334. එකදුස්සදායකත්ථෙරාපදානං.
2949. නගරෙ හංසවතියා අහොසිං තිණහාරකො,
තිණහාරෙන ජීවාමි තෙන පොසෙමි දාරකෙ.
තිණහාරෙන ජීවාමි තෙන පොසෙමි දාරකෙ.
2950. පදුමුත්තරො නාම ජිනො සබ්බධම්මානපාරගූ,
තමන්ධකාරං නාසෙත්වා උප්පජ්ජි ලොකනායකො.
තමන්ධකාරං නාසෙත්වා උප්පජ්ජි ලොකනායකො.
2951. සකෙ ඝරෙ නිසීදිත්වා එවං චින්තෙසහං තදා,
බුද්ධො ලොකෙ සමුප්පන්නො දෙය්යධම්මො ච නත්ථි මෙ.
බුද්ධො ලොකෙ සමුප්පන්නො දෙය්යධම්මො ච නත්ථි මෙ.
2952. ඉදං මෙ සාටකං එකං නත්ථි මෙ කොචි දායකො,
දුක්ඛො නිරයසම්ඵස්සො රොපයිස්සාමි දක්ඛිණං.
දුක්ඛො නිරයසම්ඵස්සො රොපයිස්සාමි දක්ඛිණං.
2953. එවා’හං චින්තයිත්වාන සකං චිත්තං පසාදයිං,
එකං දුස්සං ගහෙත්වාන බුද්ධසෙට්ඨස්සදාසහං.
එකං දුස්සං ගහෙත්වාන බුද්ධසෙට්ඨස්සදාසහං.
2954. එකං දුස්සං දදිත්වාන උක්කුට්ඨිං සම්පවත්තයිං,
යදි බුද්ධො තුවං වීර තාරෙහි මං මහාමුනි.
යදි බුද්ධො තුවං වීර තාරෙහි මං මහාමුනි.
2955. පදුමුත්තරො ලොකවිදූ ආහුතීනං පටිග්ගහො,
මම දානං පකිත්තෙන්තො අකා මෙ අනුමොදනං:
මම දානං පකිත්තෙන්තො අකා මෙ අනුමොදනං:
2956. “ඉමිනා එකදුස්සෙන චෙතනාපණිධීහි ච,
කප්පසතහස්සානි විනිපාතං න ගච්ඡති.
කප්පසතහස්සානි විනිපාතං න ගච්ඡති.
2957. ඡත්තිංසක්ඛත්තුං දෙවින්දො දෙවරජ්ජං කරිස්සති,
තෙත්තිංසක්ඛත්තුං රාජා ච චක්කවත්තී භවිස්සති.
තෙත්තිංසක්ඛත්තුං රාජා ච චක්කවත්තී භවිස්සති.
2958. පදෙසරජ්ජං විපුලං ගණනාතො අසංඛියං,
දෙවලොකෙ මනුස්සෙ වා සංසරන්තො තුවං භවෙ.
දෙවලොකෙ මනුස්සෙ වා සංසරන්තො තුවං භවෙ.
2959. රූපවා ගුණසම්පන්නො අනවක්කන්තදෙහවා,
අක්ඛොභං අමිතං දුස්සං ලභිස්සසි යදිච්ඡකං.”
අක්ඛොභං අමිතං දුස්සං ලභිස්සසි යදිච්ඡකං.”
2960. ඉදං වත්වාන සම්බුද්ධො ජලජුත්තමනාමකො,
නභං අබ්භුග්ගමී ධීරො හංසරාජාව අම්බරෙ.
නභං අබ්භුග්ගමී ධීරො හංසරාජාව අම්බරෙ.
2961. යං යං යොනුපපජ්ජාමි දෙවත්තං අථ මානුසං,
භොගෙ මෙ ඌනතා නත්ථි එකදුස්සස්සිදං ඵලං.
භොගෙ මෙ ඌනතා නත්ථි එකදුස්සස්සිදං ඵලං.
2962. පදුද්ධාරෙ පදුද්ධාරෙ දුස්සං නිබ්බත්තතෙ මම,
හෙට්ඨාදුස්සම්භි තිට්ඨාමි උපරිච්ඡදනං මම.
