304. ධම්මසඤ්ඤකත්ථෙරාපදානං.
2729. විපස්සිනො භගවතො මහාබොධිමහො අහු,
රුක්ඛට්ඨෙ යෙව සම්බුද්ධෙ ලොකජෙට්ඨෙ නරාසභෙ.
රුක්ඛට්ඨෙ යෙව සම්බුද්ධෙ ලොකජෙට්ඨෙ නරාසභෙ.
2730. භගවා තම්හි සමයෙ භික්ඛුසඞ්ඝපුරක්ඛතො,
චතුසච්චං පකාසෙති වාචාසභිමුදීරයං.
චතුසච්චං පකාසෙති වාචාසභිමුදීරයං.
2731. සඞ්ඛිත්තෙන ච දෙසෙන්තො විත්ථාරෙන ච දෙසයං,
විවට්ටච්ඡදො සම්බුද්ධො නිබ්බාපෙසි මහාජනං.
විවට්ටච්ඡදො සම්බුද්ධො නිබ්බාපෙසි මහාජනං.
2732. තස්සාහං ධම්මං සුත්වාන ලොකජෙට්ඨස්ස තාදිනො,
වන්දිත්වා සත්ථුනො පාදෙ පක්කාමි උත්තරාමුඛො.
වන්දිත්වා සත්ථුනො පාදෙ පක්කාමි උත්තරාමුඛො.
2733. එකනවුතෙ ඉතො කප්පෙ යං ධම්මමසුණිං තදා,
දුග්ගතිං නාභිජානාමි ධම්මසඤ්ඤායිදං ඵලං.
දුග්ගතිං නාභිජානාමි ධම්මසඤ්ඤායිදං ඵලං.
2734. තෙත්තිංසම්හි ඉතො කප්පෙ එකො ආසිං මහීපති,
සුතවා නාම නාමෙන චක්කවත්තී මහබ්බලො.
සුතවා නාම නාමෙන චක්කවත්තී මහබ්බලො.
2735. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ධම්මසඤ්ඤකො ථෙරො ඉමා ගාථායො අභාසිත්ථාති.
ධම්මසඤ්ඤකත්ථෙරස්ස අපදානං චතුත්ථං.
305. ඵලදායකත්ථෙරාපදානං.
2736. භාගීරථීනදීතීරෙ අහොසි අස්සමො තදා,
තමහං අස්සමං ගච්ඡිං ඵලහත්ථො අපෙක්ඛවා.
තමහං අස්සමං ගච්ඡිං ඵලහත්ථො අපෙක්ඛවා.
2737. විපස්සිං තත්ථ අද්දක්ඛිං පීතරංසිං’ව භානුමං,
යං මෙ අත්ථි ඵලං සබ්බං අදාසිං සත්ථුනො අහං.
යං මෙ අත්ථි ඵලං සබ්බං අදාසිං සත්ථුනො අහං.
2738. එකනවුතෙ ඉතො කප්පෙ යං ඵලං අදදිං තදා,
දුග්ගතිං නාභිජානාමි ඵලදානස්සිදං ඵලං.
දුග්ගතිං නාභිජානාමි ඵලදානස්සිදං ඵලං.
2739. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ඵලදායකො ථෙරො ඉමා ගාථායො අභාසිත්ථාති.
ඵලදායකත්ථෙරස්ස අපදානං පඤ්චමං.
306. සම්පසාදකත්ථෙරාපදානං.
2740. නමො තෙ බුද්ධවීරත්ථු විප්පමුත්තොසි සබ්බධි,
ව්යසනං හි අනුප්පත්තො තස්ස මෙ සරණං භව.
ව්යසනං හි අනුප්පත්තො තස්ස මෙ සරණං භව.
2741. සිද්ධත්ථො තස්ස ව්යාකාසි ලොකෙ අප්පටිපුග්ගලො,
මහොදධිසමො සඞ්ඝො අප්පමෙය්යො අනුත්තරො.
මහොදධිසමො සඞ්ඝො අප්පමෙය්යො අනුත්තරො.
2742. තත්ථ ත්වං විරජෙ ඛෙත්තෙ අනන්තඵලදායකෙ,
සඞ්ඝො චිත්තං පසාදෙහි සුබීජං වාපි රොපය.
සඞ්ඝො චිත්තං පසාදෙහි සුබීජං වාපි රොපය.
2743. ඉදං වත්වාන සබ්බඤ්ඤූ ලොකජෙට්ඨො නරාසභො,
මමෙවං අනුසාසිත්වා වෙහාසං නභමුග්ගමි.
මමෙවං අනුසාසිත්වා වෙහාසං නභමුග්ගමි.
2744. අචිරං ගතමත්තම්හි සබ්බඤ්ඤුම්හි නරාසභෙ,
මරණං සමනුප්පත්තො තුසිතං උපපජ්ජහං.
මරණං සමනුප්පත්තො තුසිතං උපපජ්ජහං.
2745. තදාහං විරජෙ ඛෙත්තෙ අනන්තඵලදායකෙ,
සඞ්ඝෙ චිත්තං පසාදෙත්වා කප්පං සග්ගම්හි මොදහං.
සඞ්ඝෙ චිත්තං පසාදෙත්වා කප්පං සග්ගම්හි මොදහං.
2746. චතුනවුතෙ ඉතො කප්පෙ පසාදමලභිං තදා,
දුග්ගතිං නාභිජානාමි පසාදස්ස ඉදං ඵලං.
දුග්ගතිං නාභිජානාමි පසාදස්ස ඉදං ඵලං.
2747. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සම්පසාදාකො ථෙරො ඉමා ගාථායො අභාසිත්ථාති.
සම්පසාදකත්ථෙරස්ස අපදානං ඡට්ඨං.