332. උදකපූජකත්ථෙරාපදානං.
2937. සුවණ්ණවණ්ණං සම්බුද්ධං ගච්ඡන්තං අනිලඤ්ජසෙ,
ඝතාසනංව ජලිතං ආදිත්තංව හුතාසනං.
ඝතාසනංව ජලිතං ආදිත්තංව හුතාසනං.
2938. පාණිනා උදකං ගය්හ ආකාසෙ උක්ඛිපිං අහං,
සම්පටිච්ඡි මහාවීරො බුද්ධො කාරුණිකො ඉසි.
සම්පටිච්ඡි මහාවීරො බුද්ධො කාරුණිකො ඉසි.
2939. අන්තලික්ඛෙ ඨිතො සත්ථා පදුමුත්තරනාමකො,
මම සඞ්කප්පමඤ්ඤාය ඉමං ගාථමභාසථ:
මම සඞ්කප්පමඤ්ඤාය ඉමං ගාථමභාසථ:
2940. “ඉමිනා දකදානෙන පීතිඋප්පාදනෙන ච,
කප්පසතසහස්සම්පි දුග්ගතිං නූපපජ්ජසි.”
කප්පසතසහස්සම්පි දුග්ගතිං නූපපජ්ජසි.”
2941. තෙන කම්මෙන දිපදින්ද ලොකජෙට්ඨ නරාසභ,
පත්තොම්හි අචලං ඨානං හිත්වා ජයපරාජයං.
පත්තොම්හි අචලං ඨානං හිත්වා ජයපරාජයං.
2942. සහස්සරාජනාමෙන තයො ච චක්කවත්තිනො,
පඤ්චසට්ඨිකප්පසතෙ චාතුරන්තා ජනාධිපා.
පඤ්චසට්ඨිකප්පසතෙ චාතුරන්තා ජනාධිපා.
2943. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උදකපූජකො ථෙරො ඉමා ගාථායො අභාසිත්ථාති.
උදකපූජකත්ථෙරස්ස අපදානං දුතියං.
333. පුන්නාගපුප්ඵියත්ථෙරාපදානං
2944. කානනං වනමොගය්හ වසාමි ලුද්දකො අහං,
පුන්නාගං පුප්ඵිතං දිස්වා බුද්ධසෙට්ඨං අනුස්සරිං.
පුන්නාගං පුප්ඵිතං දිස්වා බුද්ධසෙට්ඨං අනුස්සරිං.
2945. තං පුප්ඵං ඔචිනිත්වාන සුගන්ධං ගන්ධිතං සුභං,
ථූපං කරිත්වා පුලිනෙ බුද්ධස්ස අභිරොපයිං.
ථූපං කරිත්වා පුලිනෙ බුද්ධස්ස අභිරොපයිං.
2946. ද්වෙනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2947. එකම්හි නවුතෙ කප්පෙ එකො ආසිං තමොනුදො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2948. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පුන්නාගපුප්ඵියො ථෙරො ඉමා ගාථායො අභාසිත්ථාති.
පුන්නාගපුප්ඵියත්ථෙරස්ස අපදානං තතියං.
334. එකදුස්සදායකත්ථෙරාපදානං.
2949. නගරෙ හංසවතියා අහොසිං තිණහාරකො,
තිණහාරෙන ජීවාමි තෙන පොසෙමි දාරකෙ.
තිණහාරෙන ජීවාමි තෙන පොසෙමි දාරකෙ.
2950. පදුමුත්තරො නාම ජිනො සබ්බධම්මානපාරගූ,
තමන්ධකාරං නාසෙත්වා උප්පජ්ජි ලොකනායකො.
තමන්ධකාරං නාසෙත්වා උප්පජ්ජි ලොකනායකො.
2951. සකෙ ඝරෙ නිසීදිත්වා එවං චින්තෙසහං තදා,
බුද්ධො ලොකෙ සමුප්පන්නො දෙය්යධම්මො ච නත්ථි මෙ.