හෙට්ඨාදුස්සම්භි තිට්ඨාමි උපරිච්ඡදනං මම.
2963. චක්කවාළමුපාදාය සකානනං සපබ්බතං,
ඉච්ඡමානො ච’ හං අජ්ජ දුස්සෙහි ඡාදයෙය්ය’හං.
ඉච්ඡමානො ච’ හං අජ්ජ දුස්සෙහි ඡාදයෙය්ය’හං.
2964. තෙනෙව එකදුස්සෙන සංසරන්තො භවාභවෙ,
සුවණ්ණවණ්ණො හුත්වාන සංසරාමි භවාභවෙ.
සුවණ්ණවණ්ණො හුත්වාන සංසරාමි භවාභවෙ.
2965. විපාකං එකදුස්සස්ස නාජ්ඣගං කත්ථවික්ඛයං,
අයං මෙ අන්තිමා ජාති විපච්චති ඉධාපි මෙ.
අයං මෙ අන්තිමා ජාති විපච්චති ඉධාපි මෙ.
2966. සතසහස්සෙ ඉතො කප්පෙ යං දුස්සමදදිං තදා,
දුග්ගතිං නාභිජානාමි එකදුස්සස්සිදං ඵලං.
දුග්ගතිං නාභිජානාමි එකදුස්සස්සිදං ඵලං.
2967. කිලෙසා ඣාපිතා මය්හං භවා සබ්බෙ සමූහතා,
නාගො’ව බන්ධනං ඡෙත්වා විහරාමි අනාසවො.
නාගො’ව බන්ධනං ඡෙත්වා විහරාමි අනාසවො.
2968. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකදුස්සදායකො ථෙරො ඉමා ගාථායො අභාසිත්ථාති.
එකදුස්සදායකත්ථෙරස්ස අපදානං චතුත්ථං.
335. ඵුසිතකම්පියත්ථෙරාපදානං
2969. විපස්සී නාම සම්බුද්ධො ලොකජෙට්ඨො නරාසභො,
ඛීණාසවෙහි සහිතො සඞ්ඝාරාමෙ වසී තදා.
ඛීණාසවෙහි සහිතො සඞ්ඝාරාමෙ වසී තදා.
2970. ආරාමද්වාරා නික්ඛම්ම විපස්සී ලොකනායකො,
සහ සතසහස්සෙහි අට්ඨඛීණාසවෙහි තු.
සහ සතසහස්සෙහි අට්ඨඛීණාසවෙහි තු.
2971. අජිනෙන නිවත්ථො’හං වාකචීරධරො’පි ච,
කුසුම්භොදකමාදාය සම්බුද්ධං උපසඞ්කමිං.
කුසුම්භොදකමාදාය සම්බුද්ධං උපසඞ්කමිං.
2972. සකං චිත්තං පසාදෙත්වා වෙදජාතො කතඤ්ජලී,
කුසුම්භොදකමාදාය බුද්ධමබ්භුක්කිරිං අහං.
කුසුම්භොදකමාදාය බුද්ධමබ්භුක්කිරිං අහං.
2973. තෙන කම්මෙන සම්බුද්ධො ජලජුත්තමනාමකො,
මම කම්මං පකිත්තෙත්වා අගමා යෙන පත්ථිතං.
මම කම්මං පකිත්තෙත්වා අගමා යෙන පත්ථිතං.
2974. ඵුසිතා පඤ්චසහස්සා යෙහි පූජෙසහං තදා,
අඩ්ඪතෙය්යසහස්සෙ හි දෙවරජ්ජං අකාරයිං.
අඩ්ඪතෙය්යසහස්සෙ හි දෙවරජ්ජං අකාරයිං.
2975. අඩ්ඪතෙය්යසහස්සෙ හි චක්කවත්තී අහොසහං,
අවසෙසෙන කම්මෙන අරහත්තමපාපුණිං.
අවසෙසෙන කම්මෙන අරහත්තමපාපුණිං.
2976. දෙවරාජා යදා හොමි මනුජාධිපතී යදා,
තමෙව නාමධෙයං මෙ ඵුසිතො නාම හොම’හං.
තමෙව නාමධෙයං මෙ ඵුසිතො නාම හොම’හං.