38. ආයාගදායකත්ථෙරාපදානං
1096. නිබ්බුතෙ ලොකනාථම්භි සිඛිම්හි වදතං වරෙ,
හට්ඨො හට්ඨෙන චිත්තෙන අවන්දිං ථූපමුත්තමං.
හට්ඨො හට්ඨෙන චිත්තෙන අවන්දිං ථූපමුත්තමං.
1097. වඩ්ඪකීහි කථාපෙත්වා මූලං දත්වාන’හං තදා,
හට්ඨො හට්ඨෙන චිත්තෙන ආයාගං කාරපෙස’හං.
හට්ඨො හට්ඨෙන චිත්තෙන ආයාගං කාරපෙස’හං.
1098. අට්ඨ කප්පානි දෙවෙසු අබ්බොච්ඡින්නං වසිං අහං,
අවසෙසෙසු කප්පෙසු වොකිණ්ණං සංසරිං අහං.
අවසෙසෙසු කප්පෙසු වොකිණ්ණං සංසරිං අහං.
1099. කායෙ විසං න කමති සත්ථානි න ච හන්ති මෙ,
උදකෙ’හං න මිය්යාමි ආයාගස්ස ඉදං ඵලං.
උදකෙ’හං න මිය්යාමි ආයාගස්ස ඉදං ඵලං.
1100. යදිච්ඡාමි අහං වස්සං මහාමෙඝො පවස්සති,
දෙවාපි මෙ වසං එන්ති පුඤ්ඤකම්මස්සි’දං ඵලං.
දෙවාපි මෙ වසං එන්ති පුඤ්ඤකම්මස්සි’දං ඵලං.
1101. සත්තරතනසම්පන්නො තිංසක්ඛත්තුං අහොස’හං,
න මං කෙච’වජානන්ති පුඤ්ඤකම්මස්සි’දං ඵලං.
න මං කෙච’වජානන්ති පුඤ්ඤකම්මස්සි’දං ඵලං.
1102. එකතිංසෙ ඉතො කප්පෙ ආයාගං යමකාරයිං,
දුග්ගතිං නාභිජානාමි ආයාගස්ස ඉදං ඵලං.
දුග්ගතිං නාභිජානාමි ආයාගස්ස ඉදං ඵලං.
1103. පටිසම්භිදා -පෙ- බුද්ධස්ස සාසනං.
ඉත්ථං සුදං ආයස්මා ආයාගදායකො ථෙරො ඉමා ගාථායො අභාසිත්ථාති.
ආයාගදායකත්ථෙරස්සාපදානං අට්ඨමං.
39. ධම්මචක්කිකත්ථෙරාපදානං.
1104. සිද්ධත්ථස්ස භගවතො සීහාසනස්ස සම්මුඛා,
ධම්මචක්කං මයා ඨපිතං සුකතං විඤ්ඤුවණ්ණිතං.
ධම්මචක්කං මයා ඨපිතං සුකතං විඤ්ඤුවණ්ණිතං.
1105. චාරුවණ්ණොව සොභාමි සයොග්ගබලවාහනො,
පරිවාරෙන්ති මං නිච්චං අනුයුත්තා බහුජ්ජනා.
පරිවාරෙන්ති මං නිච්චං අනුයුත්තා බහුජ්ජනා.
1106. සට්ඨිතුරියසහස්සෙහි පරිචාරෙම’හං සදා,
පරිවාරෙන සොභාමි පුඤ්ඤකම්මස්සි’දං ඵලං.
පරිවාරෙන සොභාමි පුඤ්ඤකම්මස්සි’දං ඵලං.
1107. චතුනවුතෙ ඉතො කප්පෙ යං චක්කං ඨපයිං අහං,
දුග්ගතිං නාභිජානාමි ධම්මචක්කස්සි’දං ඵලං.
දුග්ගතිං නාභිජානාමි ධම්මචක්කස්සි’දං ඵලං.
1108. ඉතො එකාදසෙ කප්පෙ අට්ඨා’සිංසු ජනාධිපා,
සහස්සරාජනාමෙන චක්කවත්තී මහබ්බලා.
සහස්සරාජනාමෙන චක්කවත්තී මහබ්බලා.
1109. පටිසම්භිදා -පෙ- බුද්ධස්ස සාසනං.
ඉත්ථං සුදං ආයස්මා ධම්මචක්කිකො ථෙරො ඉමා ගාථායො අභාසිත්ථාති.
ධම්මචක්කිකත්ථෙරස්සාපදානං නවමං.
40. කප්පරුක්ඛියත්ථෙරාපදානං.
1110. සිද්ධත්ථස්ස භගවතො ථූපසෙට්ඨස්ස සම්මුඛා,
විචිත්තදුස්සෙ ලග්ගෙත්වා කප්පරුක්ඛං ඨපෙස’හං.
විචිත්තදුස්සෙ ලග්ගෙත්වා කප්පරුක්ඛං ඨපෙස’හං.
1111. යං යං යො’නුපපජ්ජාමි දෙවත්තං අථ මානුසං,
සොභයන්තො මම ද්වාරං කප්පරුක්ඛො’පතිට්ඨති.
සොභයන්තො මම ද්වාරං කප්පරුක්ඛො’පතිට්ඨති.
1112. අහඤ්ච පරිසා චෙව යෙ කෙචි මම නිස්සිතා,
තම්හා දුස්සං ගහෙත්වාන නිවාසෙම මයං සදා.
තම්හා දුස්සං ගහෙත්වාන නිවාසෙම මයං සදා.
1113. චතුනවුතෙ ඉතො කප්පෙ යං රුක්ඛං ඨපයිං තදා,
දුග්ගතිං නාභිජානාමි කප්පරුක්ඛස්සි’දං ඵලං.
දුග්ගතිං නාභිජානාමි කප්පරුක්ඛස්සි’දං ඵලං.
1114. ඉතො ච සත්තමො කප්පෙ සුචෙළා අට්ඨ ඛත්තියා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
1115. පටිසම්භිදා -පෙ- බුද්ධස්ස සාසනං.
ඉත්ථං සුදං ආයස්මා කප්පරුක්ඛියො ථෙරො ඉමා ගාථායො අභාසිත්ථාති.
කප්පරුක්ඛියත්ථෙරස්සාපදානං දසමං.
උද්දානං:
කුණ්ඩ - සාගත - කච්චානා උදායී මොඝරාජකො,
අධිමුත්තො ලසුණදො ආයාගී ධම්මචක්කිකො,
කප්පරුක්ඛී ච දසමො ගාථායො ද්වාදස සතන්ති.
අධිමුත්තො ලසුණදො ආයාගී ධම්මචක්කිකො,
කප්පරුක්ඛී ච දසමො ගාථායො ද්වාදස සතන්ති.
කුණ්ඩධානවග්ගො චතුත්ථො.