බුද්ධො ලොකෙ සමුප්පන්නො දෙය්යධම්මො ච නත්ථි මෙ.
2952. ඉදං මෙ සාටකං එකං නත්ථි මෙ කොචි දායකො,
දුක්ඛො නිරයසම්ඵස්සො රොපයිස්සාමි දක්ඛිණං.
දුක්ඛො නිරයසම්ඵස්සො රොපයිස්සාමි දක්ඛිණං.
2953. එවා’හං චින්තයිත්වාන සකං චිත්තං පසාදයිං,
එකං දුස්සං ගහෙත්වාන බුද්ධසෙට්ඨස්සදාසහං.
එකං දුස්සං ගහෙත්වාන බුද්ධසෙට්ඨස්සදාසහං.
2954. එකං දුස්සං දදිත්වාන උක්කුට්ඨිං සම්පවත්තයිං,
යදි බුද්ධො තුවං වීර තාරෙහි මං මහාමුනි.
යදි බුද්ධො තුවං වීර තාරෙහි මං මහාමුනි.
2955. පදුමුත්තරො ලොකවිදූ ආහුතීනං පටිග්ගහො,
මම දානං පකිත්තෙන්තො අකා මෙ අනුමොදනං:
මම දානං පකිත්තෙන්තො අකා මෙ අනුමොදනං:
2956. “ඉමිනා එකදුස්සෙන චෙතනාපණිධීහි ච,
කප්පසතහස්සානි විනිපාතං න ගච්ඡති.
කප්පසතහස්සානි විනිපාතං න ගච්ඡති.
2957. ඡත්තිංසක්ඛත්තුං දෙවින්දො දෙවරජ්ජං කරිස්සති,
තෙත්තිංසක්ඛත්තුං රාජා ච චක්කවත්තී භවිස්සති.
තෙත්තිංසක්ඛත්තුං රාජා ච චක්කවත්තී භවිස්සති.
2958. පදෙසරජ්ජං විපුලං ගණනාතො අසංඛියං,
දෙවලොකෙ මනුස්සෙ වා සංසරන්තො තුවං භවෙ.
දෙවලොකෙ මනුස්සෙ වා සංසරන්තො තුවං භවෙ.
2959. රූපවා ගුණසම්පන්නො අනවක්කන්තදෙහවා,
අක්ඛොභං අමිතං දුස්සං ලභිස්සසි යදිච්ඡකං.”
අක්ඛොභං අමිතං දුස්සං ලභිස්සසි යදිච්ඡකං.”
2960. ඉදං වත්වාන සම්බුද්ධො ජලජුත්තමනාමකො,
නභං අබ්භුග්ගමී ධීරො හංසරාජාව අම්බරෙ.
නභං අබ්භුග්ගමී ධීරො හංසරාජාව අම්බරෙ.
2961. යං යං යොනුපපජ්ජාමි දෙවත්තං අථ මානුසං,
භොගෙ මෙ ඌනතා නත්ථි එකදුස්සස්සිදං ඵලං.
භොගෙ මෙ ඌනතා නත්ථි එකදුස්සස්සිදං ඵලං.
2962. පදුද්ධාරෙ පදුද්ධාරෙ දුස්සං නිබ්බත්තතෙ මම,
හෙට්ඨාදුස්සම්භි තිට්ඨාමි උපරිච්ඡදනං මම.
හෙට්ඨාදුස්සම්භි තිට්ඨාමි උපරිච්ඡදනං මම.
2963. චක්කවාළමුපාදාය සකානනං සපබ්බතං,
ඉච්ඡමානො ච’ හං අජ්ජ දුස්සෙහි ඡාදයෙය්ය’හං.
ඉච්ඡමානො ච’ හං අජ්ජ දුස්සෙහි ඡාදයෙය්ය’හං.