185. ඉසිමුග්ගදායකත්ථෙරාපදානං.
2175. උදෙන්තං සතරංසිං’ව සිතරංසිං’ව භානුමං,
කකුධං විලසන්තං’ව පදුමුත්තරනායකං.
කකුධං විලසන්තං’ව පදුමුත්තරනායකං.
2176. ඉසිමුග්ගානි පිංසෙත්වා මධුඛුද්දෙ අනීළකෙ,
පාසාදෙ’ව ඨිතො සන්තො අදාසිං ලොකබන්ධුනො.
පාසාදෙ’ව ඨිතො සන්තො අදාසිං ලොකබන්ධුනො.
2177. අට්ඨසතසහස්සානි අහෙසුං බුද්ධසාවකා,
සබ්බෙසං පත්තපූරං තං තතො චාපි බහුත්තරං.
සබ්බෙසං පත්තපූරං තං තතො චාපි බහුත්තරං.
2178. තෙන චිත්තප්පසාදෙන සුක්කමූලෙන චොදිතො,
කප්පානං සතසහස්සං දුග්ගතිං නූපපජ්ජහං.
කප්පානං සතසහස්සං දුග්ගතිං නූපපජ්ජහං.
2179. චත්තාරීසම්හි සහසෙස කප්පානං අට්ඨතිංස තෙ,
ඉසිමුග්ගසනාමා තෙ චක්කවත්තී මහබ්බලො.
ඉසිමුග්ගසනාමා තෙ චක්කවත්තී මහබ්බලො.
2180. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ඉසිමුග්ගදායකො ථෙරො ඉමා ගාථායො අභාසිත්ථාති.
ඉසිමුග්ගදායකත්ථෙරස්ස අපදානං පඤ්චමං.
186. බොධිඋපට්ඨාකත්ථෙරාපදානං.
2181. නගරෙ රම්මවතියා ආසිං මුරජවාදකො,
නිච්චුපට්ඨානයුත්තො’ම්භි ගතොහං බොධිමුත්තමං.
නිච්චුපට්ඨානයුත්තො’ම්භි ගතොහං බොධිමුත්තමං.
2182. සායං පාතං උපට්ඨිත්වා සුක්කමූලෙන චොදිතො,
අට්ඨාරසකප්පසතෙ දුග්ගතිං නූපපජ්ජහං.
අට්ඨාරසකප්පසතෙ දුග්ගතිං නූපපජ්ජහං.
2183. පඤ්චදසෙ කප්පසතෙ ඉතො ආසිං ජනාධිපො,
මුරජො නාම නාමෙන චක්කවත්තී මහබ්බලො.
මුරජො නාම නාමෙන චක්කවත්තී මහබ්බලො.
2184. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා බොධිඋපට්ඨාකො ථෙරො ඉමා ගාථායො අභාසිත්ථාති.
බොධිඋපට්ඨාකත්ථෙරස්ස අපදානං ඡට්ඨං.
187. එකචින්තිකත්ථෙරාපදානං.
2185. යදා දෙවො දෙවකායා චවතෙ ආයුසඞ්ඛයා,
තයො සද්දා නිච්ඡරන්ති දෙවානං අනුමොදතං.
තයො සද්දා නිච්ඡරන්ති දෙවානං අනුමොදතං.
2186. ඉතො භො සුගතිං ගච්ඡ මනුස්සානං සහව්යතං,
මනුස්සභූතො සද්ධම්මෙ ලභ සද්ධමනුත්තරං.
මනුස්සභූතො සද්ධම්මෙ ලභ සද්ධමනුත්තරං.
2187. සා තෙ සද්ධානිවිට්ඨාස්ස මූලජාතා පතිට්ඨිතා,
යාවජීවං අසංහීරා සද්ධම්මෙ සුප්පවෙදිතෙ.
යාවජීවං අසංහීරා සද්ධම්මෙ සුප්පවෙදිතෙ.
2188. කායෙන කුසලං කත්වා වාදාය කුසලං බහුං,
මනසා කුසලං කත්වා අව්යාපජ්ඣං නිරූපධිං.
මනසා කුසලං කත්වා අව්යාපජ්ඣං නිරූපධිං.
2189. තතො ඔපධිකං පුඤ්ඤං කත්වා දානෙන තං බහුං,
අඤ්ඤෙපි මච්චෙ සද්ධම්මෙ බ්රහ්මචරියෙ නිවෙසය.
අඤ්ඤෙපි මච්චෙ සද්ධම්මෙ බ්රහ්මචරියෙ නිවෙසය.
2190. ඉමාය අනුකම්පාය දෙවා දෙවං යදා විදූ,
චවන්තං අනුමොදන්ති එහි දෙවපුරං පුන.
චවන්තං අනුමොදන්ති එහි දෙවපුරං පුන.
2191. සංවෙගො මෙ තදා ආසි දෙවසඞ්ඝෙ සමාගතෙ,
කං සු නාම අහං යොනිං ගමිස්සාමි ඉතො චුතො.
කං සු නාම අහං යොනිං ගමිස්සාමි ඉතො චුතො.
2192. මම සංවෙගමඤ්ඤාය සමණො භාවිතින්ද්රියො,
මමුද්ධරිතුකාමො සො ආගච්ඡි මම සන්තිකං.
මමුද්ධරිතුකාමො සො ආගච්ඡි මම සන්තිකං.
2193. සුමනො නාම නාමෙන පදුමුත්තරසාවකො,
අත්ථධම්මානුසාසිත්වා සංවෙජෙසි මමං තදා.
අත්ථධම්මානුසාසිත්වා සංවෙජෙසි මමං තදා.
2194. තස්සා හං වචනං සුත්වා බුද්ධෙ චිත්තං පසාදයිං,
තං ධීරමභිවාදෙත්වා තත්ථ කාලකතො අහං.
තං ධීරමභිවාදෙත්වා තත්ථ කාලකතො අහං.
2195. උපපජ්ජිං ස තත්ථෙව සුක්කමූලෙන චොදිතො,
කප්පානං සතසහස්සං දුග්ගතිං නූපපජ්ජහං.
කප්පානං සතසහස්සං දුග්ගතිං නූපපජ්ජහං.
2196. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා එකචින්තිකො ථෙරො ඉමා ගාථායො අභාසිත්ථාති.
එකචින්තිකත්ථෙරස්ස අපදානං සත්තමං.
188. තිකණ්ණිපුප්ඵියත්ථෙරාපදානං
2197. දෙවභූතො අහං සන්තො අච්ඡරාහි පුරක්ඛතො,
පුබ්බකම්මං සරිත්වාන බුද්ධසෙට්ඨමනුස්සරිං.
පුබ්බකම්මං සරිත්වාන බුද්ධසෙට්ඨමනුස්සරිං.
2198. තිකණ්ණිපුප්ඵං පග්ගය්හ සකං චිත්තං පසාදිය,
බුද්ධම්හි අභිරොපෙසිං විපස්සිම්හි නරාසභෙ.
බුද්ධම්හි අභිරොපෙසිං විපස්සිම්හි නරාසභෙ.
2199. එකනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2200. තෙසත්තතිම්භිතො කප්පෙ චතුරාසුං රමුත්තමා,
සත්තරතනසම්පන්නො චක්කවත්තී මහබ්බලා.
සත්තරතනසම්පන්නො චක්කවත්තී මහබ්බලා.
2201. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිකණ්ණිපුප්ඵියො ථෙරො ඉමා ගාථායො අභාසිත්ථාති.
තිකණ්ණිපුප්ඵියත්ථෙරස්ස අපදානං අට්ඨමං.