අභාසිත්ථාති.
කලම්බකත්ථෙරස්ස අපදානං ඡට්ඨං.
437. අම්බාටකදායකත්ථෙරාපදානං
4684. විපිනෙ බුද්ධං දිස්වාන සයම්භුං අපරාජිතං,
අම්බාටකං ගහෙත්වාන සයම්භුස්ස අදාසහං.
අම්බාටකං ගහෙත්වාන සයම්භුස්ස අදාසහං.
4685. එකතිංසෙ ඉතො කප්පෙ යං ඵලං අදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.