183. කොටුම්බරියත්ථෙරාපදානං.
2163. කණිකාරං’ව ජොතන්තං නිසින්නං පබ්බතන්තරෙ,
අප්පමෙය්යං’ව උදධිං විත්ථතං ධරණිං යථා.
අප්පමෙය්යං’ව උදධිං විත්ථතං ධරණිං යථා.
2164. පූජිතං දෙවසඞ්ඝෙන නිසභාජානියං යථා,
හට්ඨො හට්ඨෙන චිත්තෙන උපගච්ඡිං නරුත්තමං.
හට්ඨො හට්ඨෙන චිත්තෙන උපගච්ඡිං නරුත්තමං.
2165. සත්ත පුප්ඵානි පග්ගය්හ කොටුම්බරසමාකුලං,
බුද්ධස්ස අභිරොපෙසිං සිඛිනො ලොකබන්ධුනො.
බුද්ධස්ස අභිරොපෙසිං සිඛිනො ලොකබන්ධුනො.
2166. එකතිංසෙ ඉතො කප්පෙ යං පුප්ඵමභිපූජයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2167. ඉතො වීසතිකප්පම්හි මහානෙලසනාමකො,
එකො ආසිං මහාතෙජො චක්කවත්තී මහබ්බලො.
එකො ආසිං මහාතෙජො චක්කවත්තී මහබ්බලො.
2168. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා කොටුම්බරියො ථෙරො ඉමා ගාථායො අභාසිත්ථාති.
කොටුම්බරියත්ථෙරස්ස අපදානං තතියං.
184. පඤ්චහත්ථියත්ථෙරාපදානං.
2169. තිස්සො නාමාසි භගවා ලොකජෙට්ඨො නරාසභො,
පුරක්ඛතො සාවකෙහි රථියං පටිපජ්ජථ.
පුරක්ඛතො සාවකෙහි රථියං පටිපජ්ජථ.
2170. පඤ්ච උප්පලහත්ථා ච චතුරො ඨපිතා මයා,
ආහුතිං දාතුකාමොහං පග්ගණ්හිං වතසිද්ධියා.
ආහුතිං දාතුකාමොහං පග්ගණ්හිං වතසිද්ධියා.
2171. සුවණ්ණවණ්ණං සම්බුද්ධං ගච්ඡන්තං අන්තරාපණෙ,
බුද්ධරංස්යාභිඵුට්ඨොම්භි පූජෙයිං දිපදුත්තමං.
බුද්ධරංස්යාභිඵුට්ඨොම්භි පූජෙයිං දිපදුත්තමං.
2172. ද්වෙනවුතෙ ඉතො කප්පෙ යං පුප්ඵමභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2173. ඉතො තෙරසකප්පම්භි පඤ්චාසූසභසම්මතා,
සත්තරතනසම්පන්නා චක්කවත්තී මහබ්බලා.
සත්තරතනසම්පන්නා චක්කවත්තී මහබ්බලා.
2174. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා පඤ්චහත්ථියො ථෙරො ඉමා ගාථායො අභාසිත්ථාති.
පඤ්චහත්ථියත්ථෙරස්ස අපදානං චතුත්ථං.
185. ඉසිමුග්ගදායකත්ථෙරාපදානං.
2175. උදෙන්තං සතරංසිං’ව සිතරංසිං’ව භානුමං,
කකුධං විලසන්තං’ව පදුමුත්තරනායකං.
කකුධං විලසන්තං’ව පදුමුත්තරනායකං.
2176. ඉසිමුග්ගානි පිංසෙත්වා මධුඛුද්දෙ අනීළකෙ,
පාසාදෙ’ව ඨිතො සන්තො අදාසිං ලොකබන්ධුනො.
පාසාදෙ’ව ඨිතො සන්තො අදාසිං ලොකබන්ධුනො.
2177. අට්ඨසතසහස්සානි අහෙසුං බුද්ධසාවකා,
සබ්බෙසං පත්තපූරං තං තතො චාපි බහුත්තරං.
සබ්බෙසං පත්තපූරං තං තතො චාපි බහුත්තරං.
2178. තෙන චිත්තප්පසාදෙන සුක්කමූලෙන චොදිතො,
කප්පානං සතසහස්සං දුග්ගතිං නූපපජ්ජහං.
කප්පානං සතසහස්සං දුග්ගතිං නූපපජ්ජහං.
2179. චත්තාරීසම්හි සහසෙස කප්පානං අට්ඨතිංස තෙ,
ඉසිමුග්ගසනාමා තෙ චක්කවත්තී මහබ්බලො.
ඉසිමුග්ගසනාමා තෙ චක්කවත්තී මහබ්බලො.
2180. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා ඉසිමුග්ගදායකො ථෙරො ඉමා ගාථායො අභාසිත්ථාති.
ඉසිමුග්ගදායකත්ථෙරස්ස අපදානං පඤ්චමං.
186. බොධිඋපට්ඨාකත්ථෙරාපදානං.
2181. නගරෙ රම්මවතියා ආසිං මුරජවාදකො,
නිච්චුපට්ඨානයුත්තො’ම්භි ගතොහං බොධිමුත්තමං.
නිච්චුපට්ඨානයුත්තො’ම්භි ගතොහං බොධිමුත්තමං.
2182. සායං පාතං උපට්ඨිත්වා සුක්කමූලෙන චොදිතො,
අට්ඨාරසකප්පසතෙ දුග්ගතිං නූපපජ්ජහං.
අට්ඨාරසකප්පසතෙ දුග්ගතිං නූපපජ්ජහං.
2183. පඤ්චදසෙ කප්පසතෙ ඉතො ආසිං ජනාධිපො,
මුරජො නාම නාමෙන චක්කවත්තී මහබ්බලො.
මුරජො නාම නාමෙන චක්කවත්තී මහබ්බලො.
2184. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා බොධිඋපට්ඨාකො ථෙරො ඉමා ගාථායො අභාසිත්ථාති.
බොධිඋපට්ඨාකත්ථෙරස්ස අපදානං ඡට්ඨං.
187. එකචින්තිකත්ථෙරාපදානං.
2185. යදා දෙවො දෙවකායා චවතෙ ආයුසඞ්ඛයා,
තයො සද්දා නිච්ඡරන්ති දෙවානං අනුමොදතං.
තයො සද්දා නිච්ඡරන්ති දෙවානං අනුමොදතං.
2186. ඉතො භො සුගතිං ගච්ඡ මනුස්සානං සහව්යතං,
මනුස්සභූතො සද්ධම්මෙ ලභ සද්ධමනුත්තරං.
මනුස්සභූතො සද්ධම්මෙ ලභ සද්ධමනුත්තරං.