230. එකවන්දියත්ථෙරාපදානං.
2420. උසභං පවරං වීරං වෙස්සභුං විජිතාවිනං,
පසන්නචිත්තො සුමනො බුද්ධසෙට්ඨං අවන්දිහං.
පසන්නචිත්තො සුමනො බුද්ධසෙට්ඨං අවන්දිහං.
2421. එකතිංසෙ ඉතො කප්පෙ යං කම්මමකරිං තදා,
දුග්ගතිං නාභිජානාමි වන්දනාය ඉදං ඵලං.
දුග්ගතිං නාභිජානාමි වන්දනාය ඉදං ඵලං.
2422. චතුවීසතිකප්පම්හි විගතානන්දනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2423. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකවන්දියො ථෙරො ඉමා ගාථායො අභාසිත්ථාති.
එකවන්දියත්ථෙරස්ස අපදානං දසමං.
උද්දානං:
ආලම්බනඤ්ච අජිනං මංසදා රක්ඛදායකො
අව්යාධි අඞ්කොලං සොණ්ණං මිඤ්ජං ආවෙල වන්දනං
පඤ්චපඤ්ඤාස ගාථායො ගණිතා අත්ථදස්සිහි.
අව්යාධි අඞ්කොලං සොණ්ණං මිඤ්ජං ආවෙල වන්දනං
පඤ්චපඤ්ඤාස ගාථායො ගණිතා අත්ථදස්සිහි.
ආලම්බනදායකවග්ගො තෙවීසතිමො.
24. උදකාසනවග්ගො
231. උදකාසනදායකත්ථෙරාපදානං
2424. ආරාමද්වාරා නික්ඛම්ම ඵලකං සන්ථරිං අහං,
උදකඤ්ච උපට්ඨාසිං උත්තමත්ථස්ස පත්තියා.
උදකඤ්ච උපට්ඨාසිං උත්තමත්ථස්ස පත්තියා.
2425. එකතිංසෙ ඉතො කප්පෙ යං කම්මමකරිං තදා,
දුග්ගතිං නාභිජානාමි ආසනෙ චොදකෙ ඵලං.
දුග්ගතිං නාභිජානාමි ආසනෙ චොදකෙ ඵලං.
2426. ඉතො පණ්ණරසෙ කප්පෙ අභිසාමසමව්හයො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2427. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා උදකාසනදායකො ථෙරො ඉමා ගාථායො අභාසිත්ථාති.
උදකාසනදායකත්ථෙරස්ස අපදානං පඨමං.
232. භාජනදායකත්ථෙරාපදානං
2428. නගරෙ බන්ධුමතියා කුම්භකාරො අහං තදා,
භාජනං අනුපාලෙසිං භික්ඛුසඞ්ඝස්ස තාවදෙ.
භාජනං අනුපාලෙසිං භික්ඛුසඞ්ඝස්ස තාවදෙ.
2429. එකනවුතෙ ඉතො කප්පෙ භාජනං අනුපාලයිං,
දුග්ගතිං නාභිජානාමි භාජනස්ස ඉදං ඵලං.
දුග්ගතිං නාභිජානාමි භාජනස්ස ඉදං ඵලං.
2430. තෙපඤ්ඤාසෙ ඉතො කප්පෙ අනන්තජාලි නාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2431. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා භාජනදායකො ථෙරො ඉමා ගාථායො අභාසිත්ථාති.
භාජනදායකත්ථෙරස්ස අපදානං දුතියං.
233. සාලපූපියත්ථෙරාපදානං
2432. අරුණවතියා නගරෙ අහොසිං පූපිකො අහං,
මම ද්වාරෙන ගච්ඡන්තං සිඛිනං අද්දසං ජිනං.
මම ද්වාරෙන ගච්ඡන්තං සිඛිනං අද්දසං ජිනං.
2433. බුද්ධස්ස පත්තං පග්ගය්හ සාලපූපං අදාසහං,
සම්මග්ගතස්ස බුද්ධස්ස විප්පසන්නෙන චෙතසා.
සම්මග්ගතස්ස බුද්ධස්ස විප්පසන්නෙන චෙතසා.
2434. එකතිංසෙ ඉතො කප්පෙ යං ඛජ්ජකමදාසහං.
දුග්ගතිං නාභිජානාමි සාලපූපස්සිදං ඵලං.
දුග්ගතිං නාභිජානාමි සාලපූපස්සිදං ඵලං.
2435. ඉතො චුද්දසකප්පම්හි අසොසිං අමිතඤ්ජලො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2436. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සාලපූපියො ථෙරො ඉමා ගාථායො අභාසිත්ථාති.
සාලපූපියත්ථෙරස්ස අපදානං තතියං.