373. තිඋප්පලමාලියත්ථෙරාපදානං.
3232. චන්දභාගානදීතීරෙ අහොසිං වානරො තදා,
අද්දසං විරජං බුද්ධං නිසින්නං පබ්බතන්තරෙ.
අද්දසං විරජං බුද්ධං නිසින්නං පබ්බතන්තරෙ.
3233. ඔභාසෙන්තං දිසා සබ්බා සාලරාජංව ඵුල්ලිතං,
ලක්ඛණබ්යඤ්ජනූපෙතං දිස්වා අත්තමනො අහං.
ලක්ඛණබ්යඤ්ජනූපෙතං දිස්වා අත්තමනො අහං.
3234. උදග්ගචිත්තො සුමනො පීතියා හට්ඨමානසො,
තීණි උප්පලපුප්ඵානි මත්ථකෙ අභිරොපයිං.
තීණි උප්පලපුප්ඵානි මත්ථකෙ අභිරොපයිං.
3235. පූජයිත්වාන පුප්ඵානි ඵුස්සස්සාහං මහෙසිනො,
සගාරවො භවිත්වාන පක්කාමිං උත්තරාමුඛො.
සගාරවො භවිත්වාන පක්කාමිං උත්තරාමුඛො.
3236. ගච්ඡන්තො පටිකුටිකො විප්පසන්නෙන චෙතසා,
සෙලන්තරෙ පතිත්වාන පාපුණිං ජීවිතක්ඛයං.
සෙලන්තරෙ පතිත්වාන පාපුණිං ජීවිතක්ඛයං.
3237. තෙන කම්මෙන සුකතෙන චෙතනාපණිධීහි ච,
ජහිත්වා පුරිමං ජාතිං තාවතිංසමගච්ඡහං.
ජහිත්වා පුරිමං ජාතිං තාවතිංසමගච්ඡහං.
3238. සතානං තීණික්ඛත්තුඤ්ච දෙවරජ්ජමකාරයිං,
සතානං පඤ්චක්ඛත්තුඤ්ච චක්කවත්තී අහොස’හං.
සතානං පඤ්චක්ඛත්තුඤ්ච චක්කවත්තී අහොස’හං.
3239. ද්වෙනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3240. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිඋප්පලමාලියො ථෙරො ඉමා ගාථායො අභාසිත්ථාති.
තිඋප්පලමාලියත්ථෙරස්ස අපදානං තතියං.
374. පටටිපුප්ඵියත්ථෙරාපදානං.
3241. යදා නිබ්බාසි සම්බුද්ධො මහෙසී පදුමුත්තරො,
සමාගම්ම ජනා සබ්බෙ සරීරං නීහරන්ති තෙ.
සමාගම්ම ජනා සබ්බෙ සරීරං නීහරන්ති තෙ.
3242. නීහරන්තෙ සරීරම්හි වජ්ජමානාසු භෙරිසු,
පසන්නචිත්තො සුමනො පට්ටිපුප්ඵං අපූජයිං.
පසන්නචිත්තො සුමනො පට්ටිපුප්ඵං අපූජයිං.
3243. සතසහස්සෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි සරීරපූජිතෙ ඵලං.
දුග්ගතිං නාභිජානාමි සරීරපූජිතෙ ඵලං.
3244. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3245. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
3246. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පට්ටිපුප්ඵියො ථෙරො ඉමා ගාථායො අභාසිත්ථාති.
පට්ටිපුප්ඵියත්ථෙරස්ස අපදානං චතුත්ථං.
375. සත්තපණ්ණියත්ථෙරාපදානං.
3247. සුමනො නාම සම්බුද්ධො උප්පජ්ජි ලොකනායකො,
පසන්නචිත්තො සුමනො සත්තපණ්ණිමපූජයිං.
පසන්නචිත්තො සුමනො සත්තපණ්ණිමපූජයිං.
3248. සතසහස්සෙ ඉතො කප්පෙ සත්තපණ්ණිමපූජයිං,
දුග්ගතිං නාභිජානාමි සත්තපණ්ණිස්සිදං ඵලං.
දුග්ගතිං නාභිජානාමි සත්තපණ්ණිස්සිදං ඵලං.
3249. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3250. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
3251. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සත්තපණ්ණියො ථෙරො ඉමා ගාථායො අභාසිත්ථාති.
සත්තපණ්ණියත්ථෙරස්ස අපදානං පඤ්චමං.
376. ගන්ධමුට්ඨියත්ථෙරාපදානං.
3252. චිතකෙ කරීයමානෙ නානාගන්ධෙ සමාහටෙ,
පසන්නචිත්තො සුමනො ගන්ධමුට්ඨිමපූජයිං.
පසන්නචිත්තො සුමනො ගන්ධමුට්ඨිමපූජයිං.
3253. සතසහස්සෙ ඉතො කප්පෙ චිතකං යං අපූජයිං,
දුග්ගතිං නාභිජානාමි චිතපූජායිදං ඵලං.
දුග්ගතිං නාභිජානාමි චිතපූජායිදං ඵලං.