239. ජගතිකාරකත්ථෙරාපදානං.
2456. නිබ්බුතෙ ලොකනාථම්භි අත්ථදස්සි නරුත්තමෙ,
ජගතී කාරිතා මය්හං බුද්ධස්ස ථූපමුත්තමෙ.
ජගතී කාරිතා මය්හං බුද්ධස්ස ථූපමුත්තමෙ.
2457. අට්ඨාරසෙ කප්පසතෙ යං කම්මමකරිං තදා,
දුග්ගතිං නාභිජානාමි ජගතියා ඉදං ඵලං.
දුග්ගතිං නාභිජානාමි ජගතියා ඉදං ඵලං.
2458. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ජගතිකාරකො ථෙරො ඉමා ගාථායො අභාසිත්ථාති.
ජගතිකාරකත්ථෙරස්ස අපදානං නවමං.
240. වාසිදායකත්ථෙරාපදානං.
2459. කම්මාරොහං පුරෙ ආසිං තීවරායං පුරුත්තමෙ,
එකා වාසි මයා දින්නා සයම්භූං අපරාජිතං.
එකා වාසි මයා දින්නා සයම්භූං අපරාජිතං.
2460. චතුනවුතෙ ඉතො කප්පෙ යං වාසිමදදිං තදා,
දුග්ගතිං නාභිජානාමි වාසිදානස්සිදං ඵලං.
දුග්ගතිං නාභිජානාමි වාසිදානස්සිදං ඵලං.
2461. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා වාසිදායකො ථෙරො ඉමා ගාථායො අභාසිත්ථාති.
වාසිදායකත්ථෙරස්ස අපදානං දසමං.
උද්දානං:
උදකාසන භාජනං සාලපූපී කිලඤ්ජකො
වෙදිකා වණ්ණකාරො ච පියාල අම්බයාගදො
ජගතී වාසිදාතා ච ගාථා තිංස ච අට්ඨ ච.
වෙදිකා වණ්ණකාරො ච පියාල අම්බයාගදො
ජගතී වාසිදාතා ච ගාථා තිංස ච අට්ඨ ච.
උදකාසනවග්ගො චතුවීසතිමො.
25. තුවරදායකවග්ගො
241. තුවරදායකත්ථෙරාපදානං
2462. මිගලුද්දො පුරෙ ආසිං අරඤ්ඤෙ කානනෙ අහං,
භරිත්වා තුවරමාදාය සඞ්ඝස්ස අදදිං අහං.
භරිත්වා තුවරමාදාය සඞ්ඝස්ස අදදිං අහං.
2463. එකනවුතෙ ඉතො කප්පෙ යං දානමදදිං තදා,
දුග්ගතිං නාභිජානාමි තුවරස්ස ඉදං ඵලං.
දුග්ගතිං නාභිජානාමි තුවරස්ස ඉදං ඵලං.
2464. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තුවරදායකො ථෙරො ඉමා ගාථායො අභාසිත්ථාති.
තුවරදායකත්ථෙරස්ස අපදානං පඨමං.
242. නාගකෙසරියත්ථෙරාපදානං.
2465. ධනුං අද්වෙජ්ඣං කත්වාන වනමජ්ඣොගහිං අහං,
කෙසරං ඔසටං දිස්වා සතපත්තං සමුට්ඨිතං.
කෙසරං ඔසටං දිස්වා සතපත්තං සමුට්ඨිතං.
2466. උභො හත්ථෙහි පග්ගය්හ සිරෙ කත්වාන අඤ්ජලිං,
බුද්ධස්ස අභිරොපෙසිං තිස්සස්ස ලොකබන්ධුනො.
බුද්ධස්ස අභිරොපෙසිං තිස්සස්ස ලොකබන්ධුනො.
2467. ද්වෙනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2468. තෙසත්තතිම්හි කප්පම්හි සත්ත කෙසරනාමකා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2469. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා නාගකෙසරියො ථෙරො ඉමා ගාථායො අභාසිත්ථාති.
නාගකෙසරියත්ථෙරස්ස අපදානං දුතියං.
243. නළිනකෙසරියත්ථෙරාපදානං
2470. ජාතස්සරස්ස වෙමජ්ඣෙ වසාමි ජලකුක්කුටො,
අථද්දසං දෙවදෙවං ගච්ඡන්තමනිලඤ්ජසෙ.
අථද්දසං දෙවදෙවං ගච්ඡන්තමනිලඤ්ජසෙ.
2471. තුණ්ඩෙන කෙසරිං ගය්හ විප්පසන්නෙන චෙතසා,
බුද්ධස්ස අභිරොපෙසිං තිස්සස්ස ලොකබන්ධුනො.
බුද්ධස්ස අභිරොපෙසිං තිස්සස්ස ලොකබන්ධුනො.
2472. ද්වෙනවුතෙ ඉතො කප්පෙ යං පුප්ඵමභිපූජයිදං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2473. තෙසත්තතිම්භි කප්පම්හි සතපත්තසනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2474. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා නළිනකෙසරියො ථෙරො ඉමා ගාථායො අභාසිත්ථාති.
නළිනකෙසරියත්ථෙරස්ස අපදානං තතියං.
244. විරවිපුප්ඵියත්ථෙරාපදානං
2475. ඛීණාසවසහස්සෙහි නිය්යාති ලොකනායකො,
විරවිපුප්ඵං පග්ගය්හ බුද්ධස්ස අභිරොපයිං.
විරවිපුප්ඵං පග්ගය්හ බුද්ධස්ස අභිරොපයිං.
2476. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.