215. රංසිසඤ්ඤකත්ථෙරාපදානං.
2339. උදෙන්තං සතරංසිංව සිතරංසිංව භානුමං,
ව්යග්ඝූසභංව පවරං සුජාතං පබ්බතන්තරෙ.
ව්යග්ඝූසභංව පවරං සුජාතං පබ්බතන්තරෙ.
2340. බුද්ධස්ස ආනුභාවො සො ජලතෙ පබ්බතන්තරෙ,
රංසෙ චිත්තං පසාදෙත්වා කප්පං සග්ගම්හි මොදහං.
රංසෙ චිත්තං පසාදෙත්වා කප්පං සග්ගම්හි මොදහං.
2341. අවසෙසෙසු කප්පෙසු කුසලං සුකතං මයා,
තෙන චිත්තප්පසාදෙන බුද්ධානුස්සතියා පි ච.
තෙන චිත්තප්පසාදෙන බුද්ධානුස්සතියා පි ච.
2342. තිංසකප්පසහස්සෙතො යං සඤ්ඤමලභිං තදා,
දුග්ගතිං නාභිජානාමි බුද්ධසඤ්ඤායිදං ඵලං.
දුග්ගතිං නාභිජානාමි බුද්ධසඤ්ඤායිදං ඵලං.
2343. සත්තපඤ්ඤාසකප්පම්හි එකො ආසිං ජනාධිපො,
සුජාතො නාම නාමෙන චක්කවත්ති මහබ්බලො.
සුජාතො නාම නාමෙන චක්කවත්ති මහබ්බලො.
2344. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා රංසිසඤ්ඤකො ථෙරො ඉමා ගාථායො අභාසිත්ථාති.
රංසිසඤ්ඤකත්ථෙරස්ස අපදානං පඤ්චමං.
216. සණ්ඨිතත්ථෙරාපදානං.
2345. අස්සත්ථෙ හරිතොභාසෙ සංවිරූළ්හම්හි පාදපෙ,
එකං බුද්ධගතං සඤ්ඤං අලභිස්ස පතිස්සතො.
එකං බුද්ධගතං සඤ්ඤං අලභිස්ස පතිස්සතො.
2346. එකතිංසෙ ඉතො කප්පෙ යං සඤ්ඤමලභිං තදා,
තස්සා සඤ්ඤාය වාහසා පත්තො මෙ ආසවක්ඛයො.
තස්සා සඤ්ඤාය වාහසා පත්තො මෙ ආසවක්ඛයො.
2347. ඉතො තෙරසකප්පම්හි ධනිට්ඨො නාම ඛත්තියො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2348. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සණ්ඨිතො ථෙරො ඉමා ගාථායො අභාසිත්ථාති.
සණ්ඨිතත්ථෙරස්ස අපදානං ඡට්ඨං.
217. තාලවණ්ටදායකත්ථෙරාපදානං
2349. තාලවණ්ටං මයා දින්නං තිස්සස්සා’ දිච්චබන්ධුනො,
ගිම්හනිබ්බාපනත්ථාය පරිළාහොපසන්තියා.
ගිම්හනිබ්බාපනත්ථාය පරිළාහොපසන්තියා.
2350. සන්නිබ්බාපෙමි රාගග්ගිං දොසග්ගිඤ්ච තදුත්තරිං,
නිබ්බාපෙමි ච මොහග්ගිං තාලවණ්ටස්සිදං ඵලං.
නිබ්බාපෙමි ච මොහග්ගිං තාලවණ්ටස්සිදං ඵලං.
2351. කිලෙසා ඣාපිතා මය්හං භවා සබ්බෙ සමූහතා,
ධාරෙමි අන්තිමං දෙහං සම්මාසම්බුද්ධසාසනං.
ධාරෙමි අන්තිමං දෙහං සම්මාසම්බුද්ධසාසනං.
2352. ද්වෙ නවුතෙ ඉතො කප්පෙ යං කම්මමකරිං තදා,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2353. තොසට්ඨිම්හි ඉතො කප්පෙ මහානාම සනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2354. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තාලවණ්ටදායකො ථෙරො ඉමා ගාථායො අභාසිත්ථාති.
තාලවණ්ටදායකත්ථෙරස්ස අපදානං සත්තමං.
218. අක්කන්තසඤ්ඤකත්ථෙරාපදානං.
2355. කුසාටකං ගහෙත්වාන උපජ්ඣායස්ස’හං පුරෙ,
මන්තං ච අනුසික්ඛාමි කණ්ඩභෙදස්ස පත්තියා,
මන්තං ච අනුසික්ඛාමි කණ්ඩභෙදස්ස පත්තියා,
2356. අද්දසං විරජං බුද්ධං ආහුතීනං පටිග්ගහං,
උසභං පවරං අග්ගං තිස්සං බුද්ධං ගණුත්තමං.
උසභං පවරං අග්ගං තිස්සං බුද්ධං ගණුත්තමං.
2357. කුසාටක පත්ථරිතං අක්කමන්තං නරුත්තමං,
සමුග්ගතං මහාවීරං ලොකජෙට්ඨං නරාසභං.
සමුග්ගතං මහාවීරං ලොකජෙට්ඨං නරාසභං.
2358. දිස්වා තං ලොකපජ්ජොතං විමලං චන්දසන්නිභං,
අවන්දිං සත්ථුනො පාදෙ විප්පසන්නෙන චෙතසා.
අවන්දිං සත්ථුනො පාදෙ විප්පසන්නෙන චෙතසා.
2359. චතුනවුතෙ ඉතො කප්පෙ යං අදාසිං කුසාටකං,
දුග්ගතිං නාභිජානාමි කුසාටකස්සිදං ඵලං.
දුග්ගතිං නාභිජානාමි කුසාටකස්සිදං ඵලං.
2360. සත්තතිංසෙ ඉතො කප්පෙ එකො ආසිං ජනාධිපො,
සුනන්දො නාම නාමෙන චක්කවත්තී මහබ්බලො.
සුනන්දො නාම නාමෙන චක්කවත්තී මහබ්බලො.
2361. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා අක්කන්තසඤ්ඤකො ථෙරො ඉමා ගාථායො අභාසිත්ථාති.
අක්කන්තසඤ්ඤකත්ථෙරස්ස අපදානං අට්ඨමං.