35. මොඝරාජත්ථෙරාපදානං.
1066. අත්ථදස්සී තු භගවා සයම්භූ අපරාජිතො,
භික්ඛුසඞ්ඝපරිබ්බූළ්හො රථියං පටිපජ්ජථ.
භික්ඛුසඞ්ඝපරිබ්බූළ්හො රථියං පටිපජ්ජථ.
1067. සිස්සෙහි සම්පරිවුතො ඝරම්හා අභිනික්ඛමිං,
නික්ඛමිත්වානහං තත්ථ අද්දසං ලොකනායකං.
නික්ඛමිත්වානහං තත්ථ අද්දසං ලොකනායකං.
1068. අභිවාදිය සම්බුද්ධං සිරෙ කත්වාන අඤ්ජලිං,
සකං චිත්තං පසාදෙත්වා සන්ථවිං ලොකනායකං.
සකං චිත්තං පසාදෙත්වා සන්ථවිං ලොකනායකං.
1069. “යාවතා රූපිනො සත්තා අරූපී වා අසඤ්ඤිනො,
සබ්බෙ තෙ තව ඤාණම්භි අන්තො හොන්ති සමොගධා.
සබ්බෙ තෙ තව ඤාණම්භි අන්තො හොන්ති සමොගධා.
1070. සුඛුමච්ඡිකජාලෙන උදකං යො පරික්ඛිපෙ,
යෙ කෙචි උදකෙ පාණා අන්තො ජාලෙ භවන්ති තෙ.
යෙ කෙචි උදකෙ පාණා අන්තො ජාලෙ භවන්ති තෙ.
1071. යෙසඤ්ච චෙතනා අත්ථි රූපිනො ච අරූපිනො,
සබ්බෙ තෙ තව ඤාණම්භි අන්තො හොන්ති සමොගධා.
සබ්බෙ තෙ තව ඤාණම්භි අන්තො හොන්ති සමොගධා.
1072. සමුද්ධරසි’මං ලොකං අන්ධකාරසමාකුලං,
තව ධම්මං සුණිත්වාන කඞ්ඛාසොතං තරන්ති තෙ.
තව ධම්මං සුණිත්වාන කඞ්ඛාසොතං තරන්ති තෙ.
1073. අවිජ්ජානිවුතො ලොකො අන්ධකාරෙන ඔත්ථටො,
තව ඤාණම්භි ජොතන්තෙ අන්ධකාරා පධංසිතා.
තව ඤාණම්භි ජොතන්තෙ අන්ධකාරා පධංසිතා.
1074. තුවං චක්ඛූ’සි සබ්බෙසං මහාතමපනූදනො,
තව ධම්මං සුණිත්වාන නිබ්බායති බහුජ්ජනො.”
තව ධම්මං සුණිත්වාන නිබ්බායති බහුජ්ජනො.”
1075. පිඨරං පූරයිත්වාන මධුඛුද්දං අනෙළකං,
උභොහත්ථෙහි පග්ගය්හ උපනෙසිං මහෙසිනො.
උභොහත්ථෙහි පග්ගය්හ උපනෙසිං මහෙසිනො.
1076. පටිගණ්හි මහාවීරො සහත්ථෙන මහාඉසි,
භුඤ්ජිත්වා තඤ්ච සබ්බඤ්ඤූ වෙහාසං නභමුග්ගමි.
භුඤ්ජිත්වා තඤ්ච සබ්බඤ්ඤූ වෙහාසං නභමුග්ගමි.
1077. අන්තලික්ඛෙ ඨිතො සත්ථා අත්ථදස්සී නරාසභො
මම චිත්තං පසාදෙන්තො ඉමා ගාථා අභාසථ.
මම චිත්තං පසාදෙන්තො ඉමා ගාථා අභාසථ.
1078. “යෙනි’දං ථවිතං ඤාණං බුද්ධසෙට්ඨො ච ථොමිතො,
තෙන චිත්තප්පසාදෙන දුග්ගතිං සො න ගච්ඡති.
තෙන චිත්තප්පසාදෙන දුග්ගතිං සො න ගච්ඡති.
1079. චතුද්දසක්ඛත්තුං සො දෙවජ්ජං කරිස්සති,
පථව්යා රජ්ජං අට්ඨසතං වසුධං ආවසිස්සති.
