32. සාගතත්ථෙරාපදානං.
1019. සොභිතො නාම නාමෙන අහොසිං බ්රාහ්මණො තදා,
පුරක්ඛතො සසිස්සෙහි ආරාමං අගමාස’හං
පුරක්ඛතො සසිස්සෙහි ආරාමං අගමාස’හං
1020. භගවා තම්හි සමයෙ භික්ඛුසඞ්ඝපුරක්ඛතො,
ආරාමද්වාරා නික්ඛම්ම අට්ඨාසි පුරිසුත්තමො.
ආරාමද්වාරා නික්ඛම්ම අට්ඨාසි පුරිසුත්තමො.
1021. තමද්දසාසිං සම්බුද්ධං දන්තං දන්තපුරක්ඛතං,
සකං චිත්තං පසාදෙත්වා සන්ථවිං ලොකනායකං.
සකං චිත්තං පසාදෙත්වා සන්ථවිං ලොකනායකං.
1022. “යෙ කෙචි පාදපා සබ්බෙ මහියා තෙ විරූහරෙ,
බුද්ධිමන්තො තථා සත්තා රූහන්ති ජිනසාසනෙ.
බුද්ධිමන්තො තථා සත්තා රූහන්ති ජිනසාසනෙ.
1023. සත්ථවාහො’සි සප්පඤ්ඤො මහෙසී බහුකෙ ජනෙ,
විපථා උද්ධරිත්වාන පථං ආචික්ඛසෙ තුවං.
විපථා උද්ධරිත්වාන පථං ආචික්ඛසෙ තුවං.
1024. දන්තො අන්තපරිකිණ්ණො ඣායී ඣානරතෙහි ච,
ආතාපී පහිතත්තෙහි උපසන්තෙහි තාදිහි.
ආතාපී පහිතත්තෙහි උපසන්තෙහි තාදිහි.
1025. අලඞ්කතො පරිසාහි පුඤ්ඤාණෙහි සොභසි,
පභා නිද්ධාවතෙ තුය්හං සුරියොදයනෙ යථා.
පභා නිද්ධාවතෙ තුය්හං සුරියොදයනෙ යථා.
1026. පසන්නචිත්තං දිස්වාන මහෙසී පදුමුත්තරො,
භික්ඛුසංඝෙ ඨිතො සත්ථා ඉමා ගාථා අභාසථ.
භික්ඛුසංඝෙ ඨිතො සත්ථා ඉමා ගාථා අභාසථ.
1027. යො සො හාසං ජනෙත්වාන මමං කිත්තෙසි බ්රාහ්මණො,
කප්පානං සතසහස්සං දෙවලොකෙ රමිස්සති.
කප්පානං සතසහස්සං දෙවලොකෙ රමිස්සති.
1028. තුසිතා හි චවිත්වාන සුක්කමූලෙන චොදිතො,
ගොතමස්ස භගවතො සාසනෙ පබ්බජිස්සති.
ගොතමස්ස භගවතො සාසනෙ පබ්බජිස්සති.
1029. තෙන කම්මෙන සුකතෙන අරහත්තං ලභිස්සති,
සාගතො නාම නාමෙන හෙස්සති සත්ථු සාවකො.
සාගතො නාම නාමෙන හෙස්සති සත්ථු සාවකො.
1030. පබ්බජිත්වාන කායෙන පාපකම්මං විවජ්ජයිං,
වචීදුච්චරිතං හිත්වා ආජීවං පරිසොධයිං.
වචීදුච්චරිතං හිත්වා ආජීවං පරිසොධයිං.
1031. එවං විහරමානො’හං තෙජොධාතුසු කොවිදො,
සබ්බාසවෙ පරිඤ්ඤාය විහරාමි අනාසවො.
සබ්බාසවෙ පරිඤ්ඤාය විහරාමි අනාසවො.
1032. පටිසම්භිදා -පෙ- බුද්ධස්ස සාසනං.
ඉත්ථං සුදං ආයස්මා සාගතො ථෙරො ඉමා ගාථායො අභාසිත්ථාති.
සාගතත්ථෙරස්සාපදානං දුතියං.
33. මහාකච්චානත්ථෙරාපදානං.
1033. පදුමුත්තරනාථස්ස පදුමං නාම චෙතියං,
සිලාසනං කාරයිත්වා සුවණ්ණෙනා’භිලෙපයිං.
සිලාසනං කාරයිත්වා සුවණ්ණෙනා’භිලෙපයිං.
1034. රතනාමයඡත්තඤ්ච පග්ගය්හ වාළවීජනිං,
බුද්ධස්ස අභිරොපෙසිං ලොකබන්ධුස්ස තාදිනො.
බුද්ධස්ස අභිරොපෙසිං ලොකබන්ධුස්ස තාදිනො.