255. සත්තපාටලියත්ථෙරාපදානං.
2515. කණිකාරංව ජොතන්තං නිසින්නං පබ්බතන්තරෙ,
සත්තපාටලිපුප්ඵානි බුද්ධස්ස අභිරොපයිං.
සත්තපාටලිපුප්ඵානි බුද්ධස්ස අභිරොපයිං.
2516. චතුනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2517. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සත්තපාටලියො ථෙරො ඉමා ගාථායො අභාසිත්ථාති.
සත්තපාටලියත්ථෙරස්ස අපදානං පඤ්චමං.
256. උපාහනදායකත්ථෙරාපදානං.
2518. අහොසි චන්දනො නාම සම්බුද්ධස්සත්රජො තදා,
එකොපාහනො මයා දින්නො බොධිං සම්පජ්ජ මෙ තුවං.
එකොපාහනො මයා දින්නො බොධිං සම්පජ්ජ මෙ තුවං.
2519. එකනවුතෙ ඉතො කප්පෙ යමුපාහනං දදිං තදා,
දුග්ගතිං නාභිජානාමි උපාහනස්සිදං ඵලං.
දුග්ගතිං නාභිජානාමි උපාහනස්සිදං ඵලං.
2520. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උපාහනදායකො ථෙරො ඉමා ගාථායො අභාසිත්ථාති.
උපාහනදායකත්ථෙරස්ස අපදානං ඡට්ඨං.
257. මඤ්ජරිපූජකත්ථෙරාපදානං.
2521. මඤ්ජිරිකං කරිත්වාන රථියං පටිපජ්ජ’හං,
අද්දසං සමණානග්ගං භික්ඛුසඞ්ඝපුරක්ඛතං.
අද්දසං සමණානග්ගං භික්ඛුසඞ්ඝපුරක්ඛතං.
2522. පසන්නචිත්තො සුමනො පරමාය ච පීතියා,
උභො හත්ථෙහි පග්ගය්හ බුද්ධස්ස අභිරොපයිං.
උභො හත්ථෙහි පග්ගය්හ බුද්ධස්ස අභිරොපයිං.
2523. ද්වෙනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි පුප්ඵපූජායිදං ඵලං.
දුග්ගතිං නාභිජානාමි පුප්ඵපූජායිදං ඵලං.
2524. ඉතො තෙසත්තතිකප්පෙ එකො ආසිං මහීපති,
ජොතියො නාම නාමෙන චක්කවත්තී මහබ්බලො.
ජොතියො නාම නාමෙන චක්කවත්තී මහබ්බලො.
2525. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මඤ්ජරිපූජකො ථෙරො ඉමා ගාථායො අභාසිත්ථාති.
මඤ්ජරිපූජකත්ථෙරස්ස අපදානං සත්තමං.
258. පණ්ණදායකත්ථෙරාපදානං.
2526. පබ්බතෙ හිමවන්තම්හි වාකචීරධාරො අහං,
අලොණපණ්ණභක්ඛොම්හි නීයමෙසු ච සංවුතො.
අලොණපණ්ණභක්ඛොම්හි නීයමෙසු ච සංවුතො.
2527. පාතරාසෙ අනුප්පත්තෙ සිද්ධත්ථො උපගච්ඡි මං,
තාහං බුද්ධස්ස පාදාසිං පසන්නො සෙහි පාණිහි.
තාහං බුද්ධස්ස පාදාසිං පසන්නො සෙහි පාණිහි.
2528. චතුනවුතෙ ඉතො කප්පෙ යං පණ්ණමදිදං තදා,
දුග්ගතිං නාභිජානාමි පණ්ණදානස්සිදං ඵලං.
දුග්ගතිං නාභිජානාමි පණ්ණදානස්සිදං ඵලං.
2529. සත්තවීසතිකප්පම්හි රාජා ආසිං යදත්ථියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2530. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පණ්ණදායකො ථෙරො ඉමා ගාථායො අභාසිත්ථාති.
පණ්ණදායකත්ථෙරස්ස අපදානං අට්ඨමං.