358. මඤ්චදායකත්ථෙරාපදානං
3169. විපස්සිනො භගවතො ලොකජෙට්ඨස්ස තාදිනො,
එකං මඤ්චං මයා දින්නං පසන්නෙන සපාණිනා.
එකං මඤ්චං මයා දින්නං පසන්නෙන සපාණිනා.
3170. හත්ථියානං අස්සයානං දිබ්බයානං සමජ්ඣගං,
තෙන මඤ්චකදානෙන පත්තොම්හි ආසවක්ඛයං.
තෙන මඤ්චකදානෙන පත්තොම්හි ආසවක්ඛයං.
3171. එකනවුතෙ ඉතො කප්පෙ යං මඤ්චමදදිං තදා,
දුග්ගතිං නාභිජානාමි මඤ්චදානස්සිදං ඵලං.
දුග්ගතිං නාභිජානාමි මඤ්චදානස්සිදං ඵලං.
3172. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මඤ්චදායකො ථෙරො ඉමා ගාථායො අභාසිත්ථාති.
මඤ්චදායකත්ථෙරස්ස අපදානං අට්ඨමං.
359. සරණගමනියත්ථෙරාපදානං.
3173. ආරුභිම්හ තදා නාමං භික්ඛු චාජීවකො චහං,
නාවාය භිජ්ජමානාය භික්ඛු මෙ සරණං අදා.
නාවාය භිජ්ජමානාය භික්ඛු මෙ සරණං අදා.
3174. එකතිංසෙ ඉතො කප්පෙ යං ච මෙ සරණං අදා,
දුග්ගතිං නාභිජානාමි සරණගමනෙ ඵලං.
දුග්ගතිං නාභිජානාමි සරණගමනෙ ඵලං.
3175. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සරණගමනියො ථෙරො ඉමා ගාථායො අභාසිත්ථාති.
සරණගමනියත්ථෙරස්ස අපදානං නවමං.
360. පිණ්ඩපාතිකත්ථෙරාපදානං.
3176. තිස්සො නාමාසි සම්බුද්ධො විහාසි විපිනෙ තදා,
තුසිතා හි ඉධාගන්ත්වා පිණ්ඩපාතමදාසහං.
තුසිතා හි ඉධාගන්ත්වා පිණ්ඩපාතමදාසහං.
3177. සම්බුද්ධමභිවාදෙත්වා තිස්සං නාම මහායසං,
සකං චිත්තං පසාදෙත්වා තුසිතං අගමාසහං.
සකං චිත්තං පසාදෙත්වා තුසිතං අගමාසහං.
3178. ද්වෙනවුතෙ ඉතො කප්පෙ යං දානමදදිං තදා,
දුග්ගතිං නාභිජානාමි පිණ්ඩපාතස්සිදං ඵලං.
දුග්ගතිං නාභිජානාමි පිණ්ඩපාතස්සිදං ඵලං.
3179. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පිණ්ඩපාතිකො ථෙරො ඉමා ගාථායො අභාසිත්ථාති.
පිණ්ඩපාතිකත්ථෙරස්ස අපදානං දසමං.
උද්දානං:
සද්දසඤ්ඤී යවසිකො කිංසු කොරණ්ඩපුප්ඵියො
ආලම්බනො අම්බයාගු සුපටී මඤ්චදායකො
සරණ පිණ්ඩපාතො ද ගාථා තාළීසමෙව ච.
ආලම්බනො අම්බයාගු සුපටී මඤ්චදායකො
සරණ පිණ්ඩපාතො ද ගාථා තාළීසමෙව ච.
සද්දසඤ්ඤකවග්ගො ඡත්තිංසතිමො.
37. මන්දාරවපුප්ඵියවග්ගො
361. මන්දාරවපුප්ඵියත්ථෙරාපදානං.
3180. තාවතිංසා ඉධාගන්ත්වා මඞ්ගලො නාම මාණවො,
මන්දාරවං ගහෙත්වාන විපස්සිස්ස මහෙසිනො.
මන්දාරවං ගහෙත්වාන විපස්සිස්ස මහෙසිනො.
3181. සමාධිනා නිසින්නස්ස මත්ථකෙ ධාරයිං අහං,
සත්තාහං ධාරයිත්වාන දෙවලොකං පුනාගමිං.
සත්තාහං ධාරයිත්වාන දෙවලොකං පුනාගමිං.
3182. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3183. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මන්දාරවපුප්ඵියො ථෙරො ඉමා ගාථායො අභාසිත්ථාති.
මන්දාරවපුප්ඵියත්ථෙරස්ස අපදානං පඨමං.
362. කක්කාරුපුප්ඵියත්ථෙරාපදානං.
3184. යාමා දෙවා ඉධාගන්ත්වා ගොතමං සිරිවච්ඡසං,
කක්කාරුපුප්ඵං පග්ගය්හ බුද්ධස්ස අභිරොපයිං.
කක්කාරුපුප්ඵං පග්ගය්හ බුද්ධස්ස අභිරොපයිං.
3185. ද්වෙනවුතෙ ඉතො කප්පෙ යං බුද්ධමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
3186. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කක්කාරුපුප්ඵියො ථෙරො ඉමා ගාථායො අභාසිත්ථාති.
කක්කාරුපුප්ඵියත්ථෙරස්ස අපදානං දුතියං.
363. භිසමුළාලදායකත්ථෙරාපදානං
3187. ඵුස්සො නාමාසි සම්බුද්ධො සබ්බධම්මානපාරගූ,
විවෙකකාමො සප්පඤ්ඤො ආගච්ඡි මම සන්තිකෙ.
විවෙකකාමො සප්පඤ්ඤො ආගච්ඡි මම සන්තිකෙ.
3188. තස්මිං චිත්තං පසාදෙත්වා මහාකාරුණිකෙ ජිනෙ,
භිසං මුළාලං පග්ගය්හ බුද්ධසෙට්ඨස්සදාසහං.
භිසං මුළාලං පග්ගය්හ බුද්ධසෙට්ඨස්සදාසහං.