259. කුටිදායකත්ථෙරාපදානං.
2531. විපිනචාරී සම්බුද්ධො රුක්ඛමූලෙ වසී තදා,
පණ්ණසාලං කරිත්වාන අදාසිං අපරාජිතෙ.
පණ්ණසාලං කරිත්වාන අදාසිං අපරාජිතෙ.
2532. එකනවුතෙ ඉතො කප්පෙ යං පණ්ණකුටිකං අදං,
දුග්ගතිං නාභිජානාමි කුටිදානස්සිදං ඵලං.
දුග්ගතිං නාභිජානාමි කුටිදානස්සිදං ඵලං.
2533. අට්ඨවීසෙ ඉතො කප්පෙ සොළසාසිංසු රාජානො,
සබ්බත්ථඅහිවස්සීති වුච්චරෙ චක්කවත්තිනො.
සබ්බත්ථඅහිවස්සීති වුච්චරෙ චක්කවත්තිනො.
2534. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කුටිදායකො ථෙරො ඉමා ගාථායො අභාසිත්ථාති.
කුටිදායකත්ථෙරස්ස අපදානං නවමං.
260. අග්ගජපුප්ඵියත්ථෙරාපදානං.
2535. සුවණ්ණවණ්ණං සම්බුද්ධං නිසින්නං පබ්බතන්තරෙ,
ඔභාසයන්තං රංසියා සිඛිතං සිඛිනං යථා.
ඔභාසයන්තං රංසියා සිඛිතං සිඛිනං යථා.
2536. අග්ගජං පුප්ඵමාදාය උපගච්ඡිං නරුත්තමං,
පසන්නචිත්තො සුමනො බුද්ධස්ස අභිරොපයිං.
පසන්නචිත්තො සුමනො බුද්ධස්ස අභිරොපයිං.
2537. එකතිංසෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2538. පඤ්චවීසතිකප්පම්භි අහොසිං අමිතව්හයො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2539. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අග්ගජපුප්ඵියො ථෙරො ඉමා ගාථායො අභාසිත්ථාති.
අග්ගජපුප්ඵියත්ථෙරස්ස අපදානං දසමං.
උද්දානං:
ථොමකෙකාසන චිතකං චම්පතො සත්තපාටපි
පාහනො මඤ්ජරී පණ්ණං කුටිදො අග්ගපුප්ඵියො
ගාථායො ගණිතා චෙත්ථ එකතාළීසමෙව ච.
පාහනො මඤ්ජරී පණ්ණං කුටිදො අග්ගපුප්ඵියො
ගාථායො ගණිතා චෙත්ථ එකතාළීසමෙව ච.
ථොමකවග්ගො ඡබ්බීසතිමො.
27. ආකාසුක්ඛිපියවග්ගො
261. ආකාසුක්ඛිපියත්ථෙරාපදානං.
2540. සුවණ්ණවණ්ණං සිද්ධත්ථං ගච්ඡන්තං අන්තරාපණෙ,
ජලජග්ගෙ දුවෙ ගය්හ උපගච්ඡිං නරාසභං.
ජලජග්ගෙ දුවෙ ගය්හ උපගච්ඡිං නරාසභං.
2541. එකඤ්ච පුප්ඵං පාදෙසු බුද්ධසෙට්ඨස්ස නික්ඛිපිං,
එකඤ්ච පුප්ඵං පග්ගය්හ ආකාසෙ උක්ඛිපිං අහං.
එකඤ්ච පුප්ඵං පග්ගය්හ ආකාසෙ උක්ඛිපිං අහං.
2542. චතුනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි පුප්ඵදානස්සිදං ඵලං.
දුග්ගතිං නාභිජානාමි පුප්ඵදානස්සිදං ඵලං.
2543. ඉතො බත්තිංසකප්පම්හි එකො ආසිං මහීපති,
අන්තලික්ඛචරො නාම චක්කවත්තී මහබ්බලො.
අන්තලික්ඛචරො නාම චක්කවත්තී මහබ්බලො.
2544. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආකාසුක්ඛිපියො ථෙරො ඉමා ගාථායො අභාසිත්ථාති.
ආකාසුක්ඛිපයත්ථෙරස්ස අපදානං පඨමං.
262. තෙලමක්ඛියත්ථෙරාපදානං.
2545. සිද්ධත්ථම්හි භගවති නිබ්බුතම්භි නරාසභෙ,
බොධියා වෙදිකායාහං තෙලං මක්ඛෙසිං තාවදෙ.
බොධියා වෙදිකායාහං තෙලං මක්ඛෙසිං තාවදෙ.
2546. චතුනවුතෙ ඉතො කප්පෙ යං තෙලං මක්ඛයිං තදා,
දුග්ගතිං නාභිජානාමි මක්ඛනාය ඉදං ඵලං.
දුග්ගතිං නාභිජානාමි මක්ඛනාය ඉදං ඵලං.
2547. චතුවීසෙ ඉතො කප්පෙ සුච්ඡවී නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2548. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තෙලමක්ඛියො ථෙරො ඉමා ගාථායො අභාසිත්ථාති.
තෙලමක්ඛියත්ථෙරස්ස අපදානං දුතියං.
263. අඩ්ඪචන්දියත්ථෙරාපදානං.
2549. තිස්සස්ස ඛො භගවතෙ බොධියා පාදපුත්තමෙ,
අඩ්ඪචන්දං මයා දින්නං ධරණීරුහපාදපෙ.
අඩ්ඪචන්දං මයා දින්නං ධරණීරුහපාදපෙ.
2550. ද්වෙනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බොධිපූජායිදං ඵලං.
දුග්ගතිං නාභිජානාමි බොධිපූජායිදං ඵලං.