311. ආරක්ඛදායකත්ථෙරාපදානං.
2768. ධම්මදස්සිස්ස මුනිනො වති කාරාපිතා මයා,
ආරක්ඛො ච මයා දින්නො දිපදින්දස්ස තාදිනො.
ආරක්ඛො ච මයා දින්නො දිපදින්දස්ස තාදිනො.
2769. අට්ඨාරසෙ කප්පසතෙ යං කම්මමකරිං තදා,
තෙන කම්මවිසෙසෙන පත්තො මෙ ආසවක්ඛයො.
තෙන කම්මවිසෙසෙන පත්තො මෙ ආසවක්ඛයො.
2770. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආරක්ඛදායකො ථෙරො ඉමා ගාථායො අභාසිත්ථාති.
ආරක්ඛදායකත්ථෙරස්ස අපදානං පඨමං.
312. භොජනදායකත්ථෙරාපදානං.
2771. සුජාතො සාලලට්ඨීව සොභඤ්ජනමිවුග්ගතො,
ඉන්දලට්ඨිරිවාකාසෙ විරොචති සදා ජිනො.
ඉන්දලට්ඨිරිවාකාසෙ විරොචති සදා ජිනො.
2772. තස්ස දෙවාතිදෙවස්ස වෙස්සභුස්ස මහෙසිනො,
අදාසිං භොජනමහං විප්පසන්නෙන චෙතසා.
අදාසිං භොජනමහං විප්පසන්නෙන චෙතසා.
2773. තං මෙ බුද්ධො අනුමොදි සයම්භූ අපරාජිතො,
‘භවෙ නිබ්බත්තමානම්හි ඵලං නිබ්බත්තතූ තව.’
‘භවෙ නිබ්බත්තමානම්හි ඵලං නිබ්බත්තතූ තව.’
2774. එකතිංසෙ ඉතො කප්පෙ යං දානමදදිං තදා,
දුග්ගතිං නාභිජානාමි භොජනස්ස ඉදං ඵලං.
දුග්ගතිං නාභිජානාමි භොජනස්ස ඉදං ඵලං.
2775. පඤ්චවීසෙ ඉතො කප්පෙ එකො ආසිං අමිත්තභො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2776. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා භොජනදායකො ථෙරො ඉමා ගාථායො අභාසිත්ථාති.
භොජනදායකත්ථෙරස්ස අපදානං දුතියං.
313. ගතසඤ්ඤකත්ථෙරාපදානං.
2777. ආකාසෙ ච පදං නත්ථි අම්බරෙ අනිලඤ්ජසෙ,
සිද්ධත්ථං ජිනමදදක්ඛිං ගච්ඡන්තං තිදිවඞ්ගණෙ.
සිද්ධත්ථං ජිනමදදක්ඛිං ගච්ඡන්තං තිදිවඞ්ගණෙ.
2778. අනිලෙනෙරිතං දිස්වා සම්මාසම්බුද්ධචීවරං,
විත්ති මෙ තාවදෙ ජාතා දිස්වාන ගමනං මුනෙ.
විත්ති මෙ තාවදෙ ජාතා දිස්වාන ගමනං මුනෙ.
2779. චතුනවුතෙ ඉතො කප්පෙ යං සඤ්ඤමලභිං තදා,
දුග්ගතිං නාභිජානාමි බුද්ධසඤ්ඤායිදං ඵලං.
දුග්ගතිං නාභිජානාමි බුද්ධසඤ්ඤායිදං ඵලං.
2780. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ගතසඤ්ඤක ථෙරො ඉමා ගාථායො අභාසිත්ථාති.
ගතසඤ්ඤකත්ථෙරස්ස අපදානං තතියං.
314. සත්තපදුමියත්ථෙරාපදානං.
2781. නදීකූලෙ මසාමහං නෙසාදො නාම බ්රාහ්මණො,
සතපත්තෙහි පුප්ඵෙහි සම්මජ්ජිත්වාන අස්සමං.
සතපත්තෙහි පුප්ඵෙහි සම්මජ්ජිත්වාන අස්සමං.
2782. සුවණ්ණවණ්ණං සම්බුද්ධං සිද්ධත්ථං ලොකනායකං,
දිස්වා වනෙන ගච්ඡන්තං හාසො මෙ උපපජ්ජථ.
දිස්වා වනෙන ගච්ඡන්තං හාසො මෙ උපපජ්ජථ.
2783. පච්චුග්ගන්ත්වාන සම්බුද්ධං ලොකජෙට්ඨං නරාසභං,
අස්සමං අතිනාමෙත්වා ජලජග්ගෙහි ඔකිරිං.
අස්සමං අතිනාමෙත්වා ජලජග්ගෙහි ඔකිරිං.
2784. චතුනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2785. ඉතො තෙසත්තමෙ කප්පෙ චතුරො පාදපාවරා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2786. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සත්තපදුමියො ථෙරො ඉමා ගාථායො අභාසිත්ථාති.
සත්තපදුමියත්ථෙරස්ස අපදානං චතුත්ථං.
315. පුප්ඵාසනදායකත්ථෙරාපදානං.
2787. සුවණ්ණවණ්ණං සම්බුද්ධං සතරංසිං’ව භානුමං,
අවිදූරෙන ගච්ඡන්තං සිද්ධත්ථං අපරාජිතං.
අවිදූරෙන ගච්ඡන්තං සිද්ධත්ථං අපරාජිතං.
2788. තස්ස පච්චුග්ගමිත්වාන පවෙසෙත්වාන අස්සමං,
පුප්ඵාසනං මයා දින්නං විප්පසන්නෙන චෙතසා.
පුප්ඵාසනං මයා දින්නං විප්පසන්නෙන චෙතසා.
2789. අඤ්ජලිම්පග්ගහෙත්වාන වෙදජාතො තදා අහං,
බුද්ධෙ චිත්තං පසාදෙත්වා තං කම්මං පරිණාමයිං.
බුද්ධෙ චිත්තං පසාදෙත්වා තං කම්මං පරිණාමයිං.
2790. යං මෙ අත්ථි කතං පුඤ්ඤං සයම්භූම්හපරාජිතෙ,
සබ්බෙ තෙන කුසලෙන විමලො හොමි සාසනෙ.
සබ්බෙ තෙන කුසලෙන විමලො හොමි සාසනෙ.