318. තිරංසියත්ථෙරාපදානං.
2806. කෙසරිං අභිජාතංව අග්ගික්ඛන්ධංව පබ්බතෙ,
ඔභාසෙන්තං දිසා සබ්බා සිද්ධත්ථං පබ්බතන්තරෙ.
ඔභාසෙන්තං දිසා සබ්බා සිද්ධත්ථං පබ්බතන්තරෙ.
2807. සුරියස්ස ච ආලොකං චන්දාලොකං තථෙව ච,
බුද්ධාලොකඤ්ච දිස්වාන විත්ති මෙ උදපජ්ජථ.
බුද්ධාලොකඤ්ච දිස්වාන විත්ති මෙ උදපජ්ජථ.
2808. තයො ආලොකෙ දිස්වාන බුද්ධඤ්ච සාවකුත්තමං,
එකංසං අජිනං කත්වා සන්ථවිං ලොකනායකං.
එකංසං අජිනං කත්වා සන්ථවිං ලොකනායකං.
2809. තයො හි ආලොකකරා ලොකෙ ලොකතමොනුදා,
චන්දො ච සුරියො චාපි බුද්ධො ච ලොකනායකො.
චන්දො ච සුරියො චාපි බුද්ධො ච ලොකනායකො.
2810. ඔපම්මමුපදස්සෙත්වා කිත්තිතො මෙ මහාමුනි,
බුද්ධස්ස වණ්ණං කිත්තෙත්වා කප්පං සග්ගම්හි මොදහං.
බුද්ධස්ස වණ්ණං කිත්තෙත්වා කප්පං සග්ගම්හි මොදහං.
2811. චතුනවුතෙ ඉතො කප්පෙ යං බුද්ධමභිකිත්තයිං,
දුග්ගතිං නාභිජානාමි කිත්තනාය ඉදං ඵලං.
දුග්ගතිං නාභිජානාමි කිත්තනාය ඉදං ඵලං.
2812. එකසට්ඨිම්භිතො කප්පෙ එකො ඤාණධරො අහු,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2813. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිරංසියො ථෙරො ඉමා ගාථායො අභාසිත්ථාති.
තිරංසියත්ථෙරස්ස අපදානං අට්ඨමං.
319. කන්දලිපුප්ඵියත්ථෙරාපදානං.
2814. සින්ධුයා නදියා තීරෙ අහොසිං කස්සකො තදා,
පරකම්මායනෙ යුත්තො පරභත්තං අපස්සිතො.
පරකම්මායනෙ යුත්තො පරභත්තං අපස්සිතො.
2815. සින්ධුමනුචරන්තො’හං සිද්ධත්ථං ජිනමද්දසං,
සමාධිනා නිසින්නංව සතපත්තංව පුප්ඵිතං.
සමාධිනා නිසින්නංව සතපත්තංව පුප්ඵිතං.
2816. සත්ත කන්දලිපුප්ඵානි වණ්ටෙ ඡෙත්වානහං තදා,
මත්ථකෙ අභිරොපෙසිං බුද්ධස්සාදිච්චබන්ධුනො.
මත්ථකෙ අභිරොපෙසිං බුද්ධස්සාදිච්චබන්ධුනො.
2817. සුවණ්ණවණ්ණං සම්බුද්ධං අනුකූලෙ සමාහිතං,
තිධා පභින්නමාතඞ්ගං කුඤ්ජරංව දුරාසදං.
තිධා පභින්නමාතඞ්ගං කුඤ්ජරංව දුරාසදං.
2818. තමහං උපගන්ත්වාන නිපකං භාවිතින්ද්රියං,
අඤ්ජලිං පග්ගහෙත්වාන අවන්දිං සත්ථුනො අහං.
අඤ්ජලිං පග්ගහෙත්වාන අවන්දිං සත්ථුනො අහං.
2819. චතුනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2820. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කන්දලිපුප්ඵියො ථෙරො ඉමා ගාථායො අභාසිත්ථාති.
කන්දලිපුප්ඵියත්ථෙරස්ස අපදානං නවමං.
320. කුමුදමාලියත්ථෙරාපදානං.
2821. උසභං පවරං වීරං මහෙසිං විජිතාවිනං,
විපස්සිනං මහාවීරං අභිජාතංව කෙසරිං.
විපස්සිනං මහාවීරං අභිජාතංව කෙසරිං.
2822. රථියං පටිපජ්ජන්තං ආහුතීනං පටිග්ගහං,
ගහෙත්වා කුමුදං මාලං බුද්ධසෙට්ඨං සමොකිරිං.
ගහෙත්වා කුමුදං මාලං බුද්ධසෙට්ඨං සමොකිරිං.
2823. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2824. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කුමුදමාලියො ථෙරො ඉමා ගාථායො අභාසිත්ථාති.
කුමුදමාලියත්ථෙරස්ස අපදානං දසමං.
උද්දානං:
ආරක්ඛදො භොජනදො ගතසඤ්ඤී පදුමියො,
පුප්ඵාසනි සන්ථවිකො සද්දසඤ්ඤී තිරංසිකො
කන්දලිකො කුමුදී ච සත්තපඤ්ඤාස ගාථකා.
පුප්ඵාසනි සන්ථවිකො සද්දසඤ්ඤී තිරංසිකො
කන්දලිකො කුමුදී ච සත්තපඤ්ඤාස ගාථකා.
ආරක්ඛදායකවග්ගො බත්තිංසතිමො.