242. නාගකෙසරියත්ථෙරාපදානං.
2465. ධනුං අද්වෙජ්ඣං කත්වාන වනමජ්ඣොගහිං අහං,
කෙසරං ඔසටං දිස්වා සතපත්තං සමුට්ඨිතං.
කෙසරං ඔසටං දිස්වා සතපත්තං සමුට්ඨිතං.
2466. උභො හත්ථෙහි පග්ගය්හ සිරෙ කත්වාන අඤ්ජලිං,
බුද්ධස්ස අභිරොපෙසිං තිස්සස්ස ලොකබන්ධුනො.
බුද්ධස්ස අභිරොපෙසිං තිස්සස්ස ලොකබන්ධුනො.
2467. ද්වෙනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2468. තෙසත්තතිම්හි කප්පම්හි සත්ත කෙසරනාමකා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2469. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා නාගකෙසරියො ථෙරො ඉමා ගාථායො අභාසිත්ථාති.
නාගකෙසරියත්ථෙරස්ස අපදානං දුතියං.
243. නළිනකෙසරියත්ථෙරාපදානං
2470. ජාතස්සරස්ස වෙමජ්ඣෙ වසාමි ජලකුක්කුටො,
අථද්දසං දෙවදෙවං ගච්ඡන්තමනිලඤ්ජසෙ.
අථද්දසං දෙවදෙවං ගච්ඡන්තමනිලඤ්ජසෙ.
2471. තුණ්ඩෙන කෙසරිං ගය්හ විප්පසන්නෙන චෙතසා,
බුද්ධස්ස අභිරොපෙසිං තිස්සස්ස ලොකබන්ධුනො.
බුද්ධස්ස අභිරොපෙසිං තිස්සස්ස ලොකබන්ධුනො.
2472. ද්වෙනවුතෙ ඉතො කප්පෙ යං පුප්ඵමභිපූජයිදං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2473. තෙසත්තතිම්භි කප්පම්හි සතපත්තසනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2474. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා නළිනකෙසරියො ථෙරො ඉමා ගාථායො අභාසිත්ථාති.
නළිනකෙසරියත්ථෙරස්ස අපදානං තතියං.
244. විරවිපුප්ඵියත්ථෙරාපදානං
2475. ඛීණාසවසහස්සෙහි නිය්යාති ලොකනායකො,
විරවිපුප්ඵං පග්ගය්හ බුද්ධස්ස අභිරොපයිං.
විරවිපුප්ඵං පග්ගය්හ බුද්ධස්ස අභිරොපයිං.
2476. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2477. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා විරවිපුප්ඵියො ථෙරො ඉමා ගාථායො අභාසිත්ථාති.
විරවිපුප්ඵියත්ථෙරස්ස අපදානං චතුත්ථං.
245. කුටිධූපකත්ථෙරාපදානං.
2478. සිද්ධත්ථස්ස භගවතො අහොසිං කුටිගොපකො,
කාලෙන කාලං ධූපෙසිං පසන්නො සෙහි පාණිහි.
කාලෙන කාලං ධූපෙසිං පසන්නො සෙහි පාණිහි.
2479. චතුනවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2480. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කුටිධූපකො ථෙරො ඉමා ගාථායො අභාසිත්ථාති.
කුටිධූපකත්ථෙරස්ස අපදානං පඤ්චමං.
246. පත්තදායකත්ථෙරාපදානං
2481. පරමෙන දමථෙන සිද්ධත්ථස්ස මහෙසිනො,
පත්තදානං මයා දින්නං උජුභූතස්ස තාදිනො.
පත්තදානං මයා දින්නං උජුභූතස්ස තාදිනො.
2482. චතුනවුතෙ ඉතො කප්පෙ යං දානමදදිං තදා,
දුග්ගතිං නාභිජානාමි පත්තදානස්සිදං ඵලං.
දුග්ගතිං නාභිජානාමි පත්තදානස්සිදං ඵලං.
2483. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පත්තදායකො ථෙරො ඉමා ගාථායො අභාසිත්ථාති.
පත්තදායකත්ථෙරස්ස අපදානං ඡට්ඨං.
247. ධාතුපූජකත්ථෙරාපදානං.
2484. නිබ්බුතෙ ලොකනාථම්හි සිද්ධත්ථම්හි නරුත්තමෙ,
එකා ධාතු මයා ලද්ධා දිපදින්දස්ස තාදිනො.
එකා ධාතු මයා ලද්ධා දිපදින්දස්ස තාදිනො.
2485. තාහං ධාතුං ගහෙත්වාන බුද්ධස්සාදිච්චබන්ධුනො,
පඤ්චවස්සෙ පරිචරිං තිට්ඨන්තං ච නරුත්තමං.
පඤ්චවස්සෙ පරිචරිං තිට්ඨන්තං ච නරුත්තමං.