425. කොරණ්ඩපුප්ඵියත්ථෙරාපදානං
4529. වනකම්මිකො පුරෙ ආසිං පිතුමාතුමතෙනහං,
පසුමාරෙන ජීවාමි කුසලං මෙ න විජ්ජති.
පසුමාරෙන ජීවාමි කුසලං මෙ න විජ්ජති.
4530. මම ආසයසාමන්තා තිස්සො ලොකග්ගනායකො,
පදාති තීණි දස්සෙසි අනුකම්පාය චක්ඛුමා.
පදාති තීණි දස්සෙසි අනුකම්පාය චක්ඛුමා.
4531. අක්කන්තෙ ච පදෙ දිස්වා තිස්සනාමස්ස සත්ථුනො,
හට්ඨො හට්ඨෙන චිත්තෙන පදෙ චිත්තං පසාදයිං.
හට්ඨො හට්ඨෙන චිත්තෙන පදෙ චිත්තං පසාදයිං.
4532. කොරණ්ඩං පුප්ඵිතං දිස්වා පාදපං ධරණීරුහං,
සකොටකං ගහෙත්වාන පදසෙට්ඨෙ අපූජයිං.
සකොටකං ගහෙත්වාන පදසෙට්ඨෙ අපූජයිං.
4533. තෙන කම්මෙන සුකතෙන චෙතනාපණිධීහි ච,
ජහිත්වා මානුසං දෙහං තාවතිංසමගච්ඡහං.
ජහිත්වා මානුසං දෙහං තාවතිංසමගච්ඡහං.
4534. යං යං යොනුපපජ්ජාමි දෙවත්තං අථ මානුසං,
කොරණ්ඩවණ්ණකො යෙව සප්පභාසො භවාමහං.
කොරණ්ඩවණ්ණකො යෙව සප්පභාසො භවාමහං.
4535. ද්වෙනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි පදපූජායිදං ඵලං.
දුග්ගතිං නාභිජානාමි පදපූජායිදං ඵලං.
4536. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
4537. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4538. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කොරණ්ඩපුප්ඵියො ථෙරො ඉමා ගාථායො අභාසිත්ථාති.
කොරණ්ඩපුප්ඵියත්ථෙරස්ස අපදානං පඤ්චමං.
426. ඝතමණ්ඩදායකත්ථෙරාපදානං
4539. සුචින්තිතං භගවන්තං ලොකජෙට්ඨං නරාසභං.
උපවිට්ඨං මහාරඤ්ඤං වාතාබාධෙන පීළිතං.
දිස්වා චිත්තං පසාදෙත්වා ඝතමණ්ඩං උපානයිං.
උපවිට්ඨං මහාරඤ්ඤං වාතාබාධෙන පීළිතං.
දිස්වා චිත්තං පසාදෙත්වා ඝතමණ්ඩං උපානයිං.
4540. කතත්තා ආචිතත්තා ච ගඞ්ගා භාගීරථී අයං,
මහාසමුද්දා චත්තාරො ඝතං සම්පජ්ජරෙ මම.
මහාසමුද්දා චත්තාරො ඝතං සම්පජ්ජරෙ මම.
4541. අයං ච පඨවී ඝොරා අප්පමාණා අසඞ්ඛියා,
මම සඞ්කප්පමඤ්ඤාය භවතෙ මධුසක්ඛරා.
මම සඞ්කප්පමඤ්ඤාය භවතෙ මධුසක්ඛරා.
4542. චතුදීපා ඉමෙ රුක්ඛා පාදපා ධරණීරුහා,
මම සඞ්කප්පමඤ්ඤාය කප්පරුක්ඛා භවන්ති තෙ.
මම සඞ්කප්පමඤ්ඤාය කප්පරුක්ඛා භවන්ති තෙ.
4543. පඤ්ඤාසක්ඛත්තුං දෙවින්දො දෙවරජ්ජමකාරයිං,
එකපඤ්ඤාසක්ඛත්තුඤ්ච චක්කවත්තී අහොසහං,
පදෙසරජ්ජං විපුලං ගණනාතො අසංඛියං.
එකපඤ්ඤාසක්ඛත්තුඤ්ච චක්කවත්තී අහොසහං,
පදෙසරජ්ජං විපුලං ගණනාතො අසංඛියං.
4544. චතුනවුතෙ ඉතො කප්පෙ යං දානමදදිං තදා,
දුග්ගතිං නාභිජානාමි ඝතමණ්ඩස්සිදං ඵලං.
දුග්ගතිං නාභිජානාමි ඝතමණ්ඩස්සිදං ඵලං.
4545. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
4546. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
4547. පටිසම්භිදා චතස්සො ච විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ඝතමණ්ඩදායකො ථෙරො ඉමා ගාථායො අභාසිත්ථාති.
ඝතමණ්ඩදායකත්ථෙරස්ස අපදානං ඡට්ඨං.
427. එකධම්මසවණියත්ථෙරාපදානං
4548. පදුමුත්තරො නාම ජිනො සබ්බධම්මානපාරගූ,
චතුසච්චං පකාසෙන්තො සන්තාරෙසි බහුං ජනං.
චතුසච්චං පකාසෙන්තො සන්තාරෙසි බහුං ජනං.
4549. අහං තෙන සමයෙන ජටිලො උග්ගතාපනො,
ධුනන්තො වාකචීරානි ගච්ඡාමි අම්බරෙ තදා.
ධුනන්තො වාකචීරානි ගච්ඡාමි අම්බරෙ තදා.
4550. බුද්ධසෙට්ඨස්ස උපරි ගන්තුං න විසහාමහං,
පක්ඛීව සෙලමාසජ්ජ ගමනං න ලභාමහං.
පක්ඛීව සෙලමාසජ්ජ ගමනං න ලභාමහං.
4551. උදකෙ’වොක්කමිත්වාන එවං ගච්ඡාමි අම්බරෙ,
න මෙ ඉදං භූතපුබ්බං ඉරියාපථවිකොපානං.
න මෙ ඉදං භූතපුබ්බං ඉරියාපථවිකොපානං.
4552. හන්දමෙතං ගවෙසිස්සං අප්පෙව’ත්ථං ලභෙය්යහං,
ඔරොහන්තො අන්තලික්ඛා සද්දමස්සොසි සත්ථුනො.
ඔරොහන්තො අන්තලික්ඛා සද්දමස්සොසි සත්ථුනො.