301. පදුමකෙසරියත්ථෙරාපදානං.
2717. ඉසිසඞ්ඝෙ අහං පුබ්බෙ ආසිං මාතඞ්ගවාරණො,
මහෙසීනං පසාදෙන පදමකෙසරමොකිරිං
මහෙසීනං පසාදෙන පදමකෙසරමොකිරිං
2718. පච්චෙකජිනසෙට්ඨෙසු ධුතරාගෙසු තාදිසු,
තෙසු චිත්තං පසාදෙත්වා කප්පං සග්ගම්හි මොදහං.
තෙසු චිත්තං පසාදෙත්වා කප්පං සග්ගම්හි මොදහං.
2719. එකනවුතෙ ඉතො කප්පෙ කෙසරං ඔකිරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2720. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පදුමකෙසරියො ථෙරො ඉමා ගාථායො අභාසිත්ථාති.
පදුමකෙසරියත්ථෙරස්ස අපදානං පඨමං.
302. සබ්බගන්ධියත්ථෙරාපදානං.
2721. ගන්ධමාලං මයා දින්නං විපස්සිස්ස මහෙසිනො,
අදාසිං උජුභූතස්ස කොසෙය්යං වත්ථමුත්තමං.
අදාසිං උජුභූතස්ස කොසෙය්යං වත්ථමුත්තමං.
2722. එකනවුතෙ ඉතො කප්පෙ යං ගන්ධමදදිං පුරෙ,
දුග්ගතිං නාභිජානාමි ගන්ධදානස්සිදං ඵලං.
දුග්ගතිං නාභිජානාමි ගන්ධදානස්සිදං ඵලං.
2723. ඉතො පණ්ණරසෙ කප්පෙ සුචෙලො නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2724. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සබ්බගන්ධියො ථෙරො ඉමා ගාථායො අභාසිත්ථාති.
සබ්බගන්ධියත්ථෙරස්ස අපදානං දුතියං.
303. පරමන්නදායකත්ථෙරාපදානං.
2725. ණිකාරං’ව ජොතන්තං උදයන්තං’ව භානුමං,
විපස්සිමද්දසං බුද්ධං ලොකෙජෙට්ඨං නරාසභං.
විපස්සිමද්දසං බුද්ධං ලොකෙජෙට්ඨං නරාසභං.
2726. අඤ්ජලිම්පග්ගහෙත්වාන අභිනෙසිං සකං ඝරං,
අභිනෙත්වාන සම්බුද්ධං පරමන්නං අදාසහං.
අභිනෙත්වාන සම්බුද්ධං පරමන්නං අදාසහං.
2727. එකනවුතෙ ඉතො කප්පෙ පරමන්නං දදිං තදා,
දුග්ගතිං නාභිජානාමි පරමන්නස්සිදං ඵලං.
දුග්ගතිං නාභිජානාමි පරමන්නස්සිදං ඵලං.
2728. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පරමන්නදායකො ථෙරො ඉමා ගාථායො අභාසිත්ථාති.
පරමන්නදායකත්ථෙරස්ස අපදානං තතියං.
304. ධම්මසඤ්ඤකත්ථෙරාපදානං.
2729. විපස්සිනො භගවතො මහාබොධිමහො අහු,
රුක්ඛට්ඨෙ යෙව සම්බුද්ධෙ ලොකජෙට්ඨෙ නරාසභෙ.
රුක්ඛට්ඨෙ යෙව සම්බුද්ධෙ ලොකජෙට්ඨෙ නරාසභෙ.
2730. භගවා තම්හි සමයෙ භික්ඛුසඞ්ඝපුරක්ඛතො,
චතුසච්චං පකාසෙති වාචාසභිමුදීරයං.
චතුසච්චං පකාසෙති වාචාසභිමුදීරයං.
2731. සඞ්ඛිත්තෙන ච දෙසෙන්තො විත්ථාරෙන ච දෙසයං,
විවට්ටච්ඡදො සම්බුද්ධො නිබ්බාපෙසි මහාජනං.
විවට්ටච්ඡදො සම්බුද්ධො නිබ්බාපෙසි මහාජනං.
2732. තස්සාහං ධම්මං සුත්වාන ලොකජෙට්ඨස්ස තාදිනො,
වන්දිත්වා සත්ථුනො පාදෙ පක්කාමි උත්තරාමුඛො.
වන්දිත්වා සත්ථුනො පාදෙ පක්කාමි උත්තරාමුඛො.
2733. එකනවුතෙ ඉතො කප්පෙ යං ධම්මමසුණිං තදා,
දුග්ගතිං නාභිජානාමි ධම්මසඤ්ඤායිදං ඵලං.
දුග්ගතිං නාභිජානාමි ධම්මසඤ්ඤායිදං ඵලං.
2734. තෙත්තිංසම්හි ඉතො කප්පෙ එකො ආසිං මහීපති,
සුතවා නාම නාමෙන චක්කවත්තී මහබ්බලො.
සුතවා නාම නාමෙන චක්කවත්තී මහබ්බලො.
2735. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ධම්මසඤ්ඤකො ථෙරො ඉමා ගාථායො අභාසිත්ථාති.
ධම්මසඤ්ඤකත්ථෙරස්ස අපදානං චතුත්ථං.
305. ඵලදායකත්ථෙරාපදානං.
2736. භාගීරථීනදීතීරෙ අහොසි අස්සමො තදා,
තමහං අස්සමං ගච්ඡිං ඵලහත්ථො අපෙක්ඛවා.
තමහං අස්සමං ගච්ඡිං ඵලහත්ථො අපෙක්ඛවා.
2737. විපස්සිං තත්ථ අද්දක්ඛිං පීතරංසිං’ව භානුමං,
යං මෙ අත්ථි ඵලං සබ්බං අදාසිං සත්ථුනො අහං.
යං මෙ අත්ථි ඵලං සබ්බං අදාසිං සත්ථුනො අහං.