178. මණිපූජකත්ථෙරාපදානං.
2137. ඔරෙන හිමවන්තස්ස නදිකා සම්පවත්තථ,
තස්සා චානුපඛෙත්තම්භි සයම්භූ වසතෙ තදා.
තස්සා චානුපඛෙත්තම්භි සයම්භූ වසතෙ තදා.
2138. මණිං පග්ගය්හ පල්ලඞ්කං සාධුචිත්තං මනොරමං,
පසන්නචිත්තො සුමනො බුද්ධස්ස අභිරොපයිං.
පසන්නචිත්තො සුමනො බුද්ධස්ස අභිරොපයිං.
2139. චතුනවුතෙ ඉතො කප්පෙ යං මණිං අභිරොපයිං,
දුග්ගතිං නාභිජානාමි බුද්ධපූජායිදං ඵලං.
දුග්ගතිං නාභිජානාමි බුද්ධපූජායිදං ඵලං.
2140. ඉතො ච ද්වාදසෙ කප්පෙ සතරංසි සනාමකා,
අට්ඨ තෙ ආසුං රාජානො චක්කවත්තී මහබ්බලා.
අට්ඨ තෙ ආසුං රාජානො චක්කවත්තී මහබ්බලා.
2141. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා මණිපූජකො ථෙරො ඉමා ගාථායො අභාසිත්ථාති.
මණිපූජකත්ථෙරස්ස අපදානං අට්ඨමං.
179. තිකිච්ඡකත්ථෙරාපදානං.
2142. නගරෙ බන්ධුමතියා වෙජ්ජො ආසිං සුසික්ඛිතො,
ආතුරානං සදුක්ඛානං මහාජනසුඛාවහො.
ආතුරානං සදුක්ඛානං මහාජනසුඛාවහො.
2143. ව්යාධිතං සමණං දිස්වා සීලවන්තං මහාජුතිං,
පසන්නචිත්තො සුමනො භෙසජ්ජමදදිං තදා.
පසන්නචිත්තො සුමනො භෙසජ්ජමදදිං තදා.
2144. අරොගො ආසි තෙනෙව සමණො සංවුතින්ද්රියො,
අසොකො නාම නාමෙන උපට්ඨාකො විපස්සිනො.
අසොකො නාම නාමෙන උපට්ඨාකො විපස්සිනො.
2145. එකනවුතෙ ඉතො කප්පෙ යමොසධමදාසභං,
දුග්ගතිං නාභිජානාමි භෙසජ්ජස්ස ඉදං ඵලං.
දුග්ගතිං නාභිජානාමි භෙසජ්ජස්ස ඉදං ඵලං.
2146. ඉතො ච අට්ඨමෙ කප්පෙ සබ්බොසධසනාමකො,
සත්තරතනසම්පන්නො චක්කවත්තී මහබ්බලො.
සත්තරතනසම්පන්නො චක්කවත්තී මහබ්බලො.
2147. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා තිකිච්ඡකො ථෙරො ඉමා ගාථායො අභාසිත්ථාති.
තිකිච්ඡකත්ථෙරස්ස අපදානං නවමං.
180. සඞ්ඝුපට්ඨාකත්ථෙරාපදානං.
2148. වෙස්සභුම්භි භගවති අහොසාරාමිකො අහං,
පසන්නචිත්තො සුමනො උපට්ඨිං සංඝමුත්තමං.
පසන්නචිත්තො සුමනො උපට්ඨිං සංඝමුත්තමං.
2149. එකතිංසෙ ඉතො කප්පෙ යං කම්මමකරිං තදා,
දුග්ගතිං නාභිජානාමි උපට්ඨානස්සිදං ඵලං.
දුග්ගතිං නාභිජානාමි උපට්ඨානස්සිදං ඵලං.
2150. ඉතො තෙ සත්තමෙ කප්පෙ සත්තෙවාසුං සමොදකා,
සත්තරතනසම්පන්නො චක්කවත්තී මහබ්බලා.
සත්තරතනසම්පන්නො චක්කවත්තී මහබ්බලා.
2151. පටිසම්භිදා චතස්සො විමොක්ඛාපි ච අට්ඨිමෙ,
ඡළභිඤ්ඤා සච්ඡිකතා කතං බුද්ධස්ස සාසනං.
ඡළභිඤ්ඤා සච්ඡිකතා කතං බුද්ධස්ස සාසනං.
ඉත්ථං සුදං ආයස්මා සඞ්ඝුපට්ඨාකො ථෙරො ඉමා ගාථායො අභාසිත්ථාති.
සඞ්ඝුපට්ඨාකත්ථෙරස්ස අපදානං දසමං.
උද්දානං:
කුමුදො අථ නිස්සෙණී රත්තිකො උදපානදො
සීහාසනී මග්ගදදො එකදීපි මණිප්පදො
තිකිච්ඡකො උපට්ඨාකො එකූනපඤ්ඤාස ගාථකාති.
සීහාසනී මග්ගදදො එකදීපි මණිප්පදො
තිකිච්ඡකො උපට්ඨාකො එකූනපඤ්ඤාස ගාථකාති.
කුමුදවග්ගො අට්ඨාරසමො.