382. ලබුජදායකත්ථෙරාපදානං.
3284. නගරෙ බන්ධුමතියා ආසිං ආරාමිකො තදා,
අද්දසං විරජං බුද්ධං ගච්ඡන්තං අනිලඤ්ජසෙ.
අද්දසං විරජං බුද්ධං ගච්ඡන්තං අනිලඤ්ජසෙ.
3285. ලබුජස්ස ඵලං ගය්හ බුද්ධසෙට්ඨස්සදාසහං,
ආකාසෙ ඨිතකො සන්තො පටිගණ්හි මහායසො.
ආකාසෙ ඨිතකො සන්තො පටිගණ්හි මහායසො.
3286. විත්තිසඤ්ජනනං මය්හං දිට්ඨධම්මසුඛාවහං,
ඵලං බුද්ධස්ස දත්වාන විප්පසන්නෙන චෙතසා.
ඵලං බුද්ධස්ස දත්වාන විප්පසන්නෙන චෙතසා.
3287. අධිගච්ඡිං තදා පීතිං විපුලඤ්ච සුඛුත්තමං,
උප්පජ්ජතෙව රතනං නිබ්බත්තස්ස තහිං තහිං.
උප්පජ්ජතෙව රතනං නිබ්බත්තස්ස තහිං තහිං.
3288. එකනවුතෙ ඉතො කප්පෙ යං ඵලමදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
3289. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3290. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
3291. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ලබුජදායකො ථෙරො ඉමා ගාථායො අභාසිත්ථාති.
ලබුජදායකථෙරස්ස අපදානං දුතියං.
383. උදුම්බරඵලදායකත්ථෙරාපදානං
3292. වින්තානදියා තීරෙ විහාසි පුරිසුත්තමො,
අද්දසං විරජං බුද්ධං එකග්ගං සුසමාහිතං.
අද්දසං විරජං බුද්ධං එකග්ගං සුසමාහිතං.
3293. තස්මිං පසන්නමනසො කිලෙසමලධොවනෙ,
උදුම්බරඵලං ගය්හ බුද්ධසෙට්ඨස්සදාසහං.
උදුම්බරඵලං ගය්හ බුද්ධසෙට්ඨස්සදාසහං.
3294. එකනවුතෙ ඉතො කප්පෙ යං ඵලමදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
3295. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3296. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
3297. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උදුම්බරඵලදායකො ථෙරො ඉමා ගාථායො අභාසිත්ථාති.
උදුම්බරඵලදායකත්ථෙරස්ස අපදානං තතියං.
384. පිලක්ඛඵලදායකත්ථෙරාපදානං
3298. වනන්තෙ බුද්ධං දිස්වාන අත්ථදස්සිං මහායසං,
පසන්නචිත්තො සුමනො පිලක්ඛස්ස ඵලං අදං.
පසන්නචිත්තො සුමනො පිලක්ඛස්ස ඵලං අදං.
3299. අට්ඨාරසෙ කප්පසතෙ යං ඵලං අදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
3300. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3301. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
3302. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පිලක්ඛඵලදායකො ථෙරො ඉමා ගාථායො අභාසිත්ථාති.
පිලක්ඛඵලදායකත්ථෙරස්ස අපදානං චතුත්ථං.
385. ඵාරුසඵලදායකත්ථෙරාපදානං
3303. සුවණ්ණවණ්ණං සම්බුද්ධං ආහුතීනං පටිග්ගහං,
රථියං පටිපජ්ජන්තං ඵාරුසඵලමදාසහං.
රථියං පටිපජ්ජන්තං ඵාරුසඵලමදාසහං.
3304. එකනවුතෙ ඉතො කප්පෙ යං ඵලමදදිං අහං,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
3305. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.