219. සප්පිදායකත්ථෙරාපදානං.
2362. නිසින්නො පාසාදවරෙ නාරීගණපුරක්ඛතො,
ව්යාධිතං සමණං දිස්වා අභිනාමෙසහං ඝරං.
ව්යාධිතං සමණං දිස්වා අභිනාමෙසහං ඝරං.
2363. උපවිට්ඨං මහාවීරං දෙවදෙවං නරාසභං,
සප්පිතෙලං මයා දින්නං සිද්ධත්ථස්ස මහෙසිනො.
සප්පිතෙලං මයා දින්නං සිද්ධත්ථස්ස මහෙසිනො.
2364. පස්සද්ධදරථං දිස්වා විප්පසන්නමුඛින්ද්රියං,
වන්දිත්වා සත්ථුනො පාදෙ අනුසංසාවයිං පුරෙ.
වන්දිත්වා සත්ථුනො පාදෙ අනුසංසාවයිං පුරෙ.
2365. දිස්වා මං සුප්පසන්නත්තං ඉද්ධියා පාරමිඞ්ගතො,
නභං අබ්භුග්ගමී ධීරො හංසරාජාව අම්බරෙ.
නභං අබ්භුග්ගමී ධීරො හංසරාජාව අම්බරෙ.
2366. චතුන තෙ ඉතො කප්පෙ යං දානමදදිං තදා,
දුග්ගතිං නාභිජානාමි සප්පිතෙලස්සිදං ඵලං.
දුග්ගතිං නාභිජානාමි සප්පිතෙලස්සිදං ඵලං.
2367. ඉතො සත්තරසෙ කප්පෙ ජුතිදෙව සනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2368. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සප්පිදායකො ථෙරො ඉමා ගාථායො අභාසිත්ථාති.
සප්පිදායකත්ථෙරස්ස අපදානං නවමං.
220. පාපනිවාරියත්ථෙරාපදානං.
2369. පියදස්සිස්ස භගවතො චඞ්කමං සොධිතං මයා,
නළකෙහි පටිච්ඡන්නං වාතාතපනිවාරණං.
නළකෙහි පටිච්ඡන්නං වාතාතපනිවාරණං.
2370. පාපං විවජ්ජනත්ථාය කුසලස්සුපසම්පදා,
කිලෙසානං පහානාය පදහිං සත්ථුසාසනෙ.
කිලෙසානං පහානාය පදහිං සත්ථුසාසනෙ.
2371. ඉතො එකාදසෙ කප්පෙ යං අග්ගිදෙවොති විස්සුතො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2372. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පාපනිවාරියො ථෙරො ඉමා ගාථායො අභාසිත්ථාති.
පාපනිවාරියත්ථෙරස්ස අපදානං දසමං.
උද්දානං:
හත්ථි පානධි සච්චඤ්ච එකසඤ්ඤී ච රංසියො
සණ්ඨිතො තාලවණ්ටී ච තථා අක්කන්තසඤ්ඤකො
සප්පි පාපනිචාරී ච චතුපඤ්ඤාස ගාථකාති.
සණ්ඨිතො තාලවණ්ටී ච තථා අක්කන්තසඤ්ඤකො
සප්පි පාපනිචාරී ච චතුපඤ්ඤාස ගාථකාති.
හත්ථිවග්ගො බාවීසතිමො.
23. ආලම්බනදායකවග්ගො
221. ආලම්බනදායකත්ථෙරාපදානං.
2373. අත්ථදස්සිස්ස භගවතො ලොකජෙට්ඨස්ස තාදිනො,
ආලම්බනං මයා දින්නං දිපදින්දස්ස තාදිනො.
ආලම්බනං මයා දින්නං දිපදින්දස්ස තාදිනො.
2374. ධරණිං පටිපජ්ජාමි විපුලං සාගරප්පරං,
පාණෙසු ච ඉස්සරියං වත්තෙමි වසුධාය ච.
පාණෙසු ච ඉස්සරියං වත්තෙමි වසුධාය ච.
2375. කිලෙසා ඣාපිතා මය්හං භවා සබ්බෙ සමූහතා,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
2376. ඉතො ද්වෙසට්ඨිකප්පම්භි තයො ආසිංසු ඛත්තියා,
එකාපස්සිත නාමා තෙ චක්කවත්තී මහබ්බලා.
එකාපස්සිත නාමා තෙ චක්කවත්තී මහබ්බලා.
2377. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආලම්බනදායකො ථෙරො ඉමා ගාථායො අභාසිත්ථාති.
ආලම්බනදායකත්ථෙරස්ස අපදානං පඨමං.
222. අජිනදායකත්ථෙරාපදානං.
2378. එකතිංසෙ ඉතො කප්පෙ ගණසත්ථා අහොසහං,
අද්දසං විරජං බුද්ධං ආහුතීනං පටිග්ගහං.
අද්දසං විරජං බුද්ධං ආහුතීනං පටිග්ගහං.
2379. චම්මඛණ්ඩං මයා දින්නං සිඛිනො ලොකබන්ධුනො,
තෙන කම්මෙන දිපදින්දෙ ලොකජෙට්ඨෙ නරාසභෙ.
තෙන කම්මෙන දිපදින්දෙ ලොකජෙට්ඨෙ නරාසභෙ.
2380. සම්පත්තිං අනුභොත්වාන කිලෙසෙ ඣාපයිං අහං,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
2381. එකතිංසෙ ඉතො කප්පෙ අජිනං යමදාස’හං,
දුග්ගතිං නාභිජානාමි අජිනස්ස ඉදං ඵලං.
දුග්ගතිං නාභිජානාමි අජිනස්ස ඉදං ඵලං.
2382. ඉතො පඤ්චමකෙ කප්පෙ රාජා ආසිං සුදායකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2383. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අජිනදායකො ථෙරො ඉමා ගාථායො අභාසිත්ථාති.
අජිනදායකත්ථෙරස්ස අපදානං දුතියං.