27. ආකාසුක්ඛිපියවග්ගො
261. ආකාසුක්ඛිපියත්ථෙරාපදානං.
2540. සුවණ්ණවණ්ණං සිද්ධත්ථං ගච්ඡන්තං අන්තරාපණෙ,
ජලජග්ගෙ දුවෙ ගය්හ උපගච්ඡිං නරාසභං.
ජලජග්ගෙ දුවෙ ගය්හ උපගච්ඡිං නරාසභං.
2541. එකඤ්ච පුප්ඵං පාදෙසු බුද්ධසෙට්ඨස්ස නික්ඛිපිං,
එකඤ්ච පුප්ඵං පග්ගය්හ ආකාසෙ උක්ඛිපිං අහං.
එකඤ්ච පුප්ඵං පග්ගය්හ ආකාසෙ උක්ඛිපිං අහං.
2542. චතුනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි පුප්ඵදානස්සිදං ඵලං.
දුග්ගතිං නාභිජානාමි පුප්ඵදානස්සිදං ඵලං.
2543. ඉතො බත්තිංසකප්පම්හි එකො ආසිං මහීපති,
අන්තලික්ඛචරො නාම චක්කවත්තී මහබ්බලො.
අන්තලික්ඛචරො නාම චක්කවත්තී මහබ්බලො.
2544. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආකාසුක්ඛිපියො ථෙරො ඉමා ගාථායො අභාසිත්ථාති.
ආකාසුක්ඛිපයත්ථෙරස්ස අපදානං පඨමං.
262. තෙලමක්ඛියත්ථෙරාපදානං.
2545. සිද්ධත්ථම්හි භගවති නිබ්බුතම්භි නරාසභෙ,
බොධියා වෙදිකායාහං තෙලං මක්ඛෙසිං තාවදෙ.
බොධියා වෙදිකායාහං තෙලං මක්ඛෙසිං තාවදෙ.
2546. චතුනවුතෙ ඉතො කප්පෙ යං තෙලං මක්ඛයිං තදා,
දුග්ගතිං නාභිජානාමි මක්ඛනාය ඉදං ඵලං.
දුග්ගතිං නාභිජානාමි මක්ඛනාය ඉදං ඵලං.
2547. චතුවීසෙ ඉතො කප්පෙ සුච්ඡවී නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2548. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තෙලමක්ඛියො ථෙරො ඉමා ගාථායො අභාසිත්ථාති.
තෙලමක්ඛියත්ථෙරස්ස අපදානං දුතියං.
263. අඩ්ඪචන්දියත්ථෙරාපදානං.
2549. තිස්සස්ස ඛො භගවතෙ බොධියා පාදපුත්තමෙ,
අඩ්ඪචන්දං මයා දින්නං ධරණීරුහපාදපෙ.
අඩ්ඪචන්දං මයා දින්නං ධරණීරුහපාදපෙ.
2550. ද්වෙනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බොධිපූජායිදං ඵලං.
දුග්ගතිං නාභිජානාමි බොධිපූජායිදං ඵලං.
2551. පඤ්චවීසෙ ඉතො කප්පෙ දෙවලො නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2552. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අඩ්ඪචන්දියො ථෙරො ඉමා ගාථායො අභාසිත්ථාති.
අඩ්ඪචන්දියත්ථෙරස්ස අපදානං තතියං.
264. පදීපියත්ථෙරාපදානං
2553. දෙවභූතො අහං සන්තො ඔරුය්හ පඨවිං තදා,
පදීපෙ පඤ්ච පාදාසිං පසන්නො සෙහි පාණිහි.
පදීපෙ පඤ්ච පාදාසිං පසන්නො සෙහි පාණිහි.
2554. චතුනවුතෙ ඉතො කප්පෙ යං පදීපමදං තදා,
දුග්ගතිං නාභිජානාමි දීපදානස්සිදං ඵලං.
දුග්ගතිං නාභිජානාමි දීපදානස්සිදං ඵලං.
2555. පඤ්චපඤ්ඤාසකෙ කප්පෙ එකො ආසිං මහීපති,
සමන්තචක්ඛු නාමෙන චක්කවත්තී මහබ්බලො.
සමන්තචක්ඛු නාමෙන චක්කවත්තී මහබ්බලො.
2556. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පදීපියො ථෙරො ඉමා ගාථායො අභාසිත්ථාති.
පදීපියත්ථෙරස්ස අපදානං චතුත්ථං.
265. බිළාලිදායකත්ථෙරාපදානං.
2557. හිමවන්තස්ස අවිදූරෙ රොමසො නාම පබ්බතො,
තම්හි පබ්බතපාදම්හි සමණො භාවිතින්ද්රියො.
තම්හි පබ්බතපාදම්හි සමණො භාවිතින්ද්රියො.
2558. බිළාලිකෙ ගහෙත්වාන සමණස්ස අදාසහං,
අනුමොදි මහාවීරො සයම්භූ අපරාජිතො.
අනුමොදි මහාවීරො සයම්භූ අපරාජිතො.
2559. බිළාලී තෙ මමං දින්නා විප්පසන්නෙන චෙතසා,
භවෙ නිබ්බත්තමානම්හි ඵලං නිබ්බත්තතං තව.
භවෙ නිබ්බත්තමානම්හි ඵලං නිබ්බත්තතං තව.
2560. චතුනවුතෙ ඉතො කප්පෙ යං බිළාලිමදාසහං,
දුග්ගතිං නාභිජානාමි බිළාලියා ඉදං ඵලං.
දුග්ගතිං නාභිජානාමි බිළාලියා ඉදං ඵලං.
2561. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා බිළාලිදායකො ථෙරො ඉමා ගාථායො අභාසිත්ථාති.
බිළාලිදායකත්ථෙරස්ස අපදානං පඤ්චමං.