188. තිකණ්ණිපුප්ඵියත්ථෙරාපදානං
2197. දෙවභූතො අහං සන්තො අච්ඡරාහි පුරක්ඛතො,
පුබ්බකම්මං සරිත්වාන බුද්ධසෙට්ඨමනුස්සරිං.
පුබ්බකම්මං සරිත්වාන බුද්ධසෙට්ඨමනුස්සරිං.
2198. තිකණ්ණිපුප්ඵං පග්ගය්හ සකං චිත්තං පසාදිය,
බුද්ධම්හි අභිරොපෙසිං විපස්සිම්හි නරාසභෙ.
බුද්ධම්හි අභිරොපෙසිං විපස්සිම්හි නරාසභෙ.
2199. එකනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2200. තෙසත්තතිම්භිතො කප්පෙ චතුරාසුං රමුත්තමා,
සත්තරතනසම්පන්නො චක්කවත්තී මහබ්බලා.
සත්තරතනසම්පන්නො චක්කවත්තී මහබ්බලා.
2201. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිකණ්ණිපුප්ඵියො ථෙරො ඉමා ගාථායො අභාසිත්ථාති.
තිකණ්ණිපුප්ඵියත්ථෙරස්ස අපදානං අට්ඨමං.
189. එකචාරියත්ථෙරාපදානං.
2202. තාවතිංසෙසු දෙවෙසු මහාඝොසො තදා අහු,
බුද්ධො ච ලොකෙ නිබ්බාති මයං චම්හ සරාගිනො.
බුද්ධො ච ලොකෙ නිබ්බාති මයං චම්හ සරාගිනො.
2203. තෙසං සංවෙගජාතානං සොකසල්ලසමඞ්ගිනං,
සබලෙන උපත්ථද්ධො අගමං බුද්ධසන්තිකං.
සබලෙන උපත්ථද්ධො අගමං බුද්ධසන්තිකං.
2204. මන්දාරවං ගහෙත්වාන සණ්හිතං අභිනිම්මිතං,
පරිනිබ්බාණකාලම්භි බුද්ධස්ස අභිරොපයිං.
පරිනිබ්බාණකාලම්භි බුද්ධස්ස අභිරොපයිං.
2205. සබ්බෙ දෙවානුමොදිංසු අච්ඡරායො ච මෙ තදා,
කප්පානං සතසහස්සං දුග්ගතිං නූපපජ්ජහං.
කප්පානං සතසහස්සං දුග්ගතිං නූපපජ්ජහං.
2206. සට්ඨිකප්පසහස්සම්හි ඉතො සොළස තෙ ජනා,
මහාමල්ලජනා නාම චක්කවත්තී මහබ්බලා.
මහාමල්ලජනා නාම චක්කවත්තී මහබ්බලා.
2207. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකචාරියො ථෙරො ඉමා ගාථායො අභාසිත්ථාති.
එකචාරියත්ථෙරස්ස අපදානං නවමං.
190. තිවණ්ටිපුප්ඵියත්ථෙරාපදානං.
2208. අභිභූතො පනිජ්ඣන්ති සබ්බෙ සඞ්ගම්ම තෙ මමං,
තෙසං නිජ්ඣායමානානං පරිළාහො අජායථ.
තෙසං නිජ්ඣායමානානං පරිළාහො අජායථ.
2209. සුනන්දො නාම නාමෙන බුද්ධස්ස සාවකො තදා,
ධම්මදස්සිස්ස මුනිනො ආගච්ඡි මම සන්තිකෙ.
ධම්මදස්සිස්ස මුනිනො ආගච්ඡි මම සන්තිකෙ.
2210. යෙ මෙ බද්ධචරා ආසුං තෙ මෙ පුප්ඵං අදුං තදා,
තාහං පුප්ඵං ගහෙත්වාන සාවකෙ අභිරොපයිං.
තාහං පුප්ඵං ගහෙත්වාන සාවකෙ අභිරොපයිං.
2211. සොහං කාලකතො තත්ථ පුනාපි උපපජ්ජහං,
අට්ඨාරසෙ කප්පසතෙ විනිපාතං න ගච්ඡහං.
අට්ඨාරසෙ කප්පසතෙ විනිපාතං න ගච්ඡහං.
2212. තෙරසෙතො කප්පසතෙ අට්ඨාසුං ධූමකෙතුනො,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2213. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිවණ්ටිපුප්ඵියො ථෙරො ඉමා ගාථායො අභාසිත්ථාති.
තිවණ්ටිපුප්ඵියත්ථෙරස්ස අපදානං දසමං.
උද්දානං:
කුටජො බන්ධුජීවී ච කොටුම්බරිකහත්ථියො
ඉසිමුග්ගො ච බොධී ච එකචින්තී තිකණ්ණිකො
එකචාරී තිවණ්ටී ච ගාථා ද්වාසට්ඨි කිත්තිතා.
ඉසිමුග්ගො ච බොධී ච එකචින්තී තිකණ්ණිකො
එකචාරී තිවණ්ටී ච ගාථා ද්වාසට්ඨි කිත්තිතා.
කුටජපුප්ඵියවග්ගො එකූනවීසතිමො.