316. ආසනත්ථවිකත්ථෙරාපදානං.
2793. චෙතියං උත්තමං නාම සිඛිනො ලොකබන්ධුනො,
අරඤ්ඤෙ ඉරිනෙ වනෙ අන්ධාහිණ්ඩාමහං තදා.
අරඤ්ඤෙ ඉරිනෙ වනෙ අන්ධාහිණ්ඩාමහං තදා.
2794. පවනා නික්ඛමිත්වාන දිට්ඨං සීහාසනං මයා,
එකංසං අඤ්ජලිං කත්වා ථවිස්සං ලොකනායකං.
එකංසං අඤ්ජලිං කත්වා ථවිස්සං ලොකනායකං.
2795. දිවසභාගං ථවිත්වාන බුද්ධං ලොකග්ගනායකං,
හට්ඨො හට්ඨෙන චිත්තෙන ඉමං වාචමුදීරයිං.
හට්ඨො හට්ඨෙන චිත්තෙන ඉමං වාචමුදීරයිං.
2796. “නමො තෙ පුරිසාජඤ්ඤ නමො තෙ පුරිසුත්තම,
සබ්බඤ්ඤූසි මහාවීර ලොකජෙට්ඨ නරාසභ”.
සබ්බඤ්ඤූසි මහාවීර ලොකජෙට්ඨ නරාසභ”.
2797. අභිත්ථවිත්ථා සිඛිනං නිමිත්තකරණෙනහං,
ආසනං අභිවාදෙත්වා පක්කාමි උත්තරාමුඛො.
ආසනං අභිවාදෙත්වා පක්කාමි උත්තරාමුඛො.
2798. එකතිංසෙ ඉතො කප්පෙ සන්ථවිං වදතං වරං,
දුග්ගතිං නාභිජානාමි ථොමනාය ඉදං ඵලං.
දුග්ගතිං නාභිජානාමි ථොමනාය ඉදං ඵලං.
2799. සත්තවීසෙ ඉතො කප්පෙ අතුල්යා සත්ත අස්සු තෙ,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2800. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආසනත්ථවිකො ථෙරො ඉමා ගාථායො අභාසිත්ථාති.
ආසනත්ථවිකත්ථෙරස්ස අපදානං ඡට්ඨං.
317. සද්දසඤ්ඤකත්ථෙරාපදානං.
2801. සුදස්සනො මහාවීරො දෙසෙන්තො අමතං පදං,
පරිවුතො සාවකෙහි වසතී ඝරමුත්තමෙ.
පරිවුතො සාවකෙහි වසතී ඝරමුත්තමෙ.
2802. තාය වාචාය මධුරාය සඞ්ගණ්හාති මහාජනං,
ඝොසො ච විපුලො ආසි ආසංසො දෙවමානුසෙ.
ඝොසො ච විපුලො ආසි ආසංසො දෙවමානුසෙ.
2803. නිග්ඝොසසසද්දං සුත්වාන සිද්ධත්ථස්ස මහෙසිනො,
සද්දෙ චිත්තං පසාදෙත්වා අවන්දිං ලොකනායකං.
සද්දෙ චිත්තං පසාදෙත්වා අවන්දිං ලොකනායකං.
2804. චතුනවුතෙ ඉතො කප්පෙ යං සඤ්ඤමලභිං තදා,
දුග්ගතිං නාභිජානාමි බුද්ධසඤ්ඤායිදං ඵලං.
දුග්ගතිං නාභිජානාමි බුද්ධසඤ්ඤායිදං ඵලං.
2805. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සද්දසඤ්ඤකො ථෙරො ඉමා ගාථායො අභාසිත්ථාති.
සද්දසඤ්ඤකත්ථෙරස්ස අපදානං සත්තමං.
318. තිරංසියත්ථෙරාපදානං.
2806. කෙසරිං අභිජාතංව අග්ගික්ඛන්ධංව පබ්බතෙ,
ඔභාසෙන්තං දිසා සබ්බා සිද්ධත්ථං පබ්බතන්තරෙ.
ඔභාසෙන්තං දිසා සබ්බා සිද්ධත්ථං පබ්බතන්තරෙ.
2807. සුරියස්ස ච ආලොකං චන්දාලොකං තථෙව ච,
බුද්ධාලොකඤ්ච දිස්වාන විත්ති මෙ උදපජ්ජථ.
බුද්ධාලොකඤ්ච දිස්වාන විත්ති මෙ උදපජ්ජථ.
2808. තයො ආලොකෙ දිස්වාන බුද්ධඤ්ච සාවකුත්තමං,
එකංසං අජිනං කත්වා සන්ථවිං ලොකනායකං.
එකංසං අජිනං කත්වා සන්ථවිං ලොකනායකං.
2809. තයො හි ආලොකකරා ලොකෙ ලොකතමොනුදා,
චන්දො ච සුරියො චාපි බුද්ධො ච ලොකනායකො.
චන්දො ච සුරියො චාපි බුද්ධො ච ලොකනායකො.
2810. ඔපම්මමුපදස්සෙත්වා කිත්තිතො මෙ මහාමුනි,
බුද්ධස්ස වණ්ණං කිත්තෙත්වා කප්පං සග්ගම්හි මොදහං.
බුද්ධස්ස වණ්ණං කිත්තෙත්වා කප්පං සග්ගම්හි මොදහං.
2811. චතුනවුතෙ ඉතො කප්පෙ යං බුද්ධමභිකිත්තයිං,
දුග්ගතිං නාභිජානාමි කිත්තනාය ඉදං ඵලං.
දුග්ගතිං නාභිජානාමි කිත්තනාය ඉදං ඵලං.
2812. එකසට්ඨිම්භිතො කප්පෙ එකො ඤාණධරො අහු,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2813. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිරංසියො ථෙරො ඉමා ගාථායො අභාසිත්ථාති.
තිරංසියත්ථෙරස්ස අපදානං අට්ඨමං.