207. සලලමාලියත්ථෙරාපදානං
2299. කණිකාරංව ජොතන්තං නිසින්නං පබ්බතන්තරෙ,
ඔභාසෙන්තං දිසා සබ්බා සිද්ධත්ථං නරසාරථිං.
ඔභාසෙන්තං දිසා සබ්බා සිද්ධත්ථං නරසාරථිං.
2300. ධනුමද්වෙජ්ඣං කත්වාන උසුං සන්නය්හ’හං තදා,
පුප්ඵං සවණටං ඡෙත්වාන බුද්ධස්ස අභිරොපයිං.
පුප්ඵං සවණටං ඡෙත්වාන බුද්ධස්ස අභිරොපයිං.
2301. චතුනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2302. එකපඤ්ඤාසි’තො කප්පෙ එකො ආසිං ජුතින්ධරො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2303. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සල්ලමාලියො ථෙරො ඉමා ගාථායො අභාසිත්ථාති.
සලලමාලියත්ථෙරස්ස අපදානං සත්තමං.
208. කොරණ්ඩපුප්ඵියත්ථෙරාපදානං
2304. අක්කන්තඤ්ච පදං දිස්වා චක්කාලඞ්කාර භූසිතං,
පදෙනා’නුපදං යන්තො විපස්සිස්ස මහෙසිනො.
පදෙනා’නුපදං යන්තො විපස්සිස්ස මහෙසිනො.
2305. කොරණ්ඩං පුප්ඵිතං දිස්වා සමූලං පූජිතං මයා,
හට්ඨො හට්ඨෙන චිත්තෙන අවන්දිං පදමුත්තමං.
හට්ඨො හට්ඨෙන චිත්තෙන අවන්දිං පදමුත්තමං.
2306. එකනවුතෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි පදපූජායිදං ඵලං.
දුග්ගතිං නාභිජානාමි පදපූජායිදං ඵලං.
2307. සත්තපඤ්ඤාසකප්පම්හි එකො වීතමලො අහු,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2308. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කොරණ්ඩපුප්ඵියො ථෙරො ඉමා ගාථායො අභාසිත්ථාති.
කොරණ්ඩපුප්ඵියත්ථෙරස්ස අපදානං අට්ඨමං.
209. ආධාරදායකත්ථෙරාපදානං
2309. ආධාරකං මයා දින්නං සිඛිනො ලොකබන්ධුනො,
ධාරෙමි පඨවිං සබ්බං කෙවලං වසුධං ඉමං.
ධාරෙමි පඨවිං සබ්බං කෙවලං වසුධං ඉමං.
2310. කිලෙසා ඣාපිතා මය්හං භවා සබ්බෙ සමූහතා,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
2311. සත්තවීසෙ ඉතො කප්පෙ අහෙසුං චතුරො ජනා,
සමත්තචරණා නාම චක්කවත්තී මහබ්බලා.
සමත්තචරණා නාම චක්කවත්තී මහබ්බලා.
2312. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ආධාරදායකො ථෙරො ඉමා ගාථායො අභාසිත්ථාති.
ආධාරදායකත්ථෙරස්ස අපදානං නවමං.
210. වාතාතපනිවාරියත්ථෙරාපදානං
2313. තිස්සස්ස තු භගවතො දෙවදෙවස්ස තාදිනො,
එකච්ඡත්තං මයා දින්නං විප්පසන්නෙන චෙතසා.
එකච්ඡත්තං මයා දින්නං විප්පසන්නෙන චෙතසා.
2314. නිවුතං හොතී මෙ පාපං කුසලස්සු’පසම්පදා,
ආකාසෙ ඡත්තං ධාරෙන්ති පුබ්බකම්මස්සිදං ඵලං.
ආකාසෙ ඡත්තං ධාරෙන්ති පුබ්බකම්මස්සිදං ඵලං.
2315. චරිමං වත්තතෙ මය්හං භවා සබ්බෙ සමූහතා,
ධාරෙමි අන්තිමං දෙහං සම්මාසම්බුද්ධසාසනෙ.
ධාරෙමි අන්තිමං දෙහං සම්මාසම්බුද්ධසාසනෙ.
2316. ද්වෙනවුතෙ ඉතො කප්පෙ යං ඡත්තමදදිං තදා,
දුග්ගතිං නාභිජානාමි ඡත්තදානස්සිදං ඵලං.
දුග්ගතිං නාභිජානාමි ඡත්තදානස්සිදං ඵලං.
2317. ද්වෙසත්තතිම්හිතො කප්පෙ අට්ඨාසිංසු ජනාධිපා,
මහානිදානනාමෙන රාජානො චක්කවත්තිනො.
මහානිදානනාමෙන රාජානො චක්කවත්තිනො.
2318. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා වාතාතපනිවාරියො ථෙරො ඉමා ගාථායො අභාසිත්ථාති.
වාතාපනිවාරියත්ථෙරස්ස අපදානං දසමං.
උද්දානං:
කණිකාරො මිනෙලඤ්ච කිඞ්කිණී තරණෙන ච
නිග්ගුණ්ඩිපුප්ඵි දකදො සලලො ච කුරණ්ඩකො
ආධාරකොතපවාරී අට්ඨතාළීස ගාථකා.
නිග්ගුණ්ඩිපුප්ඵි දකදො සලලො ච කුරණ්ඩකො
ආධාරකොතපවාරී අට්ඨතාළීස ගාථකා.
කණිකාරපුප්ඵියවග්ගො එකවීසතිමො.