380. කාසුමාරිඵලදායකත්ථෙරාපදානං.
3272. කණිකාරංව ජොතන්තං නිසින්නං පබ්බතන්තරෙ,
අද්දසං විරජං බුද්ධං ලොකජෙට්ඨං නරාසභං.
අද්දසං විරජං බුද්ධං ලොකජෙට්ඨං නරාසභං.
3273. පසන්නචිත්තො සුමනො සිරෙ කත්වාන අඤ්ජලිං,
කාසුමාරිඵලං ගය්හ බුද්ධසෙට්ඨස්සදාසහං.
කාසුමාරිඵලං ගය්හ බුද්ධසෙට්ඨස්සදාසහං.
3274. එකතිංසෙ ඉතො කප්පෙ යං ඵලමදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
3275. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3276. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
3277. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කාසුමාරිඵලදායකො ථෙරො ඉමා ගාථායො අභාසිත්ථාති.
කාසුමාරිඵලදායකත්ථෙරස්ස අපදානං දසමං.
උද්දානං:
බොධි පාටලි උප්පලී පට්ටි ච සත්තපණ්ණියො
ගන්ධමුට්ඨී ච චිතකො තාලං සුමනදාමකො
කාසුමාරිඵලී චෙව ගාථා එකූනසට්ඨිකා.
ගන්ධමුට්ඨී ච චිතකො තාලං සුමනදාමකො
කාසුමාරිඵලී චෙව ගාථා එකූනසට්ඨිකා.
බොධිවන්දකවග්ගො අට්ඨතිංසතිමො.
39. අවණ්ටඵලවග්ගො
381. අවණ්ටඵලදායකත්ථෙරාපදානං.
3278. සතරංසී නාම භගවා සයම්භු අපරාජිතො,
විවෙකකාමො සම්බුද්ධො ගොචරායා’භිනික්ඛමි.
විවෙකකාමො සම්බුද්ධො ගොචරායා’භිනික්ඛමි.
3279. ඵලහත්ථො අහං දිස්වා උපගච්ඡිං නරාසභං,
පසන්නචිත්තො සුමනො අවණ්ටං අදදිං ඵලං.
පසන්නචිත්තො සුමනො අවණ්ටං අදදිං ඵලං.
3280. චතුනවුතෙ ඉතො කප්පෙ යං ඵලමදදිං අහං,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
3281. ස්වාගතං වත මෙ ආසි බුද්ධසෙට්ඨස්ස සන්තිකෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
3282. කිලෙසා ඣාපිතා මය්හං භවා සබ්බෙ සමූහතා,
නාගොව බන්ධනං ඡෙත්වා විහරාමි අනාසවො.
නාගොව බන්ධනං ඡෙත්වා විහරාමි අනාසවො.
3283. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අවණ්ටඵලදායකො ථෙරො ඉමා ගාථායො අභාසිත්ථාති.
අවණ්ටඵලදායකත්ථෙරස්ස අපදානං පඨමං.