386. වල්ලිඵලදායකත්ථෙරාපදානං.
3308. සබ්බෙ ජනා සමාගම්ම අගමිංසු වනං තදා,
ඵලමන්වෙසමානා තෙ අලභිංසු ඵලං තදා.
ඵලමන්වෙසමානා තෙ අලභිංසු ඵලං තදා.
3309. තත්ථද්දසාසිං සම්බුද්ධං සයම්භුං අපරාජිතං,
පසන්නචිත්තො සුමනො වල්ලිඵලමදාසහං.
පසන්නචිත්තො සුමනො වල්ලිඵලමදාසහං.
3310. එකතිංසෙ ඉතො කප්පෙ යං ඵලමදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
3311. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3312. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
3313. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා වල්ලිඵලදායකො ථෙරො ඉමා ගාථායො අභාසිත්ථාති.
වල්ලිඵලදායකත්ථෙරස්ස අපදානං ඡට්ඨං.
387. කදලිඵලදායකත්ථෙරාපදානං
3314. කණිකාරංව ජලිතං පුණ්ණමාසෙව චන්දිමං,
ජලන්තං දීපරුක්ඛංව අද්දසං ලොකනායකං.
ජලන්තං දීපරුක්ඛංව අද්දසං ලොකනායකං.
3315. කදලිඵලං පග්ගය්හ අදාසිං සත්ථුනො අහං,
පසන්නචිත්තො සුමනො වන්දිවත්වාන අපක්කමිං.
පසන්නචිත්තො සුමනො වන්දිවත්වාන අපක්කමිං.
3316. එකතිංසෙ ඉතො කප්පෙ යං ඵලං අදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
3317. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3318. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
3319. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කදලිඵලදායකො ථෙරො ඉමා ගාථායො අභාසිත්ථාති.
කදලිඵලදායකත්ථෙරස්ස අපදානං සත්තමං.
388. පනසඵලදායකත්ථෙරාපදානං.
3320. අජ්ජුනො නාම සම්බුද්ධො හිමවන්තෙ වසී තදා,
චරණෙන ච සම්පන්නො සමාධිකුසලො මුනි.
චරණෙන ච සම්පන්නො සමාධිකුසලො මුනි.
3321. කුම්භමත්තං ගහෙත්වාන පනසං ජීවජීවකං,
ඡත්තපණ්ණෙ ඨපෙත්වාන අදාසිං සත්ථුනො අහං.
ඡත්තපණ්ණෙ ඨපෙත්වාන අදාසිං සත්ථුනො අහං.
3322. එකනවුතෙ ඉතො කප්පෙ යං ඵලමදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
3323. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3324. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
3325. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පනසඵලදාකො ථෙරො ඉමා ගාථායො අභාසිත්ථාති.
පනසඵලදායකත්ථෙරස්ස අපදානං අට්ඨමං.
389. සොණකොටිවීසත්ථෙරාපදානං.
3326. විපස්සිනො පාවචනෙ එකං ලෙණං මයා කතං,
චාතුද්දිසස්ස සඞ්ඝස්ස බන්ධුමාරාජධානියා.
චාතුද්දිසස්ස සඞ්ඝස්ස බන්ධුමාරාජධානියා.
3327. දුස්සෙහි භූමිං ලෙණස්ස සන්ථරිත්වා පරිච්චජිං,
උදග්ගචිත්තො සුමනො අකාසිං පණිධිං තදා.
උදග්ගචිත්තො සුමනො අකාසිං පණිධිං තදා.