247. ධාතුපූජකත්ථෙරාපදානං.
2484. නිබ්බුතෙ ලොකනාථම්හි සිද්ධත්ථම්හි නරුත්තමෙ,
එකා ධාතු මයා ලද්ධා දිපදින්දස්ස තාදිනො.
එකා ධාතු මයා ලද්ධා දිපදින්දස්ස තාදිනො.
2485. තාහං ධාතුං ගහෙත්වාන බුද්ධස්සාදිච්චබන්ධුනො,
පඤ්චවස්සෙ පරිචරිං තිට්ඨන්තං ච නරුත්තමං.
පඤ්චවස්සෙ පරිචරිං තිට්ඨන්තං ච නරුත්තමං.
2486. චතුනවුතෙ ඉතො කප්පෙ යං ධාතුං පූජයිං තදා,
දුග්ගතිං නාභිජානාමි ධාතුපට්ඨහනෙ ඵලං.
දුග්ගතිං නාභිජානාමි ධාතුපට්ඨහනෙ ඵලං.
2487. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ධාතුපූජකො ථෙරො ඉමා ගාථායො අභාසිත්ථාති.
ධාතුපූජකත්ථෙරස්ස අපදානං සත්තමං.
248. සත්තලිපුප්ඵපූජකත්ථෙරාපදානං
2488. සත්ත සත්තලිපුප්ඵානි සීසෙ කත්වානහං තදා,
බුද්ධස්ස අභිරොපෙසිං වෙස්සභූම්භි නරුත්තමෙ.
බුද්ධස්ස අභිරොපෙසිං වෙස්සභූම්භි නරුත්තමෙ.
2489. එකතිංසෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි පුප්ඵපූජායිදං ඵලං.
දුග්ගතිං නාභිජානාමි පුප්ඵපූජායිදං ඵලං.
2490. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සත්තලිපුප්ඵපූජකො ථෙරො ඉමා ගාථායො අභාසිත්ථාති.
සත්තලිපුප්ඵපූජකත්ථෙරස්ස අපදානං අට්ඨමං.
249. බිම්බිජාලියත්ථෙරාපදානං.
2491. පදුමුත්තරො නාම ජිනො සයම්භූ අග්ගපුග්ගලො,
චතුසච්චං පකාසෙති දීපෙති අමතං පදං.
චතුසච්චං පකාසෙති දීපෙති අමතං පදං.
2492. බිම්බිජාලිකපුප්ඵානි පුඵු කත්වානහං තදා,
බුද්ධස්ස අභිරොපෙසිං දිපදින්දස්ස තාදිනො.
බුද්ධස්ස අභිරොපෙසිං දිපදින්දස්ස තාදිනො.
2493. අට්ඨසට්ඨිම්හිතො කප්පෙ චතුරො කිඤ්ජකෙසරා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2494. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා බිම්බිජාලියො ථෙරො ඉමා ගාථායො අභාසිත්ථාති.
බිම්බිජාලියත්ථෙරස්ස අපදානං නවමං.