322. පුලිනපුජකත්ථෙරාපදානං.
2831. කකුධං විපසන්තංව නිසභාජානියං යථා,
ඔසධිංව විරොචන්තං ඔභාසන්තං නාරාසභං.
ඔසධිංව විරොචන්තං ඔභාසන්තං නාරාසභං.
2832. අඤ්ජලිං පග්ගහෙත්වාන අවන්දිං සත්ථුනො අහං,
සත්ථාරං පරිවණ්ණෙසිං සකකම්මෙන තොසිතො.
සත්ථාරං පරිවණ්ණෙසිං සකකම්මෙන තොසිතො.
2833. සුසුද්ධං පුලිනං ගය්හ ගතමග්ගෙ සමොකිරිං,
උච්ඡඞ්ගෙන ගහෙත්වාන විපස්සිස්ස මහෙසිනො.
උච්ඡඞ්ගෙන ගහෙත්වාන විපස්සිස්ස මහෙසිනො.
2834. තතො උපඩ්ඪපුලිනං විප්පසන්නෙන චෙතසා,
දිවාවිහාරෙ ඔසිඤ්චිං දිපදින්දස්ස තාදිනො.
දිවාවිහාරෙ ඔසිඤ්චිං දිපදින්දස්ස තාදිනො.
2835. එකනවුතෙ ඉතො කප්පෙ පුලිනං යමසිඤ්චහං,
දුග්ගතිං නාභිජානාමි පුලිනස්ස ඉදං ඵලං.
දුග්ගතිං නාභිජානාමි පුලිනස්ස ඉදං ඵලං.
2836. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පුලිනපූජකො ථෙරො ඉමා ගාථායො අභාසිත්ථාති.
පුලිනපූජකත්ථෙරස්ස අපදානං දුතියං.
323. හාසජනකත්ථෙරාපදානං.
2837. දුමග්ගෙ පංසුකූලකං ලග්ගං දිස්වාන සත්ථුනො,
අඤ්ජලිම්පග්ගහෙත්වාන භිය්යො උච්චරිතං මයා.
අඤ්ජලිම්පග්ගහෙත්වාන භිය්යො උච්චරිතං මයා.
2838. දූරතො පතිදිස්වාන හාසො මෙ උදපජ්ජථ,
අඤ්ජලිම්පග්ගහෙත්වාන භිය්යො චිත්තං පසාදයිං.
අඤ්ජලිම්පග්ගහෙත්වාන භිය්යො චිත්තං පසාදයිං.
2839. එකනවුතෙ ඉතො කප්පෙ යං සඤ්ඤමලභිං තදා,
දුග්ගතිං නාභිජානාමි බුද්ධසඤ්ඤායිදං ඵලං.
දුග්ගතිං නාභිජානාමි බුද්ධසඤ්ඤායිදං ඵලං.
2840. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා හාසජනකො ථෙරො ඉමා ගාථායො අභාසිත්ථාති.
හාසජනකත්ථෙරස්ස අපදානං තතියං.
324. යඤ්ඤසාමිකත්ථෙරාපදානං.
2841. ජාතියා සත්තවස්සොහං අහොසිං මන්තපාරගූ,
කුලවංසං අධාරෙසිං යඤ්ඤො උස්සාහිතො මයා.
කුලවංසං අධාරෙසිං යඤ්ඤො උස්සාහිතො මයා.
2842. චුල්ලාසීතිසහස්සානි පසූ හඤ්ඤන්ති මෙ තදා,
සාරථම්භුපනීතානි යඤ්ඤත්ථාය උපට්ඨිතා.
සාරථම්භුපනීතානි යඤ්ඤත්ථාය උපට්ඨිතා.
2843. උක්කාමුඛපහට්ඨොව ඛදිරඞ්ගාරසන්නිභො,
උදයන්තොව සුරියො පුණ්ණමාසෙව චන්දිමා.
උදයන්තොව සුරියො පුණ්ණමාසෙව චන්දිමා.
2844. සිද්ධත්ථො සබ්බසිද්ධත්ථො තිලොකමභිතො හිතො,
උපගන්ත්වාන සම්බුද්ධො ඉදං වචනමබ්රවි-
උපගන්ත්වාන සම්බුද්ධො ඉදං වචනමබ්රවි-
2845. “අහිංසා සබ්බපාණානං කුමාර මම රුච්චති,
ථෙය්යා ච අතිචාරා ච මජ්ජපානා ච ආරති.
ථෙය්යා ච අතිචාරා ච මජ්ජපානා ච ආරති.
2846. රති ච සමචරියාය බාහුසච්චං කතඤ්ඤුතා,
දිට්ඨෙ ධම්මෙ පරත්ථ ච එතෙ ධම්මා පසංසියා.
දිට්ඨෙ ධම්මෙ පරත්ථ ච එතෙ ධම්මා පසංසියා.
2847. එතෙ ධම්මෙ භාවයිත්වා සබ්බසත්තහිතෙ රතො,
බුද්ධෙ චිත්තං පසාදෙත්වා භාවෙහි මග්ගමුත්තමං”.
බුද්ධෙ චිත්තං පසාදෙත්වා භාවෙහි මග්ගමුත්තමං”.
2848. ඉදං වත්වාන සබ්බඤ්ඤූ ලොකජෙට්ඨො නරාසභො,
මමෙවමනුසාසිත්වා වෙහාසමුග්ගතො ගතො.
මමෙවමනුසාසිත්වා වෙහාසමුග්ගතො ගතො.
2849. පුබ්බෙ චිත්තං විසොධෙත්වා පච්ඡා චිත්තං පසාදයිං,
තෙන චිත්තප්පසාදෙන තුසිතං උපපජ්ජහං.
තෙන චිත්තප්පසාදෙන තුසිතං උපපජ්ජහං.