221. ආලම්බනදායකත්ථෙරාපදානං.
2373. අත්ථදස්සිස්ස භගවතො ලොකජෙට්ඨස්ස තාදිනො,
ආලම්බනං මයා දින්නං දිපදින්දස්ස තාදිනො.
ආලම්බනං මයා දින්නං දිපදින්දස්ස තාදිනො.
2374. ධරණිං පටිපජ්ජාමි විපුලං සාගරප්පරං,
පාණෙසු ච ඉස්සරියං වත්තෙමි වසුධාය ච.
පාණෙසු ච ඉස්සරියං වත්තෙමි වසුධාය ච.
2375. කිලෙසා ඣාපිතා මය්හං භවා සබ්බෙ සමූහතා,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
2376. ඉතො ද්වෙසට්ඨිකප්පම්භි තයො ආසිංසු ඛත්තියා,
එකාපස්සිත නාමා තෙ චක්කවත්තී මහබ්බලා.
එකාපස්සිත නාමා තෙ චක්කවත්තී මහබ්බලා.
2377. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආලම්බනදායකො ථෙරො ඉමා ගාථායො අභාසිත්ථාති.
ආලම්බනදායකත්ථෙරස්ස අපදානං පඨමං.
222. අජිනදායකත්ථෙරාපදානං.
2378. එකතිංසෙ ඉතො කප්පෙ ගණසත්ථා අහොසහං,
අද්දසං විරජං බුද්ධං ආහුතීනං පටිග්ගහං.
අද්දසං විරජං බුද්ධං ආහුතීනං පටිග්ගහං.
2379. චම්මඛණ්ඩං මයා දින්නං සිඛිනො ලොකබන්ධුනො,
තෙන කම්මෙන දිපදින්දෙ ලොකජෙට්ඨෙ නරාසභෙ.
තෙන කම්මෙන දිපදින්දෙ ලොකජෙට්ඨෙ නරාසභෙ.
2380. සම්පත්තිං අනුභොත්වාන කිලෙසෙ ඣාපයිං අහං,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
2381. එකතිංසෙ ඉතො කප්පෙ අජිනං යමදාස’හං,
දුග්ගතිං නාභිජානාමි අජිනස්ස ඉදං ඵලං.
දුග්ගතිං නාභිජානාමි අජිනස්ස ඉදං ඵලං.
2382. ඉතො පඤ්චමකෙ කප්පෙ රාජා ආසිං සුදායකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2383. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අජිනදායකො ථෙරො ඉමා ගාථායො අභාසිත්ථාති.
අජිනදායකත්ථෙරස්ස අපදානං දුතියං.
223. ද්විරතනියත්ථෙරාපදානං
2384. මිගලුද්දො පුරෙ ආසිං අරඤ්ඤෙ කානනෙ අහං,
අද්දසං විරජං බුද්ධං ආහුතීනං පටිග්ගහං.
අද්දසං විරජං බුද්ධං ආහුතීනං පටිග්ගහං.
2385. මංසපෙසී මයා දින්නා විපස්සිස්ස මහෙසිනො,
සදෙවකස්මිං ලොකස්මිං ඉස්සරං කාරයාමහං.
සදෙවකස්මිං ලොකස්මිං ඉස්සරං කාරයාමහං.
2386. ඉමිනා මංසදානෙන රතනං නිබ්බත්තතෙ මම,
දුවෙ’මෙ රතනා ලොකෙ දිට්ඨධම්මස්ස පත්තියා.
දුවෙ’මෙ රතනා ලොකෙ දිට්ඨධම්මස්ස පත්තියා.
2387. තෙහං සබ්බෙ අනුභොමි මංසදානස්ස සත්තියා,
ගත්තඤ්ච මුදුකං මය්හං පඤ්ඤා නිපුණවෙදිනී.
ගත්තඤ්ච මුදුකං මය්හං පඤ්ඤා නිපුණවෙදිනී.
2388. එකනවුතෙ ඉතො කප්පෙ යං මංසමදදිං අහං,
දුග්ගතිං නාභිජානාමි මංසදානස්සිදං ඵලං.
දුග්ගතිං නාභිජානාමි මංසදානස්සිදං ඵලං.
2389. ඉතො චතුත්ථකෙ කප්පෙ එකො ආසිං ජනාධිපො,
මහාරොහිත නාමො සො චක්කවත්තී මහබ්බලො.
මහාරොහිත නාමො සො චක්කවත්තී මහබ්බලො.
2390. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ද්විරතනියො ථෙරො ඉමා ගාථායො අභාසිත්ථාති.
ද්විරතනියත්ථෙරස්ස අපදානං තතියං.
224. ආරක්ඛදායකත්ථෙරාපදානං
2391. සිද්ධත්ථස්ස භගවතො වෙදි කාරාපිතා මයා,
ආරක්ඛො ච මයා දින්නො සුගතස්ස මහෙසිනො.
ආරක්ඛො ච මයා දින්නො සුගතස්ස මහෙසිනො.
2392. තෙන කම්මවිසෙසෙන න පස්සෙ භයභෙරවං,
කුහිඤ්චි උප්පන්නස්ස තාසො මය්හං න විජ්ජති.
කුහිඤ්චි උප්පන්නස්ස තාසො මය්හං න විජ්ජති.
2393. චතුනවුතෙ ඉතො කප්පෙ යං වෙදිං කාරයිං අහං,
දුග්ගතිං නාභිජානාමි වෙදිකාය ඉදං ඵලං.
දුග්ගතිං නාභිජානාමි වෙදිකාය ඉදං ඵලං.
2394. ඉතො ඡට්ටම්භි කප්පම්හි අපස්සෙන සනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2395. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආරක්ඛදායකො ථෙරො ඉමා ගාථායො අභාසිත්ථාති.
ආරක්ඛදායකත්ථෙරස්ස අපදානං චතුත්ථං.