පථව්යා රජ්ජං අට්ඨසතං වසුධං ආවසිස්සති.
1080. අථ පඤ්චසතක්ඛත්තුං චක්කවත්තී භවිස්සති,
පදෙසරජ්ජමසඞ්ඛෙය්යං මහියා කාරයිස්සති.
පදෙසරජ්ජමසඞ්ඛෙය්යං මහියා කාරයිස්සති.
1081. අජ්ඣායකො මන්තධරො තිණ්ණං වෙදානපාරගූ,
ගොතමස්ස භගවතො සාසනෙ පබ්බජිස්සති.
ගොතමස්ස භගවතො සාසනෙ පබ්බජිස්සති.
1082. ගම්භීරං නිපුණං අත්ථං ඤාණෙන විචිනිස්සති,
මොඝරාජාති නාමෙන හෙස්සති සත්ථු සාවකො.
මොඝරාජාති නාමෙන හෙස්සති සත්ථු සාවකො.
1083. තීහි විජ්ජාහි සම්පන්නං කතකිච්චං අනාසවං,
ගොතමො සත්ථවාහග්ගො එතදග්ගෙ ඨපෙස්සති.”
ගොතමො සත්ථවාහග්ගො එතදග්ගෙ ඨපෙස්සති.”
1084. හිත්වා මානුසකං යොගං ඡෙත්වාන භවබන්ධනං,
සබ්බාසවෙ පරිඤ්ඤාය විහරාමි අනාසවො.
සබ්බාසවෙ පරිඤ්ඤාය විහරාමි අනාසවො.
1085. පටිසම්භිදා -පෙ- බුද්ධස්ස සාසනං.
ඉත්ථං සුදං ආයස්මා මොඝරාජා ථෙරො ඉමා ගාථායො අභාසිත්ථාති.
මොඝරාජත්ථෙරස්සාපදානං පඤ්චමං.
36. අධිමුත්තත්ථෙරාපදානං.
1086. නිබ්බුතෙ ලොකනාථම්හි අත්ථදස්සිනරුත්තමෙ,
උපට්ඨහිං භික්ඛුසංඝං විප්පසන්නෙන චෙතසා.
උපට්ඨහිං භික්ඛුසංඝං විප්පසන්නෙන චෙතසා.
1087. නිමන්තෙත්වා සඞ්ඝරතනං උජුභූතං සමාහිතං,
උච්ඡුනා මණ්ඩපං කත්වා භොජෙසිං සංඝමුත්තමං.
උච්ඡුනා මණ්ඩපං කත්වා භොජෙසිං සංඝමුත්තමං.
1088. යං යං යො’නුපපජ්ජාමි දෙවත්තං අථ මානුසං,
සබ්බෙ සතෙ අභිභොමි පුඤ්ඤකම්මස්සි’දං ඵලං
සබ්බෙ සතෙ අභිභොමි පුඤ්ඤකම්මස්සි’දං ඵලං
1089. අට්ඨාරසෙ කප්පසතෙ යං දානමදදිං තදා,
දුග්ගතිං නාභිජානාමි උච්ඡුදානස්සි’දං ඵලං.
දුග්ගතිං නාභිජානාමි උච්ඡුදානස්සි’දං ඵලං.
1090. පටිසම්භිදා -පෙ- බුද්ධස්ස සාසනං.
ඉත්ථං සුදං ආයස්මා අධිමුත්තො ථෙරො ඉමා ගාථායො අභාසිත්ථාති.
අධිමුත්තත්ථෙරස්සාපදානං ඡට්ඨං.
37. ලසුණදායකත්ථෙරාපදානං.
1091. හිමවන්තස්ස අවිදූරෙ තාපසො ආස’හං තදා,
ලසුණං උපජීවාමි ලසුණං මය්හ භොජනං.
ලසුණං උපජීවාමි ලසුණං මය්හ භොජනං.
1092. ඛාරියො පූරයිත්වාන සංඝාරාමමගච්ඡ’හං,
හට්ඨො හට්ඨෙන චිත්තෙන සංඝස්ස ලසුණං අදං.
හට්ඨො හට්ඨෙන චිත්තෙන සංඝස්ස ලසුණං අදං.