37. මන්දාරවපුප්ඵියවග්ගො
361. මන්දාරවපුප්ඵියත්ථෙරාපදානං.
3180. තාවතිංසා ඉධාගන්ත්වා මඞ්ගලො නාම මාණවො,
මන්දාරවං ගහෙත්වාන විපස්සිස්ස මහෙසිනො.
මන්දාරවං ගහෙත්වාන විපස්සිස්ස මහෙසිනො.
3181. සමාධිනා නිසින්නස්ස මත්ථකෙ ධාරයිං අහං,
සත්තාහං ධාරයිත්වාන දෙවලොකං පුනාගමිං.
සත්තාහං ධාරයිත්වාන දෙවලොකං පුනාගමිං.
3182. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3183. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මන්දාරවපුප්ඵියො ථෙරො ඉමා ගාථායො අභාසිත්ථාති.
මන්දාරවපුප්ඵියත්ථෙරස්ස අපදානං පඨමං.
362. කක්කාරුපුප්ඵියත්ථෙරාපදානං.
3184. යාමා දෙවා ඉධාගන්ත්වා ගොතමං සිරිවච්ඡසං,
කක්කාරුපුප්ඵං පග්ගය්හ බුද්ධස්ස අභිරොපයිං.
කක්කාරුපුප්ඵං පග්ගය්හ බුද්ධස්ස අභිරොපයිං.
3185. ද්වෙනවුතෙ ඉතො කප්පෙ යං බුද්ධමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3186. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කක්කාරුපුප්ඵියො ථෙරො ඉමා ගාථායො අභාසිත්ථාති.
කක්කාරුපුප්ඵියත්ථෙරස්ස අපදානං දුතියං.
363. භිසමුළාලදායකත්ථෙරාපදානං
3187. ඵුස්සො නාමාසි සම්බුද්ධො සබ්බධම්මානපාරගූ,
විවෙකකාමො සප්පඤ්ඤො ආගච්ඡි මම සන්තිකෙ.
විවෙකකාමො සප්පඤ්ඤො ආගච්ඡි මම සන්තිකෙ.
3188. තස්මිං චිත්තං පසාදෙත්වා මහාකාරුණිකෙ ජිනෙ,
භිසං මුළාලං පග්ගය්හ බුද්ධසෙට්ඨස්සදාසහං.
භිසං මුළාලං පග්ගය්හ බුද්ධසෙට්ඨස්සදාසහං.
3189. ද්වෙනවුතෙ ඉතො කප්පෙ යං භිසමදදිං තදා,
දුග්ගතිං නාභිජානාමි භිසදානස්සිදං ඵලං.
දුග්ගතිං නාභිජානාමි භිසදානස්සිදං ඵලං.
3190. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා භිසමුළාලදායකො ථෙරො ඉමා ගාථායො අභාසිත්ථාති.
භිසමුළාලදායකත්ථෙරස්ස අපදානං තතියං.
364. කෙසරපුප්ඵියත්ථෙරාපදානං
3191. විජ්ජාධරො තදා අසිං හිමවන්තම්භි පබ්බතෙ,
අද්දසං විරජං බුද්ධං චඞ්කමන්තං මහායසං.
අද්දසං විරජං බුද්ධං චඞ්කමන්තං මහායසං.
3192. තීණි කෙසරිපුප්ඵානි සීසෙ කත්වානහං තදා,
උපසඞ්කම්ම සම්බුද්ධං වෙස්සභුං අභිපූජයිං.
උපසඞ්කම්ම සම්බුද්ධං වෙස්සභුං අභිපූජයිං.
3193. එකතිංසෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3194. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කෙසරපුප්ඵියො ථෙරො ඉමා ගාථායො අභාසිත්ථාති.
කෙසරපුප්ඵියත්ථෙරස්ස අපදානං චතුත්ථං.
365. අඞ්කොලපුප්ඵියත්ථෙරාපදානං
3195. පදුමො නාම සම්බුද්ධො චිත්තකූටෙ වසී තදා,
දිස්වාන තමහං බුද්ධං සයම්භුං අපරාජිතං.
දිස්වාන තමහං බුද්ධං සයම්භුං අපරාජිතං.
3196. අඞ්කොලං පුප්ඵිතං දිස්වා ඔචිනිත්වානහං තදා,
උපගන්ත්වාන සම්බුද්ධං පූජෙසිං පදුමං ජිනං.
උපගන්ත්වාන සම්බුද්ධං පූජෙසිං පදුමං ජිනං.
3197. එකතිංසෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3198. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අඞ්කොලපුප්ඵියො ථෙරො ඉමා ගාථායො අභාසිත්ථාති.
අඞ්කොලපුප්ඵියත්ථෙරස්ස අපදානං පඤ්චමං.